Jesaja 48:10 - O Debleskro Lab 2024 (Sinte-Manouche)

¹⁰ Dik, yaake har roup an i yag čiddo vell, te venn i djoungele barra vin, yaake moukom t'men an phare tsirya te vell, te venn djoudjo mange.

O Debleskro Drom 2021 (Sinte)

¹⁰ Dik, jaake har rup an i jag tchiddo well, te wenn i djungele barra win, jaake mukom tumen an phare tsirja te well, te wenn djudjo mange.

Jesaja 48:10 Iomraidhean Croise

1. Rajengro liil 8:51

Yon hi tire menshe, kay tou touke vi-rodal, oun vin anal dran o them Egiptia, har dran an i bob, kay boud yag dren hi.

Hiob 23:10

Yob djinell havo drom me djau. Dikals lo palla, har djivau, hatsals lo vin, te hom djoudjo har sonakay.

Hiob 28:1

Tel i phoub nay hatsenn le roup. Oun o sonakay, les hi i platsa, kay thovenn le les vin.

Debleskri gili 66:10

Tou, maro Devel, kamal te dikell, har maro dji ap toute rikrell. Doleske kral tou mentsa har o roupeha, hoy an yag thodo vell, te vell lo djoudjo.

Gosewe laba 17:3

Yaake har o roup an i yag čiddo vell, oun o sonakay an i bob, yaake lell o baro Devel i menshengre djia an o yak.

Jesaja 27:9

Yaake vell o Israelengri doosh krik lino. Oun ap kova sikrell pes, te hi lengri doosh krik lino: Te denn le i pre-čidde barra yaake khetne, kay mangan le i vavar deblen an, te ačell či har čik. Oun te moukenn le kek figure tardo, hoy sikrenn i debletsa Ashera, vitar kek boba, kay lake soungepaskro koova rhačedo vas.

Jeremia 11:4

Har me t'mare phouren dran o them Egiptia lom, har dran i sasterno yagakro bob, krom me lentsa vin, te shounenn le ap mande, oun krenn har lenge penom, palle hi yon mire menshe, oun me hom lengro Devel.

Jeremia 9:7

Lengro rakepen hi har fayle, hoy anenn o merepen. Peskro mouyeha rakrell hakeno kamles, an o dji lourell yob, har te taprell lo o vavares.

Ezekiel 20:38

Kolen, kay mantsa phagan oun mandar tele peran, čivau ap i rig. Ninna te lau len vin dran kol themma, kay le vi-themarya his, vell kek lendar an o them Israel. Palle dikenn oun hayvenn t'mer, te hom me o baro Devel.

5. Mose 4:20

T'men las o baro Devel dran o them Egiptia vin, har dran i sasterno yagakro bob, yaake boud douka hounte lan kote ap t'mende. T'men las lo koy vin, te venn t'mer leskre menshe, kay kokres leske koy hi, yaake har kova ap kava dives kate ninna hi.

1. Petro 1:7

Kova vella pral t'mende, te vell t'maro patsepen zorelo. Yaake har o sonakay an i yag djoudjo oun kouč kerdo vella, yaake hounte vell t'maro patsepen ninna djoudjo oun kouč kerdo. T'maro patsepen hi boudeder moldo har o sonakay, hoy ačell gar. Te ačell t'maro patsepen zorelo, palle sharell t'men o Devel oun krell t'men bares oun rayles ap ko dives, kay vell o Yezous Kristo pale.

1. Petro 4:12

Kamle mala, t'maro dji vell gar dareno, te venn t'mer zoreles palla lino. Savo koova djal kolenge, kay patsle hi. Kote vell diklo, har t'maro patsepen hi.

Debleskro tsiro 3:19

Lauteren, kay kamau o djiyestar, kolende sikrau lengri doosh, oun penau lenge daventsa, te shounenn le ap mande. Moukenn kanna t'maro čilačo drom, oun avenn pale ap miro drom!