Jesaja 48:1 - O Debleskro Lab 2024 (Sinte-Manouche)

¹ Shounenn, t'mer dran o kheer Yakob, t'mer, kay venn o labeha Israel gole dino, oun venn dran o kheer Youda. T'mer denn t'men sovel pash o baro Debleste, oun penenn, te mangenn o Israeleskro Debles an. An o čačepen oun i djoudjo djiyeha krenn t'mer kova gar.

O Debleskro Drom 2021 (Sinte)

¹ Shunenn, tumer dran o kheer Jakob, tumer, kai wenn o labeha Israel gole dino, un wenn dran o kheer Juda. Tumer denn tumen sowel pash o baro Debleste, un penenn, te mangenn o Israeleskro Debles an. An o tchatchepen un i djudjo djijeha krenn tumer kowa gar.

Jesaja 48:1 Iomraidhean Croise

1. Mose 32:28

Koy poučas lestar ko morsh: “Har khareh tou?” “Yakob”, penas yob.

1. Mose 35:10

Oun penas: “Tou khareh Yakob. Kanna khareh tou bouder gar Yakob. Kanna vell tiro lab Israel.” Yaake las o Yakob ko lab Israel.

2. Rajengro liil 17:34

Gomme kava dives djivenn le yaake har lengre phoure djivan. Yon darenn gar o baro Deblestar, oun krenn gar, hoy lo lendar kamell, djivenn gar pal leskro čačepen, djan gar ap leskro drom oun rikrenn pen gar ap leskre laba, hoy das o baro Devel kol menshende, kay venn pal o Yakob, koles yob ninna Israel kharas.

2. Rajengro liil 5:20

O Debleskro morsh, o Elisa, les his i boudepaskro. Leskro lab his Gehasi. Kova penas ap peste: “Miro ray moukas o Naaman te djal oun las lestar či, hoy kova leske anas. Kava Syrari hounte playsrals čomone. Pash o djido Debleste, me nashau leske pal, te dell yob man čomone.”

Debleskri gili 63:11

Mou dell len o rharo moulo, oun i divye djoukle te rhan len!

Debleskri gili 66:3

Penenn ap o Debleste: Har baro hi kova lauter, hoy tou kral. Kolla, kay tout gar kaman, hounte čivenn pen tele glan toute, glan tiri bari zoor!

Debleskri gili 68:26

I gipangre djan glan toute oun i bashepangre pal toute. Oun mashkral dren djan i terne ča oun denn pengre pauke.

Debleskri gili 68:27

“Sharenn o Debles kote, kay peskre menshe khetne venna! Sharenn o baro Debles, t'mer, kay han dran o Israel.”

2. Mose 23:13

Denn yak oun rikrenn ap lauter, hoy me t'menge penom! Ma mangenn vavar deblen an! Lengre laba hounte venn gar dran t'mare mouya vin!

Gosewe laba 5:16

Kameh, te nashell tiro pani vin ap o drom oun an o foro?

Jesaja 26:13

Baro Devel, maro ray, pral mende his gomme vavar i raya. Tout kokres sharah mer.

Jesaja 44:5

Yek pal o vavar penell: O baro Devel hi miro ray. Boud kamenn tire menshe te vell. Yon činenn ap pengro vast: Me hom o baro Debleske, oun kharenn pen Debleskre menshe.

Jesaja 45:23

Me dom man sovel pash mande kokres, oun hoy penom, hi čačo oun nay vell gar krik lino: Hakeno hounte vitsrell pes glan mande ap i phoub, oun hako mouy dell pes sovel

Jesaja 46:12

Shounenn ap mande, t'mer, kay barrengre djia an t'mende hi, t'mer, kay patsenn, te vell t'men kek čačepen.

Jesaja 51:1

Shounenn, hoy penau, t'mer, kay rodenn o čačepen, t'mer, kay rodenn pal o baro Debleste t'mari tseli zoryah: Dikenn ap o Abraham, t'maro phouro dad. Yob his har i baro zorelo bar, oun t'mer han har barra, hoy dran leste dino van. Dikenn ap t'mare phourende, kolendar t'mer venna:

Jesaja 51:2

ap o Abraham, t'maro phouro dad oun ap i Sara, t'mari phouri day! Len his kek čave, har dom o Abrahames gole. Oun me čivom miri barht oun zoor ap lende oun dom len boud čaven.

Jesaja 58:2

Yon venn hako dives, har te rodans le man, oun penenn, te kamans le mire dromma te djinell, har te vans le menshe, kay o čačepen krenn, oun pengro Debles gar moukan. Oun yon kamenn, te krap me o čačepen lenge vin, oun te vap pash lende.

Jesaja 62:8

O baro Devel das pes sovel oun das peskro čačo vast pre, oun hadas peskri zoreli moussi, oun penas, te dell kek tsiro bouder, kay moukell lo kolen tiro djob te rhal, kay kourenn pen touha, oun vitar gar i menshen dran vavar themma tiri mool te piyell, kolake tou yaake phares boudral.

Jesaja 64:6

Oun koy hi kek, kay tiro lab an-gole dell, kek, kay vell pash toute, te rikrell lo pes ap toute. Čačepah, tou kameh bouder či mendar te djinell, oun moukeh men tapedo an maro čilačepen.

Jesaja 65:16

Palle penenn kolla an o them Youda, kay rakrenn i barht vin pral yekeste: “I barht o čačepaskro Deblestar vell pral toute!” Oun kova, kay dell pes sovel an o them, kova dell pes sovel pash o čačepaskro Debleste. Palle hi bistedo kol phare divessa pherdi bibarht, hoy glan kava tsiro his, oun venn mange bouder gar glan i yaka.

