Jesaja 43:5 - O Debleskro Lab 2024 (Sinte-Manouche)

⁵ Ma dare! Me hom touha! Me anau kolen, kay toutar hi, khere dran i themma, kay kote hi, kay o kham pre djal, oun kay o kham tele djal.

O Debleskro Drom 2021 (Sinte)

⁵ Ma dare! Me hom tuha! Me anau kolen, kai tutar hi, khere dran i themma, kai kote hi, kai o kham pre djal, un kai o kham tele djal.

Jesaja 43:5 Iomraidhean Croise

Debleskri gili 106:47

Baro Devel, le men vin dran i vasta kol vavar menshendar, maro Devel! An men pale lauter khetne an o them Israel, te parkras men pash toute, kay kokres o čačo Devel hal. Mari barht hi, te nay sharah tout.

Debleskri gili 107:3

Yob anas len khetne dran boud themma, kotar, kay o kham pre-djala, kotar, kay o kham tele djal, kotar, kay o kham gar vell, oun kotar, kay o kham pralstounes tardo hi.

Jesaja 41:10

Ma dare! Me hom touha! Ma dik darenes! Me hom tiro Devel! Me krau tout zoreles, me vau ap tiri rig, ava, me rikrau tout miri čači moussyah, hoy krell tout zorleder har i vavar.

Jesaja 41:14

Ma dare, tou kirmo Yakob, tou djouv Israel! Me, rikrau pash toute, me, o baro Devel. Kova, kay ginas tout vin dran o vavareskro vast, hom me, o Israeleskro čačo Devel.

Jesaja 41:8

Tou, Israel, hal miro boudepaskro, tou hal o Yakob, koles mange vin rodom, tou veh o Abrahamestar, kay miro maal hi.

Jesaja 41:9

Tou hal kova, koles vin lom dran i palstoune themma ap kay phoub. Foun doural dom tout gole oun penom ap toute: Miro boudepaskro hal tou, tout rodom vin, oun čivom tout gar ap i rig.

Jesaja 43:1

Kanna penell o baro Devel, kova, kay t'menge, o Yakobeskre čavenge, o djipen das, oun toutar, Israel, i natsyona kras: Ma dare! Me ginom tout vin! Me dom tout pash tiro lab gole, te vess mange.

Jesaja 43:2

Te djah tou an o pani, me hom pash toute, te tassenn tout kol zorele panya gar. Oun te djah tou an i yag, palle rhačell li tout gar, oun nay krell touke či.

Jesaja 44:2

Kova hi, hoy me, o baro Devel, touke penau: Me krom tout oun dom tout o djipen har gomme gar boldo hals; me hom ap tiri rig. Ma dare, miro boudepaskro Yakob, tou Israel, koles me mange vin rodom!

Jesaja 49:12

Dikenn, mire menshe venn foun doural: dran i themma, hoy serves oun čačes čiddo hi, oun foun kotar, kay o kham tele djal.

Jesaja 49:18

Dik, hoy an i themma troul toute djal! Kol menshe van khetne, te venn le pash toute! Me dau man sovel pash miro djipen, penell o baro Devel: Yon hi touke har i sonakaskri verkli, hoy troul tiri meen čiveh, oun har i shoukar pereskri dori, hoy i čay troul late pandell, te hi lat biyab.

Jesaja 54:3

Tiri familya vell bareder oun bareder oun len hounte vell boudeder platsa ap i čači rig oun ap i servi rig. Oun tire čave tradenn vavar menshen vin, oun djivenn pale an kol forya, hoy paash dino van.

Jesaja 54:7

I tikno tsireske moukom tout. Kanna krau miro dji bares pre touke oun lau tout pale pash mande.

Jesaja 61:9

Lengre čave, kay pal lende venna, hi prindjedo oun an-diklo pash i menshende an hake themma. Oun koon len dikell, hayvell: Kolla hi i menshe, ap kolende o baro Devel peskri barht čivas.

Jesaja 8:10

Rakrenn khetne har te djan glan, oun djinenn, kolestar vell či. Rakrenn yaake boud har kamenn, Či vell vin. O Devel hi mentsa.

Jeremia 23:7

O dives vell, penell o baro Devel, kay vell gar bouder sovel dino kal labentsa: … pash o djido Debleste, kay las i Israelitaryen vin dran o them Egiptia.

Jeremia 23:8

Na-a, yon penenna: … pash o djido Debleste, kay las i Israelitaryen vin dran ko them, hoy kote čiddo hi, kay norden hi, ninna dran kol tsele vavar themma, kay yob len tradas. Palle djivenn yon pale an pengro them.

Jeremia 29:14

palle moukau man t'mendar te hatsell, penell o baro Devel. Oun me lau t'men dran t'maro pandepen vin, oun anau t'men khetne dran i tsele menshende oun themma, kay tradom t'men, penell o baro Devel. Oun me anau t'men pale an kava them, kay moukom t'men krik te anell.

Jeremia 3:18

Ap ko dives djan kol menshe dran o kheer Youda pash kol menshende dran o kheer Israel: Oun yon djan khetne khere dran o norden an ko them, hoy dom me t'mare phourende, te ačell kova lengro.

Jeremia 42:11

Ma trashenn o baro rayestar dran o them Babilonia, glan koleste t'men traash hi, penell o baro Devel; me hom pash t'mende, te vap t'menge ap i rig, oun lap t'men dran leskro vast vin. Doleske ma trashenn lestar!

Jeremia 51:46

Te shounenn t'mer, hoy an o them rakedo vell, nay darans t'mer, oun nay nashrans t'mare djia pengri zoor. Hako bersh vell vavar djoungelo koova rakedo: Bari zoryah djan le ap i tiknende an kava them, oun yek ray djal ap o vavareste.

Micha 2:12

T'mer, Yakobeskre čave, me anau t'men khetne, – halauteren, kay ačan pral foun o tselo Israel. Anau t'men khetne, har anell i bakrengro peskre bakren an lengro kheer. Yaake har anell lo peskre boud bakren kote, kay le khere hi, yaake anau t'men an t'maro them. Oun o them vell pherdo t'mendar.

Zakarie 8:7

Kova penell o baro Devel, ko ray pral o bolepen oun i phoub: “Ava, me lau mire menshen vin dran o them, kay o kham pre djala, ninna dran o them, kay o kham tele djal.

Louka 13:29

Dran hako them venna i menshe pash o Debleste an o bolepen khetne, oun beshenn pen tele, te rhan le.

Johanni 10:16

Man hi ninna vavar bakre. Kolla hi kate gar khere. Kolen anap halauter kate. Yon shounenn ap miro rakepen, oun me anau len khetne i vavarentsa. Oun len hi yek bakrengro.

5. Mose 30:3

palle krell t'maro baro Devel peskro dji t'menge pre oun lell t'men dran o pandepen vin. Oun yob anell t'men pale khetne oun pale pale dran i tsele themma, kay lo t'men tradas.