Jesaja 48:6 - O Debleskro Lab 2024 (Sinte-Manouche)

⁶ Kova lauter shounan t'mer, oun dikan, kova vas yaake har penom. Kamenn t'mer kova gar dren te dikell oun doureder te penell? Kanna moukau t'men nevo koova te shounell, čomone, hoy khatedo his, oun t'mer gar prindjrenn.

O Debleskro Drom 2021 (Sinte)

⁶ Kowa lauter shunan tumer, un dikan, kowa was jaake har penom. Kamenn tumer kowa gar dren te dikell un dureder te penell? Kanna mukau tumen newo koowa te shunell, tchomone, hoi khatedo his, un tumer gar prindjrenn.

Jesaja 48:6 Iomraidhean Croise

Debleskri gili 107:43

Koon gosevo hi, bistrell kova gar, oun hayvell, har lačo o baro Devel hi.

Debleskri gili 119:13

Me penau i vavarenge, har tou o čačepen vi-rakral.

Jesaja 21:10

Mire menshe an Youda, t'mer van dino har djob ap i djobeskri platsa vin dino vell. Me penom t'menge, hoy shounom o baro Deblestar, ko rayestar pral o bolepen oun i phoub, kay ninna o Israeleskro Devel hi.

Jesaja 42:20

Ninna te dikan t'mer boud koova, lan les gar an o dji. Ninna te his t'mare kanda pre, shounan gar.

Jesaja 42:8

Me hom o baro Devel, kova hi miro lab. Oun ko raylepen, hoy mange hi, dau me kek vavares, vitar gar dau i rhorhene deblen ko sharepen, hoy mange hi.

Jesaja 42:9

Kova, hoy glan i rah tsiro penom, kova vas. Kanna penau nevo koova glan-vi. Glan o tsiro, kay kova vella, moukau me les t'men te shounell.

Jesaja 43:19

Dik, me krau nevo koova! Kanna vell kova! Hayvenn oun dikenn les gar? Ava, me krau i drom an o moulo them, oun moukau bare zorele panya te nashell an o tato them.

Jesaja 48:7

Kava koova vas kanna kerdo oun gar an o phouro tsiro. Oun t'mer shounan či kolestar, te nay penenn gar: “Kava koova, mer djinam les.”

Jeremia 2:31

O baro Devel penell: T'mer čilače menshe! Denn garda ap kova, hoy me t'menge penau! Hom me i Israelenge i moulo them, i them, kay kek pani hi? Hoske penenn mire menshe: Mer nay djah, kay kamah, oun hounte nashas touke gar bouder gar pal.

Jeremia 33:3

Khare man, palle kamau touha te rakrell, oun kamau touke baro koova te sikrell, hoy tou gar hayveh, oun kolestar či djinal.

Jeremia 50:2

Denn vin gole an i vavar themma! Halauter hounte shounenn! Hadenn t'mari themeskri plarhta pre! Hakeno te shounell kova! Rikrenn les gar pale! Penenn: O foro Babilon hi dren lino, Lengro devel Bel nay kras či, lengro devel Marduk hi khetne phagedo; lengre moule debla nay kran či, lengre figure hi pash kerdo!

Amos 3:6

Phourdell yek an i kourepaskri trompeta an o foro, oun i menshe lenn kek daar? Na-a! Vell i bibarht pral o foro, hoy o baro Devel bičras gar? Na-a!

Micha 6:9

Shounenn, hoy dell o baro Devel gole pral o foro Yerusalem! – Koon gosevo hi, kova lell leskre laba ap o dji! Shounenn, t'mer menshe, kay venn khetne an o foro!

Mateo 10:27

Kova, hoy me t'menge čorrhanes penau, kova penenn i menshenge yaake, te shounell les hakeno! Oun kova, hoy t'menge an o kand penlo vella, kova penenn i tsele menshenge!

Johanni 15:15

T'mer han mange bouder gar boudepangre. I boudepaskro djinell gar, hoy leskro ray krella. T'menge penom halauter, hoy shounom miro dadestar. Doleske han t'mer kanna mire mala.

Bičepangre 1:8

Ap t'mende vell o Debleskro Dourho oun dell t'men i bari zoor. Palle rakrenn t'mer mandar an o foro Yerusalem, oun an o tselo them Youdea, oun an o them Samaria, oun ap i tseli phoub.”

1. Korintarja 2:9

An o Debleskro lab hi činlo: Ko lačo koova, hoy kek yak dikas, oun hoy kek kand shounas, oun hoy an kek mensheskro dji dren vas, kova lauter dell o Devel kolen, kay les o djiyestar kamenna.

Debleskro tsiro 1:19

Čin lauter, hoy dikal, an i liil: kova, hoy kanna hi, oun kova, hoy pal kova lauter vella.

Debleskro tsiro 4:1

Pal kova dikom i voudar an o bolepen, hoy pre hi. Oun kova, kay ap mande rakras, oun leskri gole zorelo har i phourdepaskri his, kova penas ap mande: “Ab kate pre! Me sikrau tout, hoy pal kava vella.”