Jesaja 48:21 - O Debleskro Lab 2024 (Sinte-Manouche)

²¹ O baro Devel anas len ap o drom an o moulo them, oun yon troushan gar. Dran i baro bar moukas lo lenge pani te vell. Yob phagas ko bar an douy kotya, oun moukas dran leste pani te nashell.

O Debleskro Drom 2021 (Sinte)

²¹ O baro Dewel anas len ap o drom an o mulo them, un jon trushan gar. Dran i baro bar mukas lo lenge pani te well. Job phagas ko bar an dui kotja, un mukas dran leste pani te nashell.

Jesaja 48:21 Iomraidhean Croise

Nehemia 9:15

Oun maro dran o bolepen dal tou len, har len bok his. Oun moukal lenge dran o baro bar pani vin nashell, har len troush his. Oun tou penal lenge, te djan le koy oun lenn o them dren. Ko them koleske tou tiro vast hadal, oun dal tout sovel, te dess len ko them.

Nehemia 9:20

An tiro lačepen penal lenge, hoy te krenn le. Oun tiro maro dran o bolepen dal len rhapaske, ninna pani, har len troush his.

Debleskri gili 105:41

Yob phagas i baro bar, oun pani nashas vin, oun nashas an o moulo them har i lengsto baro pani.

Debleskri gili 74:15

Tou moukal pani te nashell, kay kek his. Oun kote, kay zorele panya nashan, hi le kanna bouder gar koy.

Debleskri gili 78:15

An o moulo tato them phagas lo bare barra, oun das len pani te piyell, boudeder har doha hakeneske.

Debleskri gili 78:16

Yob moukas panya te vell dran i bare barra, te nashan le tele har bare lengste panya.

Debleskri gili 78:20

Kova hi čačo: Yob phagas o baro bar, oun boud pani vas vin oun nashas tele kate te kote pral o them. Nay dell lo men ninna maro? Hayvell lo peskre menshenge mass te anell?”

2. Mose 17:6

Oun me čivau man glan toute tardo ap o baro bar pash i berga Horeb. Oun palle dess tou ap o baro bar, oun dran leste nashella pani, yaake te vell len te piyell.” Oun o Mose kras kova yaake glan i yaka kol phourendar.

Jesaja 30:25

Oun an ko tsiro, kay o baro marepen hi, oun i zorele khera khetne phagenn, nashenn panya, tikne oun bare, o pralstouno themestar oun ap haki berga tele.

Jesaja 49:10

Yon bokenna gar oun troushenna vitar gar. Oun o tato dourho dran o moulo them doukrell len gar, vitar gar dell len o kham čourye. Me, kay man i baro dji lenge hi, sikrau lenge o drom, oun anau len pash shila pani, te nay piyenn le.

Jeremia 31:9

Yon venna ropah. Oun me rakrau lenge lačes, oun anau len pash panya oun ap lače dromma, te perell kek; me hom o Israeleskro dad, oun o Efrayim hi miro phoureder čavo.

4. Mose 20:11

Oun o Mose hadas peskro vast, oun das ko lengsto kashteha douy kope ap ko baro bar. Koy vas yaake boud pani dran vin, kay piyan i tsele menshe oun lengre firhe.