Jesaja 47:12 - O Debleskro Lab 2024 (Sinte-Manouche)

¹² Stake glan, pen kol tsele laba pre, hoy te rikrenn i bibarht dour toutar! Kre tiro bengeskro koova, hoy kral foun tiknes pre! Dik, har tou tout koy nay vin leh!

O Debleskro Drom 2021 (Sinte)

¹² Stake glan, pen kol tsele laba pre, hoi te rikrenn i bibacht dur tutar! Kre tiro bengeskro koowa, hoi kral fun tiknes pre! Dik, har tu tut koi nai win leh!

Jesaja 47:12 Iomraidhean Croise

Debleskri gili 129:1

I gili te givell ap o drom an Yerusalem. Boud kope kran le mange o djipen phares yaake rah har djivau, – kova hounte penell o kheer Israel –

2. Mose 7:11

Kote moukas o Farao i goseve morshen oun i dourkepangren gole te dell. Oun kol egiptikre dourkepangre kran emligo koova an pengri zoor.

2. Mose 8:7

Oun i djambe hounte djan penge toutar oun dran tiro kheer, ninna dran i khera kol pralstunendar oun tire tsele menshendar. Kokres an o Nil ačenn le pral.”

2. Mose 9:11

Kava kopo nay van i dourkepangre gar glan o Mose, te krenn le yaake har yob. Ko djoungelo nasslepen his ninna ap lende har ap hako Egiptari.

Jesaja 19:3

Palle djinenn i Egiptarya gar bouder, hoy te krenn le. Oun me krau, te djal lenge gar, hoy kamenn le te krell. Oun palle djan le pash pengre rhorhene deblen, te poučenn le lendar, oun pash kolende, kay i moulen poučenn, oun pash i dourkepangren oun dravepangren.

Jesaja 44:25

Me krau, te venn kol laba gar čačo, hoy i dourkepangre penan, oun moukau kol dravepangre har dinele vin te dikell. Me sikrau, har hi či-moldo ko gosvepen kolendar, kay patsenn, te hi le gosevo. Me čakrau pre, te hi lengro gosvepen čačepah dinlepen.

Jesaja 8:19

Nay vell, te penenn i menshe t'menge: “Poučenn kolen, kay i moulentsa rakrenn, oun poučenn i dravepangren, kolla, kay rakrenn lokes glan pende.” Ap kolende penenn: “Hounte poučenn gar i menshe pengro debles? Poučenn le i moulen i djidenge?”

Jeremia 2:28

Kay hi t'mare debla, kay t'menge kran? Mou stenn yon pre, oun lenn t'men vin dran t'mari bibarht! T'mer menshe an o them Youda, t'men hi yaake boud debla har forya!

Ezekiel 21:26

Kote kay ko yek dromestar douy dromma vin djan, ačell lo o baro ray dran Babilonia tardo, te poučell lo i dourkepangren, hoy te krell. Yob vitsrell kashta ap i phoub, te dikell lo, har le perenn. Oun poučell peskre khereskre deblen. Oun yob dikell palla, har i bouko i maredo firhestar vin dikell.

Daniel 2:11

Kova, hoy tou, baro ray, kay kameh, hi yaake pharo, te nay penell kova kek, kokres i debla. Oun kolla djivenn gar pash i menshende.”

Daniel 2:2

Oun o baro ray moukas khetne te kharell i tsele dourkepangren oun dravepangren, kolen, kay bengeskro koova krenn oun kolen, kay an i bolepangre momlia draverenn. Yon hounte penan leske, hoy leskri souni kamell te penell. Oun yon van oun his tardo glan leste.

Daniel 5:15

Me moukom i siklen oun dravepangren glan mande te anell, te draverenn le kol laba, hoy koy činlo hi, oun te penenn le mange, hoy kolla kamenn te penell. Oun yon hayvan kova gar.

Micha 3:7

Oun i dikepangre hounte ladjenn pen, oun i dourkepangre venn sapaske. Kek lab o Deblestar hi pash lende. I ladjatar hounte rikrenn le halauter i diklo glan pengro mouy.

Nahum 3:4

Kova hi i phagi o foreske Ninive. O foro his har i shoukar djouvel, kolat boud morsha hi, oun o bengeskro koveha trouyel djal, oun yaake i menshen an vavar themma ap peste pandas.

4. Mose 22:25

Oun har koy bourika o baro Debleskro bolepaskres dikas, djas yoy yaake dour ap i rig, te vas o Bileameskri heri doukedo ap kol massouri. Oun yob das lat o douyto kopo.

Debleskro tsiro 9:21

Oun yon moukan gar pengro bengeskro koova oun pengro vi-ladjedo koova, oun moukan gar tele te marell oun te čorell.