Jesaja 47:1 - O Debleskro Lab 2024 (Sinte-Manouche)

¹ Tele t'mentsa, t'mer Babilonarya, t'mer, pral kolende bis kanna kek o zorleder his! Beshenn t'men an i čik! T'mer dran o them Kaldea hans beshdo har i rayetsa ap peskri beshepaskri. Kanna besh tout ap i phoub! Toutar penell kek bouder: Babilon, koy shoukar čay oun Babilon, koy rayli.

O Debleskro Drom 2021 (Sinte)

¹ Tele tumentsa, tumer Babilonarja, tumer, pral kolende bis kanna kek o sorleder his! Beshenn tumen an i tchik! Tumer dran o them Kaldea hans beshdo har i rajetsa ap peskri beshepaskri. Kanna besh tut ap i phub! Tutar penell kek buder: ‘Babilon, koi shukar tchai’ un ‘Babilon, koi raili’.

Jesaja 47:1 Iomraidhean Croise

Hiob 2:13

Oun yon his kote pash leste ap i phoub beshdo efta divessa oun efta ratsya. Oun kek lendar rakras leha. Yon dikan, leskre douka his baro oun pharo.

Hiob 2:8

Oun o Hiob las i kotar i paash-dino khorestar, te rhandjrell lo pes koleha. Oun yob his beshdo mashkral i yagakri čik.

Debleskri gili 137:8

Tou, foro Babilon, tou, kay lauter an kotya deh! Barhteles vell kova, hoy touke pale della kova, hoy tou menge kral!

Debleskri gili 18:27

Tou hal lačo ap koleste, kay hi lačo ap i vavarende oun hal gosveder har kova, kay ap bange dromma djal.

Debleskri gili 89:44

An o kourepen his leskro rharo bouder gar zorelo. Oun tou moukal o Davides gar o zorleder te vell.

Jesaja 13:1

Kava hi, hoy sikras o Devel o Yesayes pral o foro Babilon. O Yesaya hi o čavo o morshestar Amoz.

Jesaja 13:13

Me moukau o bolepen te trissell. Oun i phoub ačell bouder gar kote tardo, kay li kanna hi, ap ko dives, kay me, o baro Devel, o ray pral o bolepen oun i phoub, anau miri rholi pral i phoub.

Jesaja 14:1

O baro Devel krell peskro dji peskre menshenge pre. Oun pale rodell lo peske i Israelitaryen vin, oun moukell len an pengro them te djivell. Oun vi-themarya venna oun djivenna khetne lentsa.

Jesaja 21:1

Kate sikrell o Devel, hoy pral o divyo them pash o baro pani vella. Har i zorelo dourho, hoy phourdell an o them Negev, venn i lourde dran i moulo tato them, oun dran i them, hoy traash pral i menshende anell.

Jesaja 23:12

Oun yob penas ap i menshende an Sidon: T'menge djal har i terni čake, hoy zoryah an-tapedo vas. T'mer givenn oun stenn bouder gar i barhtyatar. Ninna te krenn t'men ap o drom oun djan an o them Kittim, vell t'men kote kek barht.

Jesaja 26:5

I pre-phourden vitsrell lo ap i phoub, Lengro foro phagell lo tele, bis te hi lo čiddo an i čik.

Jesaja 3:26

I menshe an tiro foreskre voudya, Yerusalem, denn palle gole oun rovenn. Oun o foro hi palle vi-čoredo oun mouklo.

Jesaja 37:22

Kava hi ko lab, hoy o baro Devel ap leste penell: Dik, har o foro Sion pral toute sal! An leskre yaka či-moldo hal. Har i terni čay o Yerusalem hi, oun kamell te djinell toutar či.

Jesaja 52:2

Yerusalem, ste pre dran i čik! Trissle koy čik tele! Oun besh tout ap i rayeskri beshepaskri! Vitse kol shelle tele, hoy troul tiri meen pandlo hi, tou stildi čay Sion!

Jeremia 13:18

Pen o baro rayeske oun leskri dake: Avenn tele t'mari beshepaskri! I rayli rayeskri stadi peras t'maro sherestar tele.

