Jesaja 43:2 - O Debleskro Lab 2024 (Sinte-Manouche)

² Te djah tou an o pani, me hom pash toute, te tassenn tout kol zorele panya gar. Oun te djah tou an i yag, palle rhačell li tout gar, oun nay krell touke či.

O Debleskro Drom 2021 (Sinte)

² Te djah tu an o pani, me hom pash tute, te tassenn tut kol sorele panja gar. Un te djah tu an i jag, palle chatchell li tut gar, un nai krell tuke tchi.

Jesaja 43:2 Iomraidhean Croise

Hiob 5:19

Hako kopo, kay perell i bibarht ap toute, lell lo tout vin. Oun kek čilačepen nay taprell tout an.

Debleskri gili 23:4

Ninna te nashau me mashkral i tamli tala, darau me glan kek bibarht. Tou hal pash mande. Tiro kashteha aneh tou man pale, oun rikreh i divye firhen mandar krik, yaake hounte trashap gar.

Debleskri gili 32:6

Doleske mangenn tout lauter kolla an, kay tiro hi, an ko tsiro, kay taprell len i daar. Palle, te venn i bare panya, nay taprenn le len gar.

Debleskri gili 66:10

Tou, maro Devel, kamal te dikell, har maro dji ap toute rikrell. Doleske kral tou mentsa har o roupeha, hoy an yag thodo vell, te vell lo djoudjo.

Debleskri gili 66:12

Tou moukal menshe pral mende te vell, moukal men an i yag oun an o pani te djal. Oun palle anal tou men dran lauter vin oun dal men nevi zoor.

Debleskri gili 91:15

Yob dell ap mande gole. Doleske shounau me ap leste, oun hom pash leste, te djal leske gar mishto. Me lau les vin dran i bibarht oun krau les bares.

2. Mose 14:29

Yaake djan i Israelitarya mashkral o baro pani ap i vavar rig. Yon djan ap i drom, hoy gar sapenes hi. Oun o pani his tardo ap i čači rig, ninna ap i servi rig lendar, har bare barra, hoy troul i foro tardo hi.

2. Mose 3:12

Koy penas o Devel: “Me hom pash toute. Te anal tou mire menshen dran o them Egiptia vin, palle djan t'mer pash kay berga oun marenn kate firhen mange. Kova hi i sikepen, te bičrom me tout.”

Jesaja 29:6

vell o baro Devel, o ray pral o bolepen oun i phoub, oun lell t'men vin dran lengre vasta. Yob vella bari golyah oun moukell i phoub trissell. Oun o bolepen dell gole, oun i zorelo dourho phourdell pral i phoub, oun bari yag rhal troul peste.

Jesaja 30:27

Dikenn, o baro Devel vella foun doural. Leskri rholi hi baro, oun i pesso yagakro dourho vell dran leskro nak. Pherdi rholi hi leskro rakepen. oun leskri čip hi har i yag hoy lauter pre rhačrell.

Jesaja 41:10

Ma dare! Me hom touha! Ma dik darenes! Me hom tiro Devel! Me krau tout zoreles, me vau ap tiri rig, ava, me rikrau tout miri čači moussyah, hoy krell tout zorleder har i vavar.

Jesaja 41:14

Ma dare, tou kirmo Yakob, tou djouv Israel! Me, rikrau pash toute, me, o baro Devel. Kova, kay ginas tout vin dran o vavareskro vast, hom me, o Israeleskro čačo Devel.

Jesaja 43:5

Ma dare! Me hom touha! Me anau kolen, kay toutar hi, khere dran i themma, kay kote hi, kay o kham pre djal, oun kay o kham tele djal.

Jeremia 42:11

Ma trashenn o baro rayestar dran o them Babilonia, glan koleste t'men traash hi, penell o baro Devel; me hom pash t'mende, te vap t'menge ap i rig, oun lap t'men dran leskro vast vin. Doleske ma trashenn lestar!

Jeremia 46:28

Doleske, ma traash, Yakob, miro boudepaskro, penell o baro Devel. Me hom pash toute. Kol tsele natsyone, kay me tout tradom, moukau gar te djivell. Tout moukau te djivell. Dava hounte dap tout, har touke mishto hi. Kek daventsa nay moukau tout gar.

Daniel 3:23

Oun o Shadrak oun o Meshak oun o Abed-Nego peran pandles an i yag.

Haggai 1:13

Kote penas o Debleskro rakepaskro, o Haggay, koles o baro Devel bičras, te anell lo kol laba o baro Deblestar i menshenge an o tselo them: Me hom t'mentsa, penell o baro Devel.

Zakarie 13:9

Oun kolenge, kay pral ačenn, venn phare tsirya, kay hounte djan le dren, te venn le djoudjo kerdo, yaake har roup oun sonakay djoudjo kerdo vell an i yag. Palle denn le ap mande gole, oun me shounau len. Me penau: Yon hi mire menshe. Oun yon penenn: Tou baro Devel, hal maro Devel.”

Mateo 1:23

I terni čay, kay gomme kek morshestar an tapedo vas, lella i ternepen. Oun yon denn les o lab Emmanuel. Kova kharella: O Devel hi mentsa.”

2. Timoteo 4:17

O ray Yezous his ap miri rig, oun das man i zoor, te nay penap kote o tselo lačo lab lestar, yaake te shounan les ninna kolla, kay hi kek bibolde. Oun yob las man yaake dran lengre vasta vin, har te voms dran i leveskro mouy vin lino.

2. Timoteo 4:22

Maro ray Yezous hi touha! Leskro lačepen djal t'mentsa!

Hebrearja 11:29

I tsiro koy pre djan le mashkral o baro pani, hoy kharella Lolo Pani, har te djans le ap o drom. Kova nay kran le doleske, kay patsan le, hoy o Devel lenge penas. I Egiptarya kaman ninna mashkral o baro pani te djal, oun yon tassan.

Josua 1:5

Kek nay vell zorleder har tou, yaake rah har tou djiveh. Yaake har me o Moseha homs, yaake vau me touha. Me moukau tout gar, oun me djau gar toutar.

Josua 1:9

Penau touke pale: Ab zoreles! Oun ma traash gar! Ma dare či! Oun ma traash kekestar! O baro Devel hi tiro Devel oun hi touha, kay tou ninna djah.”