Jesaja 45:2 - O Debleskro Lab 2024 (Sinte-Manouche)

² Me djau glan toute, oun krau tiro drom čačo. Me dau kol sasterne voudya dren, oun phagau ko saster, hoy rikrell kol voudya pandles.

O Debleskro Drom 2021 (Sinte)

² Me djau glan tute, un krau tiro drom tchatcho. Me dau kol sasterne wudja dren, un phagau ko saster, hoi rikrell kol wudja pandles.

Jesaja 45:2 Iomraidhean Croise

Debleskri gili 107:16

te das lo sasterne voudya dren, oun phagas sasterne pandepangre.

Jesaja 13:2

Ap i bari nangi berga čivenn i sikepen pre! Denn zoreles i lourden khetne gole! Sikrenn len i vastentsa, te djan le dren an o foreskre voudya, kay i raya djivenn.

Jesaja 14:31

Denn zoreles gole, t'mer, kay han tardo pash o foreskre voudya! Rovenn bari golyah, t'mer, kay djivenn an o foro! Trissenn i daryatar an o tselo them Filistia! Foun kotar, kay norden hi, vell yagakro dourho oun boud boud lourde, oun kek kolendar ačell pale.

Jesaja 24:12

An o foro hi kokres paash dine khera. Oun leskre bare voudya hi an kotya dino.

Jesaja 40:4

Krenn, te vell haki berga tikneder! Oun hadenn ko them, hoy mank i berge čiddo hi! O bango drom te vell bouder gar bango! Oun o djoungelo drom te vell mishto kerdo.

Jesaja 42:16

Mire menshen, kay hi har korele, sikrau i drom, kolestar yon či djinenn. Oun anau len ap dromma, kolendar yon či shounan. Yon djivenn har an kali rat, oun me lau o tamlepen glan lende krik. Oun kol barra, hoy ap lengro drom čiddo hi, lau krik. Kava krau lenge, oun moukau len gar.

Jesaja 45:13

Me hom kova, kay moukas o Kiruses pre te stell, te anell lo o čačepen. Oun me kamau lauter krik te lell, hoy leske ap leskro drom čiddo hi. Yob čivell mange ko foro pale pre. Oun mire menshe, kay pandles krik anlo van, kolen moukell yob te djal. Kek dell les love koleske, vitar gar vavar koova. Kova penell o baro Devel, ko ray pral o bolepen oun i phoub.

Jesaja 48:15

Me penom kava, ava, me dom kava morshes gole, oun moukom les te vell. Oun kova, hoy lo peske glan las, kova djal ninna.

Jeremia 28:13

“Dja pash o Hananya oun pen leske: Kova penell o baro Devel: Tou phagal i kasht. Kanna vell i saster kote, kay o kasht his.

Jeremia 51:30

Kol zorele kourepangre an o them Babilonia ačenn an lengre zorele khera, oun djan gar an o kourepen. Lengri zoryah hi či bouder, yon van har djouvya. O foreskre voudya hi pre-phagedo, oun i khera rhačenna.

Jeremia 51:58

Kava penell o baro Devel, ko ray pral o bolepen oun i phoub: I massurya ko baro forestar Babilon venn tele phagedo bis ap i phoub, oun o foreskre bare voudya venn rhačedo. Palle hi koy boudi čičeske kerdo, hoy menshe dran vavar themma kran. Koleske yon pen tele maran, kova rhačrell pre.

Daniel 5:28

Peres kharell paash činlo. Tiro them vell an douy kotya oun vell ap i Medarya oun i Persarya dino.”

Daniel 8:4

Oun me dikom, har das ko bakro peskre shingentsa ap kol triin rigya: kote, kay o kham tele djal, oun kote, kay o kham gar vell, oun kote, kay lo pralstounes tardo hi. Oun kek firho his zorleder har ko bakro. Oun koon an leskre vasta peras, koles nay las kek vin. Oun ko bakro kras, hoy yob kamas, oun vas pre-phourdo.

Nahum 3:13

Tire kourepangre – har djouvya van le! I voudya glan tiro them hi dour pre, te nay djan kolla dren, kay kamenn tout te marell. I yag rhačrell kol zorele kashta, kolentsa i bare voudya pandle hi.

Louka 3:5

Krenn, te vell haki berga tikneder! Oun hadenn ko them, hoy mank i berge čiddo hi! O bango drom te vell bouder gar bango! Oun o djoungelo drom te vell mishto kerdo.

Bičepangre 1:15

An kolla divessa van boud patsle khetne, sheel-te-biish menshe. Mashkral lende stas o Petro pre oun penas: