Jesaja 5:1 - O Debleskro Lab 2024 (Sinte-Manouche)

¹ Shounenn, kamau miro maleske i gili te givell, i gili pral leskro drakengro them. Miro males his i lači phoub ap i tikni berga.

O Debleskro Drom 2021 (Sinte)

¹ Shunenn, kamau miro maleske i gili te giwell, i gili pral leskro drakengro them. Miro males his i latchi phub ap i tikni berga.

Jesaja 5:1 Iomraidhean Croise

Debleskri gili 101:1

I gili o Davidestar. Pral o lačepen oun o čačepen kamau me te givell. Tout, mo baro Debles, kamau me te sharell.

Debleskri gili 45:1

I biyabeskri gili yekestar, kay hi dran i familya Korah. Koy gili hi o rayeske pral i gipangre, te givell pash o bashepen ap i shob-doryengri bashepaskri.

Debleskri gili 60:5

Tou moukal tire menshen pharo koova te dikell. Tou dal men savi mool te piyell, te vam mato.

Debleskri gili 80:8

Tou, Devel oun ray pral o bolepen oun i phoub, hade men pale pre! Dik lačes ap mende, yaake djal menge pale mishto.

Kamlepaskri gili 2:16

Miro pirno hi miro, oun me hom leskri. Yob hatsell peskri barht mank i lilya.

Kamlepaskri gili 5:16

Leskro rakepen hi goudlo, oun halauter ap leste hi kamlo. Kova hi miro pirno; ava, kova hi miro maal, t'mer ča dran o foro Yerusalem!

Kamlepaskri gili 5:2

Me sovom, miro dji his djangelo. Shoun, miro pirno dell ap o voudar: Kre mange pre, heyo, miri pirni, miri tauba, miri goudli! Mire balla hi sapeno.

Kamlepaskri gili 6:3

Miro pirno hi miro, oun me hom leskri. Yob hatsell peskri barht mank i lilya.

Jeremia 12:10

Boud raya dran vavar themma van, oun kran miro drakengro them paash, oun stakran miro kotar phoub khetne. Dran miro shoukar kotar them kran yon i moulo them.

Jeremia 2:21

Me čivom tout dren har i vi-rodedo drakengro rouk, i lačo shoukar rouk. Oun hoy vas kanna dran toute? I divyo djoungelo rouk!

Ezekiel 15:2

Tou, mensho, pen mange: Hi o kasht i drakengro roukestar feteder har o vavar kasht dran o veesh?

Ezekiel 19:10

Tiri day his har i drakengro rouk, hoy vas pash o pani an i phoub čiddo. Oun har les yaake boud pani his, hidjras lo boud drake, oun boud zenele kashta his ap leste.

Hosea 10:1

O Israel hi har i sasto drakengro rouk, ap koleste boud drake bares venn. Oun har i menshe bravelo oun bravleder van, kran le penge boud oun boudeder altare i rhorhene deblenge. Kote, kay o them o lačeder his, čivan le i shoukar bare barra lenge pre.

Mateo 21:33

Oun o Yezous penas lenge laba, kay i khatedo čačepen dren hi: “Shounenn, hoy me t'menge kanna penau. His i ray. Koles his i kotar them. Kote čivas lo drakengre rouka an i phoub. Troul ko kotar them čivas lo barra. Oun kote kras lo ninna i platsa an i phoub, kay nay stakrenn le ap i drake, te vell i mool vin. Mashkral kol rouka kras lo i kheer, kay kova beshdo hi, kay dell garda ap i drake. Palle patsas o ray ko kotar them ap i harhende, te boudrenn le kote leske. Oun yob djas peske an i vavar them.

Markus 12:1

Oun o Yezous penas lenge laba, kay i khatedo čačepen dren hi. Oun yob penas: His i morsh, koles his i kotar them. Kote čivas lo drakengre rouka an i phoub. Troul ko kotar them čivas lo barra. Oun kote kras lo ninna i platsa an i phoub, kay nay stakrenn le ap i drake, te vell i mool vin. Mashkral kol rouka kras lo i kheer, kay kova beshdo hi, kay dell garda ap i drake. Palle patsas lo ko kotar phoub ap i harhende, te boudrenn le kote leske. Oun yob djas peske an i vavar them.

Louka 20:9

Oun o Yezous penas i menshenge laba, kay i khatedo čačepen dren hi, oun penas: “His i morsh. Koles his i kotar them. Kote čivas lo drakengre rouka an i phoub, oun patsas kava them ap i harhende, te boudrenn le kote leske. Oun yob djas peske an i vavar them i rah tsireske.

Johanni 15:1

“Me hom ko čačo drakengro rouk. Oun miro dad hi ko harho, kay boudrell an koy baar, kay i drakengre rouka tardo hi.

5. Mose 8:10

Oun te rhan oun van čales, palle sharenn t'maro baro Debles ko lačo themeske, hoy lo t'men das.

5. Mose 8:7

T'maro baro Devel anell t'men an i lačo them. An kava them nashenna panya, hoy venn vin dran i phoub, oun nashenn i berge tele an i telstouno them.