Jesaja 5:5 - O Debleskro Lab 2024 (Sinte-Manouche)

⁵ Yaake kamau t'menge kanna penell, hoy kamau te krell ko drakengro themeha, hoy mange hi. Me kamau kol bourra krik te lell, hoy troul leste hi, yaake te vell lo tele rhalo, oun leskri massouri moukau tele te phagell, yaake te vell lo khetne stakedo.

O Debleskro Drom 2021 (Sinte)

⁵ Jaake kamau tumenge kanna penell, hoi kamau te krell ko drakengro themeha, hoi mange hi. Me kamau kol burra krik te lell, hoi trul leste hi, jaake te well lo tele chalo, un leskri massuri mukau tele te phagell, jaake te well lo khetne stakedo.

Jesaja 5:5 Iomraidhean Croise

1. Mose 11:4

Oun yon penan: “Avenn, mer krah menge i foro oun i baro kheer, hoy djal an o bolepen. Yaake sikrah hakeneske, har baro mer ham. Oun mer ačah khetne an ko them.”

1. Mose 11:7

Avenn, djas tele pash lende oun das hakenes i vavar rakepen, yaake, kay yek i vavares bouder gar hayvella.”

Nehemia 2:3

Oun me penom ap o rayeste: “Baro ray, te djivess hako tsireske! Har nay vell mange gar ropaske? Ko foro, kay mire phoure paskedo hi, hi paash kerdo. Oun leskre bare voudya hi pre rhačedo.”

Debleskri gili 89:40

Tou phagal tiri sovel, hoy tiro boudepaskres dal. Leskri rayeskri stadi vitsral ap i phoub, an i čik.

Debleskri gili 89:41

Leskro foro kral tou paash, oun kol bare zorele khera dal an kotya paash.

Gosewe laba 24:31

Oun soubyengre bourra his koy tardo oun lauter djoungelo zenlepen, oun i massouri troul ko kotar them his tele peredo.

Sikepaskro 3:3

Dell yek tsiro, kay vell maredo, oun yek tsiro, kay vell o doukepen sasto; yek tsiro, kay vell o kheer tele phagedo, oun yek tsiro, kay vell o kheer pre-čiddo.

Jesaja 10:6

Me bičrom len pash kol menshende, kay kamenn mandar či te djinell, oun ap kolende rhoyedo hom, te djan le ap lende pre, oun randenn len vin oun čorenn len vin, oun stakrenn len khetne har i čik ap o drom.

Jesaja 25:10

O baro Devel rikrell peskro vast pral kay berga. I menshen an o them Moab stakrell lo tel peskre herya khetne, yaake har phouss khetne stakedo vell, hoy an i čik čiddo hi.

Jesaja 28:18

Oun kova, hoy t'mer vin kran o merepah oun o moulengro themeha, vell krik lino oun hi gar bouder. Oun i lourde venn har i baro pani, oun stakrenn t'men khetne.

Jesaja 28:3

Peskre heryentsa stakrell lo ko pre-phourdo foro khetne, kay i mate dran Efrayim djivenn.

Jesaja 32:10

An yek bersh trissenn t'mer i daryatar, t'mer, kay kanna patsenn, te djal lauter mishto t'menge. Kek molyakre drake nay anenn dren. Oun či vavar vas baro, te nay lenn les khetne oun anenn les dren.

Jeremia 18:11

Oun kanna Yeremia, pen kol menshenge an Youda oun kolenge, kay djivenn an Yerusalem: Kova penell o baro Devel: Djinenn, man hi an o dji, te dap t'men i phagi, oun kamau bibarht pral t'mende te anell. Doleske djan tele hakeno peskro čilačo dromestar! Oun djivenn i vavar djipen!

Jeremia 21:4

Kova penell o baro Devel, ko Devel pral Israel: Me tradau t'mare lourden pale pengre rharentsa, hoy an lengre vasta hi, oun kolentsa kourenn le pen o baro rayeha dran o them Babilonia oun leskre lourdentsa, kol Kaldearya, kay hi vin tardo glan t'maro foreskri massouri. Me moukau len mashkral an o foro dren.

Jeremia 28:8

O Debleskre rakepangre, kay his glan mande oun glan toute, kolla rakran glan i rah tsiro pral kourepen, bok oun nasslepen, hoy vell pral zorele themma oun boud menshende.

Jeremia 45:4

Pen leske: Kova penell o baro Devel: Dik, miro them, hoy me bares krom, kova krau me paash. Mire menshe, kolendar i natsyona krom, tradau vin dran o them.

Ropaskre gilja 1:15

O baro Devel stakras mire zorele kourepangren khetne, kay pash mande his; Yob moukas i marepaskro rhapen vin te kharell, te nay venn mare terne morsha maredo. Yaake har drake khetne stakedo venn, te vell i mool vin, stakras lo i menshen dran Youda khetne.

Ropaskre gilja 2:6

Yob phagas peskro kheer tele, har te vals lo i kashteno kheer an i baar, oun kras koy platsa paash, kay vam khetne glan leste. Yob kras, te vell bouder kek an o foro Sion ap i bare divessa oun ap o Debleskro dives. An peskri zoreli rholi čivas lo o baro rayes oun i rashayen pale.

Ropaskre gilja 4:12

Kanna vas, hoy i bare raya pral i themma gar patsans, vitar gar i tsele menshe ap kay phoub: Lourde dran vavar themma, kay kaman maro them dren te lell, djan an i voudya o forestar Yerusalem dren.

Daniel 8:13

Oun me shounom i bolepaskres te rakrell. Oun i vavar bolepaskro poučas lestar: “Har rah djal kova, hoy an kava dikepen diklo vas? Har rah vell o Debleske bouder gar kova dino, hoy leske hako dives hounte vals? Oun har rah vell o Debleskro kheer pale-čiddo kerdo, oun ap i bolepangre lourdende trouyel stakedo?”

Hosea 2:12

Glan lakre pirnengre yaka rivau lat nanges vin. Oun kek nay lell lat dran miro vast vin.

Hosea 2:14

Me krau lakre drakengre rouka paash, ninna lakre faygetikre rouka, kolendar yoy penas: “Kolentsa playsran man mire pirne.” Me krau i divyo veesh dran lende. Oun kol roukengre, hoy pral ačenn, rhan i divye firhe.

Louka 21:24

Boud venna maredo o rhareha. Vavar venna pandlo oun venna an i vavar themma anlo. Oun o foro Yerusalem vell kol menshendar khetne stakedo, kay venna dran vavar themma. Kova djal yaake rah, har o Devel moukell len kova te krell.”

Debleskro tsiro 11:2

Oun ko kotar phoub glan o Debleskro baro kheer, kote čip ko kasht gar pre. Ko kotar phoub vell kolende dino, kay kek bibolde hi. Oun yon stakrenn o Debleskro foro khetne star-deesh-te-douy čon.