Jesaja 44:5 - O Debleskro Lab 2024 (Sinte-Manouche)

⁵ Yek pal o vavar penell: O baro Devel hi miro ray. Boud kamenn tire menshe te vell. Yon činenn ap pengro vast: Me hom o baro Debleske, oun kharenn pen Debleskre menshe.

O Debleskro Drom 2021 (Sinte)

⁵ Jek pal o wawar penell: O baro Dewel hi miro rai. Bud kamenn tire menshe te well. Jon tchinenn ap pengro wast: ‘Me hom o baro Debleske’, un kharenn pen ‘Debleskre menshe’.

Jesaja 44:5 Iomraidhean Croise

2. Familjakro liil 36:23

“Kava penell o Cyrus, ko ray pral o them Persia: O baro Devel an o bolepen das man i tsele themma ap kay phoub. Oun yob penas mange, te krap leske i kheer an o foro Yerusalem an o them Youda. Koon kanna mank t'mende leskre menshendar hi, koleha te vell peskro Devel! Oun yob nay djal pral an o foro Yerusalem.”

Debleskri gili 116:16

Ah, baro Devel, me hom yek kolendar, kay touke boudrenn. Ava, tiro boudepaskro hom oun boudrau touke har miri day kras. Tou kral i shelle pre, hoy pandan man.

2. Mose 13:9

Kava vell touke har i sikepen ap tiro vast, oun i sikepen mashkral tire yaka, te bistress tou kova gar, oun peness i vavarenge, har las tout o baro Devel peskro zorelo vasteha vin dran o them Egiptia.

Jesaja 2:3

oun penenn: “Avenn, te djas pre ap i berga o baro Deblestar, pash o kheer o Yakobeskro Deblestar, te sikrell lo men peskre dromma, te djinas, hoy lo mendar kamell.” O baro Debleskre laba djan vin dran Sion. Dran o foro Yerusalem rakrell lo i menshentsa.

Jeremia 32:10

Oun me činom i ginepaskro liil, oun činom les yek kopo tele. Oun ko yek liil pandom, oun čivom miro sikepen koy pre, oun lom mange morshen pashel, kay dikan halauter, oun čivom kol love ap i vaga, te vell kova lauter pal o čačepen kerdo. Oun me lom ko pandlo ginepaskro liil, oun ko liil, hoy gar pandlo hi,

Jeremia 50:5

Yon poučenn pal o drom ap i berga Sion, kote kamenn le te djal: “Avenn, te kras men ap o drom pash o baro Debleste! Mer kamah pale leskre menshe te vell, oun yob te vell maro Devel! Kova te ačell yaake hako tsiro, mer kamah les gar te bistrell.”

Micha 4:2

Boud menshe dran vavar themma venn kay, oun penenn: “Avenn, djas pral ap i berga o baro Deblestar, pash ko kheer kolestar, kay o Yakobeskro Devel hi. Kote sikrell yob mende, har te djas ap leskro drom, te djivas mer yaake har yob kamell.” I berga Sion hi koy platsa, kay sikrell yob i menshende, hoy lo lendar kamell. Oun dran Yerusalem djan save menshe vin, kay penenn i vavarenge o baro Debleskro lab.

Zakarie 13:9

Oun kolenge, kay pral ačenn, venn phare tsirya, kay hounte djan le dren, te venn le djoudjo kerdo, yaake har roup oun sonakay djoudjo kerdo vell an i yag. Palle denn le ap mande gole, oun me shounau len. Me penau: Yon hi mire menshe. Oun yon penenn: Tou baro Devel, hal maro Devel.”

2. Korintarja 8:5

Kova, hoy yon kran, his boudeder har mer patsam. Yon čivan pen an o vast o Yezousestar, maro rayestar, oun pal kova an mare vasta, yaake har o Devel kova kamas.

Galatarja 6:16

Me kamoms, te dell o Devel peskri barht oun peskro kamlepen lauterende, kay rikrenn pen ap kal laba. Mou vell kova ninna ap i tsele Debleskre menshende an Israel!

Galatarja 6:17

Ma krenn mange bouder kek douka! Man hi boud činepen ap mande, hoy sikrenna, kay vom o Yezouseske dino.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.