Jesaja 47:5 - O Debleskro Lab 2024 (Sinte-Manouche)

⁵ Rike tiro mouy, oun besh tout tele, Babilon! Khate tout an i kali rati! Tou vell bouder gar kharedo Rayetsa pral boud themma.

O Debleskro Drom 2021 (Sinte)

⁵ Rike tiro mui, un besh tut tele, Babilon! Khate tut an i kali rati! Tu well buder gar kharedo ‘Rajetsa pral bud themma’.

Jesaja 47:5 Iomraidhean Croise

Debleskri gili 31:17

Dik lačes ap mande! Me hom tiro boudepaskro! Ab kamles mange oun tserde man dran lengre vasta vin!

Debleskri gili 46:10

Ap o marepen penell lo: “Mouk tele ap i tseli phoub!” Kol kashta, kolentsa dan le karye, phagell lo khetne, oun lengre rhare dell lo paash, i kourepangre vourdya rhačrell lo pre.

Jesaja 13:10

I bolepangre momlia rhačenn bouder gar. Hi save koy, kay dikeh bouder gar. O kham vell kalo, sik pal kova kay lo pre djas. Oun o čon hi bouder gar djelto.

Jesaja 14:23

Me krau dran o foro i sapeni platsa, kay i starhelengre djivenn. Oun khossau o tselo foro krik, har yek i besa lell oun o kheer vin khossell. Kova penau me, o baro Devel, ko ray pral o bolepen oun i phoub.

Jesaja 14:4

Palle givenn le kay sapaskri gili pral o baro rayeste pral Babilon: Har nay djal kova? Tou, kay menge i pharo djipen kral, val dino. Kekes nay doukreh bouder.

Jesaja 21:9

Kanna dikom i morshes ap i vourdin douy grayentsa. Oun ko morsh das gole: O foro Babilon peras, peras. Oun i tsele rhorhene debla hi paash dino ap i phoub.

Jesaja 23:2

T'mer, kay djivenn pash o pani, t'mer bikepangre an o foro Sidon, Mou ačell t'menge o rakepen krik i daryatar! T'mare bičepangre djan an shiffe pral o baro pani,

Jesaja 47:1

Tele t'mentsa, t'mer Babilonarya, t'mer, pral kolende bis kanna kek o zorleder his! Beshenn t'men an i čik! T'mer dran o them Kaldea hans beshdo har i rayetsa ap peskri beshepaskri. Kanna besh tout ap i phoub! Toutar penell kek bouder: Babilon, koy shoukar čay oun Babilon, koy rayli.

Jesaja 47:7

Oun tou penal: Me ačau rayetsa hako tsiro. Oun moukal gar an tiro dji te djal, te nay perals kava koova ap toute pale. Har kova vin djals, his touke či moldo.

Jeremia 25:10

Me krau, te dell bouder kek barhtelo gipen. Oun koy barhteli gole o pirnestar oun i pirnyatar shounenn bouder gar. Vitar gar shounenn t'mer, har i djouvya djob tiknes krenna mank douy barra. Oun kek momeli rhačell an t'mare khera.

Jeremia 8:14

Hoske ham mer kay trouyel beshdo? [poučenn i menshe dran Youda.] Mer vas khetne, te djas mer an kol zorele forya, te vas koy maredo! Mer moukam o baro Debles, maro rayes. Doleske kamell lo maro merepen, oun dell men savo pani te piyell, hoy marell men.

Ropaskre gilja 1:1

Yerusalem, har mouklo hal koy čiddo, tou, kay hals pherde menshe! An-diklo hals pash i tsele themma. Kanna hal kokres har i romni, kolakro rom meras. I rayetsa hals pral vavar themma. Kanna hounte boudress i vavarenge.

Ropaskre gilja 2:10

I phoure an o foro Yerusalem hi beshdo ap i phoub, oun penenn kek lab. Yon vitsran čik ap pengro shero, oun rivan gone ap pende. I terne čenge an o foro Yerusalem hi ropaske. Yon djan ap pengre čanga o mouyeha ap i phoub.

Habakuk 2:20

O baro Devel hi an peskro kheer, kay yob djivell. Ma rakrenn či glan leste, t'mer menshe ap i tseli phoub!

Zakarie 2:13

Denn garda! Me dau len trad miro vasteha, te venn le čoredo kolendar, kay hounte boudran lenge.” Palle dikenn t'mer, kay o baro Devel, ko ray pral o bolepen oun i phoub, kova hi, kay bičras man.

Judas 1:13

Yon hi har divye panya, hoy vitsrenn pengro čik, hoy an lende hi, vin ap i phoub glan lende. Yon hi har bolepangre momlia, hoy dran pengro drom vin djan, oun hounte djan kanna hako tsireske an i kali rat.

Debleskro tsiro 17:18

Oun koy djouvel, hoy tou dikal, kaya hi ko baro foro, hoy hi les penepaske pral i bare rayende ap kay phoub.”

Debleskro tsiro 18:7

Denn lat yaake boud douka oun bibarht har his lat i shoukar oun bravelo djipen ap kay phoub! Ninna kanna penell li an lakro dji: Me hom i bari rayetsa. Oun man hi lauter doha. Oun i bibarht vell gar ap mande.”

1. Samuel 2:9

O baro Devel rikrell kolen ap o čačo drom, kay leskre hi. Oun kolla, kay kamenn lestar či te djinell, perenn an o tamlepen oun merenn. Kek mensho vell pestar zorelo.