Jeremia 4:2

Te denn t'men sovel oun penenn: Me dau man sovel pash o djido Debleste … oun t'mer rhorhenn gar koy pashel, oun rikrenn t'maro lab, palle poučenn mandar i menshe an i vavar themma, te čivap miri barht ap lende, oun yon sharenn pen, kay prindjrenn yon man.

Jeremia 44:26

Kanna shounenn, hoy o baro Devel t'menge penell, t'mer halauter dran o them Youda, kay djivenn an o them Egiptia: Me dau man sovel pash miro baro lab, penell o baro Devel, te vell miro lab bouder gar vin rakedo kol menshendar dran o them Youda, kay kate an o them Egiptia djivenn. Kek lendar hounte penella: “Pash o djido Debleste, maro rayeste!”

Jeremia 5:2

Ninna te denn yon pen sovel pash o djido Debleste, hi kova rhorhepen.

3. Mose 19:12

Ma denn t'men i rhorheno sovel pash miro lab! Sau koveha anenn t'mer ladj ap miro lab. Me, o baro Devel, hom t'maro Devel.

Micha 2:7

Hi o Yakobeskro kheer praasedo? Patseh, o baro Devel hi sik rhoyedo? Sau koova anell lo gar pral mende! Ava, mire laba hi lačes ap kolende, kay djan o čačo drom!

Zefanja 1:5

Me marau lauteren, kay pral ap pengre khera i bolepangre momlia an-mangenn. Ninna kolen marau, kay vitsrenn pen tele glan mande, oun denn pen sovel ap mande, oun ap i vavar rig denn le pen sovel ap ko moulo debleste, kay kharell Milkom.

Zakarie 5:3

Oun yob penas ap mande: “Kova hi o praasepen, hoy djal vin pral o tselo them Youda. Kava liil penell: Hakeno, kay rhorhell, vell vin tradedo dran o them. Ninna hakeno, kay dell i rhorheno sovel, vell krik lino.

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

4. Mose 24:7

An o Israeleskro them hi boud pani, oun leskri phoub, kay o djob oun o gib bares venna, hi boudeder har doha pani. Leskro baro ray vell bareder har o Agag. Oun leskro them oun leskre menshe venn zorleder har i vavar menshe troul lende.

Mateo 23:13

T'mer čačepangre oun Farisarya! Kova, hoy t'mer krenna, ko hi gar mishto. T'maro patsepen ap o Debleste hi rhorhepen! T'mer krenn o voudar pandlo, te vell kek ap o Debleskro drom. T'mer djan gar koy dren. Vitar gar moukenn i vavaren dren te djal.

Johanni 1:47

Har o Yezous dikas, kay o Natanael vas, penas yob: “Dikenn, koy vell i čačo Israelitari. Oun kek rhorhepen hi an leste.”

Johanni 4:24

O Devel hi kek mensho, – yob hi i dourho. Oun kolla, kay mangenn les an, kolen hounte vell o Debleskro Dourho. Kova sikrell len, har te mangenn le les čačepah an.”

Remarja 2:17

Hoy krenn t'mer, i bibolde? T'mer sharenn t'men oun penenn: “Me hom i biboldo oun prindjrau o Moseskre laba. O baro Devel hi miro Devel.

Remarja 9:6

Kanna penau kate gar, te hi o Debleskro lab bouder či moldo, hoy yob ap i Israelitarya penas. Na-a! Hoy kamau te penell, hi kova: I tsele Israelitarya hi gar lauter o Debleskre menshe.

Remarja 9:8

Yaake dikah, o Abrahameskre čave hi gar lauter leskre čače čave, oun doleske vitar gar o Debleskre čave. Na-a, kolla hi leskre čave, kolendar o Devel glan-vi penas, te lell len o Abraham,

5. Mose 10:20

Oun hounte shounenn ap t'maro baro Debleste oun mangenn les kokres an. Rikrenn t'men ap leste kokres. Te denn t'men sovel, denn t'maro sovel pash leskro lab.

5. Mose 33:28

Oun yaake nay djivell o Israel kek daryah kote. Kek kamell čingepen o Yakobeskre čaventsa. An lengro them vell djob oun mool baro. Oun o bolepen dell doha brishin.

5. Mose 5:28

Oun o baro Devel shounas t'mare laba, hoy t'mer ap mande penan. Oun o baro Devel penas ap mande: “Me shounom, hoy kal menshe touha rakran. Lauter, hoy yon penan, hi mishto yaake.

5. Mose 6:13

Tou mangess o baro Debles an, oun rikress les glan tire yaka pash halauter, hoy kreh. Te deh tout sovel, dess tiri sovel pash leskro lab.

1. Timoteo 4:2

Kolla, kay anenn len o čačo dromestar tele, hi rhorhene, kay penenn pendar, te hayvenn le o čačepen. Oun yon djinenn bouder gar, hoy mishto oun čačo hi. Ninna hayvenn le gar, havo čilačo koova yon krenna.

Debleskro tsiro 2:9

Me djinau, te lenn le t'men palla. Ninna djinau, har čorvelo han. Čačepah han t'mer bravelo! Me djinau ninna, te rakrenn kolla djoungeles pral t'mende, kay penenn pendar, te hi le Debleskre menshe. Yon hi kek Debleskre menshe. Na-a, yon hi bengeskre menshe.

Debleskro tsiro 3:9

Shounenn, hoy me kol bengeskre menshentsa krau, kay rhorhenn oun penenn pendar, te hi le o Debleskre menshe, oun yon hi kek Debleskre menshe. Me krau, te venn le pash t'mende, te vitsrenn le pen glan t'mende ap i phoub, oun te hayvenn le, te kamau t'men o tselo djiyestar.