Jesaja 48:11 - O Debleskro Lab 2024 (Sinte-Manouche)

¹¹ Te rikrau man kanna pale, te dap t'men boudeder dava, palle krau les mange, ava miro labeske. Kamau gar, te vell miro lab praasedo. Kamau gar, te lell i vavar o sharepen, hoy mange hi.

O Debleskro Drom 2021 (Sinte)

¹¹ Te rikrau man kanna pale, te dap tumen budeder dawa, palle krau les mange, awa miro labeske. Kamau gar, te well miro lab praassedo. Kamau gar, te lell i wawar o sharepen, hoi mange hi.

Jesaja 48:11 Iomraidhean Croise

Debleskri gili 106:8

O baro Devel sikras, te hi lo lengro Devel, oun vas ap lengri rig, te sikrell lo peskri zoor.

Debleskri gili 115:1

Tou kokres, baro Devel, vess sharedo! Tou hounte vess sharedo, gar mer! Tou hal kova, kay lačo hi oun hako tsiro peskro lab rikrell.

Debleskri gili 25:11

Baro Devel, kre tiro lab baro, oun le miri doosh mandar krik, hoy yaake bares hi!

Debleskri gili 25:7

Biste miri doosh, hoy ap mande lom, har terno homs, oun miro čilačo koova! Kre mange tiro dji pre, miro baro Devel!

Jesaja 37:35

Oun me rikrau mire vasta pral kava foro, oun me lau les vin dran i čilače vasta. Kova krau me mange kokres, oun o Davideske, kay miro boudepaskro his.

Jesaja 42:8

Me hom o baro Devel, kova hi miro lab. Oun ko raylepen, hoy mange hi, dau me kek vavares, vitar gar dau i rhorhene deblen ko sharepen, hoy mange hi.

Jesaja 43:25

Kova hom me, kay thovau o čilačepen toutar tele. Me kokres hom kova, kay nay krell les. Oun bistrau koy doosh, hoy tou ap toute lal.

Jesaja 48:5

Doleske penom me kova t'menge glan i rah tsiro. Oun glan kova vas, moukom me les t'men te shounell, te nay penenn gar: “Miri debleskri figura kras kova, oun koy figura dran kasht oun saster, hoy an-mangom, kaya penas, te vell kova yaake.”

Jesaja 48:9

Miri bari rholi rikrau pale, te vell gar djoungeles rakedo pral miro lab. Oun lau man phares khetne, te vell miro lab gar tiknes kerdo, oun te moukap t'men gar moulo te dell.

Jesaja 52:5

Hoy krap me kate? penell o baro Devel. Mire menshe van čičeske pandles krik lino. Kolla, kay kran pen ray pral lende, sanenn oun phourdenn pen pre, penell o baro Devel. Oun o tselo dives rikrenn le man dineleske.

Jeremia 14:7

Baro Devel, mari doosh hi glan mare yaka tardo. Boud kope djam toutar krik, oun shounam gar ap toute. Ab pale ap mari rig, te dikell hakeno, har kamlo hal!

Ezekiel 20:14

Palle krom kova gar, te nay rakrenn kol vavar menshe gar djoungeles pral mande, glan kolengre yaka mire menshen vin anom dran o them Egiptia.

Ezekiel 20:22

Oun pale rikrom man pale oun krom lenge či, te nay rakrenn kol vavar menshe gar djoungeles pral mande, glan kolengre yaka mire menshen vin anom dran o them Egiptia.

Ezekiel 20:39

T'mer dran o kheer Israel, shounenn, hoy o baro Devel, t'maro ray, penell: Krenn, hoy kamenn! Hakeno t'mendar nay mangell peskro rhorheno debles an! Čačepah, pal kova vell ko tsiro, kay shounenn pale ap mande, oun anenn bouder kek ladj ap mande t'mare rhorhene deblentsa, oun koleha, hoy lenge rhačrenn.

Ezekiel 20:44

T'mer Israelitarya, te djau me yaake t'mentsa trouyel, te vap sharedo, oun krau gar pal t'mare čilače dromma, oun pal t'maro čilačo koova, hoy kran, palle dikenn oun hayvenn t'mer, te hom me o baro Devel, t'maro ray.

Ezekiel 20:9

Palle krom kova gar, te nay rakrenn kol vavar menshe gar djoungeles pral mande, mank kolende yon his, oun glan kolende me penom, te hom o Israeleskro Devel, oun te anap len vin dran o them Egiptia.

Ezekiel 36:22

Doleske pen ap o kheer Israel: Kava penell o baro Devel, maro ray: T'mer kran, kay vas djoungeles rakedo pral mande mank i menshende an vavar themma, pash kolende t'mer van. Kova, hoy kanna krau, krau gar t'menge dran o kheer Israel. Na-a, kova krau, te vell miro lačo lab pale sharedo.

Daniel 9:17

Kanna, maro Devel, shoun miro mangepen! Shoun har me, tiro boudepaskro, ap toute rovau. Dik pale lačes ap tiro kheer, hoy khetne dino koy čiddo hi. Kre kova, te djinell hakeno, tou hal o čačo Devel!

Johanni 5:23

te sharenn le halauter o čaves, yaake har sharenn le o dades. Koon o čaves gar sharella, kova sharella vitar gar o dades, kay bičras o čaves.

Remarja 2:24

Yaake hi kova činlo an o Debleskro lab: Dran t'mende rakrenn i vavar menshe djoungeles pral o Debleste.

1. Samuel 12:22

O baro Debleske his shoukar, te van t'mer leskre menshe. Oun yob das peskro vast koy pre oun moukell t'men gar.