Jesaja 48:3 - O Debleskro Lab 2024 (Sinte-Manouche)

³ An o phouro tsiro penom t'menge glan-vi, hoy vella. Dran miro mouy djas kova vin. Me moukom les te shounell. Oun yaake sik, har yek i yaka dell, krom kova, oun lauter vas yaake, har glan-vi penom.

O Debleskro Drom 2021 (Sinte)

³ An o phuro tsiro penom tumenge glan-wi, hoi wella. Dran miro mui djas kowa win. Me mukom les te shunell. Un jaake sik, har jek i jaka dell, krom kowa, un lauter was jaake, har glan-wi penom.

Jesaja 48:3 Iomraidhean Croise

Jesaja 29:5

Ap yek kopo venn kol boud boud lourde, kay ap t'mende djan, krik phourdedo har i stauba. Oun kol zorele kourepangre hi har o phouss, hoy krik phourdedo vell oun bouder gar koy hi. Yaake sik, har yek i yakentsa dell,

Jesaja 30:13

Kay doosh hi har i phagepen an i kheer. Ko kheer hi bouder gar zoreles tardo, oun ap yek kopo perell lo khetne. Oun kek patsas te vell kova yaake.

Jesaja 37:29

Tiri rholi vas glan mire kanda. Tiro pre-phourdo rakepen hi prindjedo mandar. Kanna shoun, hoy touke krau: An tiro nak i goustri čivau, oun i ledertikri rima troul tiri meen pandau, oun ap ko drom, kay tou val, bičrau me tout kanna pale pale.

Jesaja 37:7

Me krau, te penell yek čomone ap o baro rayeste, hoy les tradell, te djal lo pale an peskro them. Oun kote krau, te vell lo maredo o rhareha.”

Jesaja 41:22

Anenn t'mare deblen, te penenn le menge, hoy vella an ko tsiro, hoy vella. Poučenn lendar, hoy penan le glan-vi an o phouro tsiro, te dikas, te vas kova yaake. Te nay krenn le kova gar, moukenn men kova te shounell, hoy gomme vell!

Jesaja 41:27

Me homs o glanstouno, kay penom ap i menshende ap i berga Sion: Dikenn, kote venn le. Oun me bičrom i bičepaskres an o foro Yerusalem, te penell lo lenge kal laba.

Jesaja 42:9

Kova, hoy glan i rah tsiro penom, kova vas. Kanna penau nevo koova glan-vi. Glan o tsiro, kay kova vella, moukau me les t'men te shounell.

Jesaja 43:9

I menshe dran i tsele themma van khetne. Kek kolendar penas glan-vi, hoy an o phouro tsiro vas. Kek kolendar penas menge glan-vi, hoy kanna vell. Mou sikrenn le men, koon lendar čomone glan-vi penas, hoy čačepah yaake vas, te shounas mer kova oun nay penah: Kava hi čačo!

Jesaja 45:21

Avenn oun sikrenn, te hi t'men čačo. Rakrenn khetne oun krenn vin, hoy kamenn te penell! Koon hi kova, kay moukas glan i rah tsiro te shounell, hoy kanna djal? Koon penas kova glan-vi? Homs me kova gar, o baro Devel? Oun dell kek vavar Devel har man. Me hom i Devel, kay o čačepen penell oun krell. Oun i Devel, kay dran o merepen vin lell, hom me kokres oun kek vavar.

Josua 21:45

Oun yaake vas halauter yaake, har o baro Devel ap o kheer Israel penas. Yob rikras peskre tsele lače laba, hoy lo lenge penas.