Jesaja 5:10 - O Debleskro Lab 2024 (Sinte-Manouche)

¹⁰ Ap deesh hektarya drakengro them venn drake bares, hoy denn gar boudeder har orhta litarya mool. Oun sheel kilogramme djob, hoy vi-vitsedo van an i phoub, anenn gar boudeder har deesh kilogramme djob.

O Debleskro Drom 2021 (Sinte)

¹⁰ Ap deesh hektarja drakengro them wenn drake bares, hoi denn gar budeder har ochta litarja mool. Un sheel kilogramme djob, hoi wi-witsedo wan an i phub, anenn gar budeder har deesh kilogramme djob.

Jesaja 5:10 Iomraidhean Croise

2. Mose 37:22

Oun kol bloume oun i moussya hi leha khetne kerdo dran yek kotar lačo sonakay.

Jesaja 32:13

Ap i harhetikri phoub mire menshendar venn soubyengre bourra oun soubyengro zenlepen baro. Rovenn ninna troul i khera, kay pherdo sapen his an ko barhtelo foro.

Jesaja 7:23

Oun an ko tsiro vell yaake: Kote, kay kanna i seri drakengre rouka tardo hi, hoy khetne yek zero roupene beme moldo hi, kote hi palle soubyengre bourra oun soubyengro zenlepen tardo.

Jeremia 48:33

Kote, kay i rouka oun bourra tardo hi an o them Moab, givenn oun khelenn le bouder gar pral ko lačo koova, hoy kote bares vas. Kek mool vell kerdo. Kek drake venn bouder khetne stakedo, te nashell i mool vin. O molyengro ray givell bouder gar peskri gili.

Joel 1:17

O djob an i phoub meras tele, kek rhapen hi bouder an i djobengre khera, o djob vas djoungelo, oun i djobengre khera phagenn khetne.

3. Mose 26:26

T'men vell bouder gar doha djob, te pekenn maro. Deesh djouvya nay pekenn pengro maro an yek bob. O maro vell ap i vaga čiddo, oun hakeno lell i kotar. Oun t'mer rhan oun venn gar čalo.

3. Mose 27:16

Te das yek pes sovel, te dell lo i kotar phoub o baro Debleste, palle vell diklo, har boud djob ap ko kotar phoub vin vitsedo vell. Hi kova yek gono djob, palle hi ko kotar phoub 50 (paash-sheel) roupene beme moldo.

Haggai 1:6

T'mer boudrenna ap t'mari phoub, oun anenn gar boud dren. T'mer rhan oun venn gar čalo; t'mer piyenn oun t'mari troush ačella; t'mer rivenn t'men lačes an, oun t'menge vell gar tates. Oun kones love hi, kova čivell len an i possita, kay i rheb dren hi.

Haggai 2:16

Te vas yek t'mendar kote, kay i djob čiddo hi, oun kamas douy-sheel kilogramme te lell, hatsas yob gar boudeder har yek sheel kilogramme. Te vas yek t'mendar kote, kay i mool garedo vell, oun kamas sheel litarya te lell, hatsas lo gar boudeder har star-deesh litarya.

5. Mose 28:38

T'mer vitsrenn boud djob ap t'mari phoub vin, oun anenn kokres i vast pherdo dren. I stepangre rhan halauter pre.

5. Mose 28:39

T'mer čivenn drakengre rouka an i phoub, oun denn garda ap lende. Oun kirme venn oun rhan i drake pre. Oun t'mer nay lenn kek drake dren, oun nay piyenn kek mool lendar.