Jesaja 49:3 - O Debleskro Lab 2024 (Sinte-Manouche)

³ Oun yob penas ap mande: Miro boudepaskro hal tou, Israel, ap toute sikrau miro raylepen.

O Debleskro Drom 2021 (Sinte)

³ Un job penas ap mande: Miro budepaskro hal tu, Israel, ap tute sikrau miro railepen.

Jesaja 49:3 Iomraidhean Croise

Jesaja 41:8

Tou, Israel, hal miro boudepaskro, tou hal o Yakob, koles mange vin rodom, tou veh o Abrahamestar, kay miro maal hi.

Jesaja 42:1

O baro Devel penell: Ake, miro boudepaskro; les hi miro vast. Me rikrau les, oun rodom les mange vin, oun hom barhtelo pral leste. Miro dourho čivom ap leste, te anell lo miro čačepen pash i menshende an i tsele themma.

Jesaja 43:21

Oun mire menshe Israel, kolen mange krom, sharenn man glan i vavarende.

Jesaja 44:23

Tou bolepen, gib kolestar, hoy o baro Devel kras! Tou telstunepen i phoubyatar, de gole i barhtyatar! T'mer berge, givenn! Tou veesh tire tsele roukentsa, gib! O baro Devel las o Yakobes dran o merepen vin, oun o Israel sharell les.

Jesaja 50:10

Kova t'mendar, kay krell, hoy o baro Devel kamell, oun shounell ap leskro boudepaskro, kova nay djinell: Ninna te djivell lo an i kali rat oun dikell kek momeli glan peste, hi lo an o baro Debleskro vast. Oun kova krell leske halauter mishto.

Jesaja 52:13

Dik, kova, hoy miro boudepaskro krell, djal leske mishto. Yob vell sharedo oun bares kerdo, oun vell dour pral tardo.

Jesaja 53:10

O baro Devel kamas kova yaake, te vas lo phagedo. Yob moukas ap leste douka te vell. Pal kova, kay das lo peskro djipen i doshake i menshendar, dikell lo čaven, kay lestar venna, oun djivell i lengsto djipen. Oun kova, hoy o baro Devel peske glan las, vell lestar kerdo.

3. Mose 10:3

O Mose penas ap o Aron: Kava hi, hoy o baro Devel rakras, har penas lo: Kamau, te dikenn kolla, kay venn glan mande, te hom me kokres o čačo Devel. Glan i tsele menshende kamau te vap sharedo. O Aron penas kek lab.

Zakarie 3:8

Shoun kanna, Yeshoua, tou baro rashay: Tou oun tire phrala, kay glan toute beshdo hi, t'mer han i sikepen, hoy o baro Devel kamell te krell an o tsiro, hoy vella: Me bičrau miro boudepaskres, kay kharell nevo rouk.

Mateo 17:5

Oun har yob yaake rakras, vas i parni folka pral lende tele. Oun dran koy folka vas o rakepen, hoy penas: “Kava hi miro čavo! Koles kamau o djiyestar. Yob krell man barhtelo. Shounenn ap leste!”

Johanni 12:28

Tata kre, te sharell hakeno tiro lab!” Koy vas i rakepen dran o bolepen oun penas: “Me krom, kay vell yob sharedo. Oun kova krau me pale.”

Johanni 15:8

Te vell boud lačepen dran t'mende, vell miro dad sharedo. Oun t'mer venn mire mala.

Johanni 17:1

Pal kol laba dikas o Yezous pre an o bolepen oun penas: “Tata, o tsiro hi kay. Sike, havo raylepen oun havi zoor tou tiro čaveste dal, te sikrell yob ninna tiro raylepen oun tiri zoor!

Johanni 17:4

Me sikrom kol menshen tiro raylepen oun tiri zoor ap i phoub. Oun me krom halauter, hoy tou mange penal.

Efesarja 1:6

te sharas mer leskro baro lačepen. Yob his yaake lačo ap mende, te das lo peskro kamlo čaves menge!

2. Tessalonikarja 1:10

ap ko dives, kay vell maro ray Yezous pale, te vell lo sharedo peskre menshendar. Oun i tsele patsle dikenn les, oun hi barhtelo pral leste, ninna t'mer, kay patsan ap o Debleskro lačo lab, hoy mer t'menge penam.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.