Jesaja 44:4 - O Debleskro Lab 2024 (Sinte-Manouche)

⁴ Oun yon venn baro har o zenlepen pash o pani, oun har i rouka pash i panyengre rigya.

O Debleskro Drom 2021 (Sinte)

⁴ Un jon wenn baro har o senlepen pash o pani, un har i ruka pash i panjengre rigja.

Jesaja 44:4 Iomraidhean Croise

Hiob 40:22

Kol pesse soubyengre bourra khatrenn les glan o kham. Oun kol rouka, hoy pash o pani tardo hi, hi troul leste trouyel.

Hiob 5:25

Oun tou dikeh, har tire čave boud venna, ava, kolla, kay pal toute venna, venn yaake boud har o zenlepen ap i phoub.

Debleskri gili 1:3

Kova hi har i rouk, hoy tardo hi pash o pani. Ap o čačo tsiro venn leskre roukengre baro. Oun leskre patria ačenn zenelo. Lauter, hoy yob krella, djala mishto.

Jesaja 48:19

Tire čave, kay pal toute venn, vans yaake boud har i santa pash o baro pani. Oun lengre laba merans gar vin. Oun kek nay tradans len krik glan mande.

Jesaja 58:11

Oun hako tsireske sikrell tout o baro Devel tiro drom. Ninna te djiveh an o moulo tato them, dell lo tout doha djipaske, oun dell tout nevi zoor. Palle hal tou har i baar, kolat hako tsiro doha pani hi, ava, har i pani, hoy dran i phoub pre djal, oun koleskro pani hako tsiro nashell.

Jesaja 61:11

Yaake har moukell i phoub o zenlepen pre te djal, oun bares te vell, yaake moukell o baro Devel, maro ray, o čačepen pre te djal, oun maro sharepen bares te vell pash i menshende an i tsele themma.

Ezekiel 17:5

Palle las lo i drab dran o them oun čivas les an lači phoub, kay boud pani his. Pash ko pani čivas lo les an i phoub.

3. Mose 23:40

Ap o ersto dives lenn shoukar roukengre, hoy ap i rouka bares van, ninna palmtikre patria, pappeltikre kashta pengre patyentsa oun vavar kashta boud patyentsa, oun avenn efta divessa barhteles glan t'maro baro Debleste.

Bičepangre 4:4

Boud kolendar, kay shounan kol laba, hoy o Petro penas, van patslo. Nay his panč zerya menshe.

Bičepangre 5:14

Boud morsha oun djouvya patsan ap o Yezouseste oun van i patslentsa khetne.