Jeremia 46:11

Tou bibarhteli Egiptia, ninna te djah pral an o them Gilead, oun leh touke djet tiro doukepaske, hi kova čičeske. Hi yek, har boud draba oun djet tou leh, kova nay krell tout gar sasto.

Jeremia 48:18

T'mer an o foro Dibon, kay han pre-phourdo pral t'maro raylepen, djan tele oun beshenn t'men an i čik! Kolla, kay phagan i vavar forya an o them Moab khetne, venn pash t'mende, oun krenn t'mare zorele khera paash.

Jeremia 50:1

Kava hi ko lab, hoy penas o baro Devel ap peskro rakepaskro, o Yeremia, pral o them Babilonia oun leskro foro Babilon:

Jeremia 50:42

Len hi boge oun rhare. Yon hi midjak oun len khaytell kek. Ap graya klissenn le i golyah, hoy yaake baro hi har i gole, hoy o baro pani krell. Yon venna, te kourenn le pen touha, tou foro Babilon.

Jeremia 51:1

Kava penell o baro Devel: Dik, me bičrau i dourho, hoy anell o merepen pral o them Babilonia oun pral kolende, kay kote djivenna – kolla, kay hadan pen pral mande.

Jeremia 51:33

Kava penell o baro Devel, ko ray pral o bolepen oun i phoub, kay o Israeleskro Devel hi: O foro Babilon hi har i djobeskri platsa, hoy vell i pirentsa zoreles stakedo, te denn le nay kote o djob vin. Sik vell o tsiro o foreske, kay vell lo khetne stakedo.

Jeremia 51:51

T'mer penenn: I ladj vas pral mende. Menshe dran vavar themma praasan men oun san pral mende. Vi-themarya peran an o kheer o baro Deblestar dren.

Ropaskre gilja 2:10

I phoure an o foro Yerusalem hi beshdo ap i phoub, oun penenn kek lab. Yon vitsran čik ap pengro shero, oun rivan gone ap pende. I terne čenge an o foro Yerusalem hi ropaske. Yon djan ap pengre čanga o mouyeha ap i phoub.

Ropaskre gilja 2:21

Čave oun phoure hi čiddo an i dromma. Terne ča oun terne morsha van o rhareha maredo. Ap ko dives kay tiri rholi pral mende vas, hi tout kek dji lenge, oun maral len halauteren.

Ropaskre gilja 4:5

Kolla, kay boud lačo rhapen rhayan, merenn kanna i bokatar vin ap i dromma. Kolla, kay ap kouč pernitse hidjedo van, hi kanna an i khandli čik čiddo.

Ezekiel 26:16

Oun i raya an kol themma pash o baro pani stenn pengre rayle beshepangre pre, oun djan lendar tele, oun rivenn pengre kouč baya oun shoukar gada vin, oun rivenn paash koola an. Oun beshenn ap i phoub oun moukenn gar tele te trissell.

Ezekiel 28:17

Tiro shoukapen kras tout pre-phourdo. Oun har bravelo oun raylo val, kral savo koova, hoy gar gosevo hi. Doleske vitsrom tout ap i phoub, oun moukom i vavar bare rayen ap toute tele te dikell, te vess lenge sapaske.

Jona 3:6

Har o baro ray o forestar Ninive shounas, hoy o Yona rakras, stas lo pre peskro beshepastar, rivas peskri kouč plaashka vin, oun čivas i gono ap peste, oun beshas pes an i yagakri čik.

Haggai 2:22

Oun me vitsrau i beshepangre kol themengre rayendar trouyel oun lau lengri zoor krik. Lengre kourepangre vourdya vitsrau trouyel khetne kolentsa, kay koy pre beshenna. I graya oun i klissepangre merenna. Yek dell o vavares moulo.

Zakarie 2:7

Oun me dikom ko bolepaskres, kay mantsa rakras, har lo i kotar glan djas. Oun i vavar bolepaskro vas pash leste.

Debleskro tsiro 18:7

Denn lat yaake boud douka oun bibarht har his lat i shoukar oun bravelo djipen ap kay phoub! Ninna kanna penell li an lakro dji: Me hom i bari rayetsa. Oun man hi lauter doha. Oun i bibarht vell gar ap mande.”