Jesaja 42:6 - O Debleskro Lab 2024 (Sinte-Manouche)

⁶ Me, o baro Devel, dom tout gole, te aness o čačepen pash i menshende. Me taprom tout pash tiro vast. Oun me dau yak ap toute. Tou vess o rakepaskro, kay krell i menshentsa vin, te vap lengro Devel; oun vess i menshenge an i tsele themma i momeli, hoy sikrell len o drom pash mande.

O Debleskro Drom 2021 (Sinte)

⁶ Me, o baro Dewel, dom tut gole, te aness o tchatchepen pash i menshende. Me taprom tut pash tiro wast. Un me dau jak ap tute. Tu wess o rakepaskro, kai krell i menshentsa win, te wap lengro Dewel; un wess i menshenge an i tsele themma i momeli, hoi sikrell len o drom pash mande.

Jesaja 42:6 Iomraidhean Croise

Jesaja 26:3

Baro Devel, tou rikreh tire vasta pral kolende, kay moukenn pen gar toutar krik te tserdell, oun deh len shoukapen an o dji. Ap toute rikrenn le pen.

Jesaja 27:3

Me, o baro Devel, dau ap leste yak, oun dau les pale te pale pani. Kek tsiro moukau les dran miro yak, yaake te nay krell les kek čomone.

Jesaja 32:1

Sik vell i baro ray, kay krell halauter an o čačepen, oun i pralstoune pral o them denn hakenes peskro čačepen.

Jesaja 41:13

Me, o baro Devel, hom tiro Devel, oun taprau tiro čačo vast, oun penau touke: Ma dare! Me hom ap tiri rig!

Jesaja 41:2

Koon das i rayes gole, te vell lo foun kotar, kay o kham pre djal? Ko ray hi zorleder har i vavar, kay lo ninna djal. O Devel dell leste i vavar themma tel leskre herya, oun krell, te perenn lengre bare raya glan leste tele. Oun leskro rharo tradell len krik har patria. Oun glan leskro bogo hi le har phouss, hoy i dourho krik phourdell.

Jesaja 42:1

O baro Devel penell: Ake, miro boudepaskro; les hi miro vast. Me rikrau les, oun rodom les mange vin, oun hom barhtelo pral leste. Miro dourho čivom ap leste, te anell lo miro čačepen pash i menshende an i tsele themma.

Jesaja 43:1

Kanna penell o baro Devel, kova, kay t'menge, o Yakobeskre čavenge, o djipen das, oun toutar, Israel, i natsyona kras: Ma dare! Me ginom tout vin! Me dom tout pash tiro lab gole, te vess mange.

Jesaja 45:1

Kava penell o baro Devel ap o Cyrus, koles yob vin rodas, te vell lo baro ray: Me taprom tiro čačo vast, te vitsrap vavar themma tel tire herya, oun te lap i rhare lengre bare rayendar krik, te venn voudya pre kerdo glan toute, te ačenn foreskre voudya gar pandlo glan toute.

Jesaja 45:13

Me hom kova, kay moukas o Kiruses pre te stell, te anell lo o čačepen. Oun me kamau lauter krik te lell, hoy leske ap leskro drom čiddo hi. Yob čivell mange ko foro pale pre. Oun mire menshe, kay pandles krik anlo van, kolen moukell yob te djal. Kek dell les love koleske, vitar gar vavar koova. Kova penell o baro Devel, ko ray pral o bolepen oun i phoub.

Jesaja 49:6

Yob penas: Kova hi gar doha, te hal miro boudepaskro, te čivess o them Israel pale pre, oun aness kolen pale pash mande, kay o Yakobeskre čavendar pral ačan. Na-a, me krau ninna, te vess i momeli i tsele natsyonenge, hoy sikrell halauterenge ap i phoub, kay lau len dran o čilačepen vin.

Jesaja 49:8

Kava penell o baro Devel: Har his o tsiro mishto, shounom ab tiri gole. Har vas ko dives, kay lom tout vin dran i bibarht, vom ap tiri rig. Oun me dom yak ap toute. Me lom tout: – te vess i drom, kay nay venn i menshe dran hake themma pash mande, – te čivess pale o them pre tardo, – te dess tou lende kol kotya them, hoy lenge hi, oun kanna mouklo hi,

Jeremia 12:16

Yon sikran mire menshende, har te denn le pen sovel ap o debleste Baal. Kanna vell yaake: Te moukenn yon pen mire menshendar te sikrell, har te denn yon pen ap miro lab sovel, oun penenn: Pash o djido Debleste … palle moukau len mashkral mire menshende te djivell.

Mateo 26:28

Kay mool hi miro rat, hoy me ratau boudenge, te lap lengri doosh lendar. Yaake krau i drom, kay o Devel oun i menshe mala venna.

Louka 2:32

Yob hi har i momeli, te sikrell lo kolen tiro drom, kay prindjrenn tout gar. Koleske sharenn yon i menshen an Israel.”

Johanni 8:12

Pale rakras o Yezous i menshentsa oun penas: “Me hom koy momeli i menshenge. Koon mange palla djala, djal gar an o tamlepen. Me hom koy momeli, kay o djipen della.”

Bičepangre 13:47

Kova penas menge o Devel: Me krom, te venn t'mer i momeli kol menshenge, kay hi gar bibolde. Penenn lenge, te lau me len dran o čilačepen oun dran o merepen vin!”

Bičepangre 26:23

Kolla penan: Ko baro ray, koles o Devel bičrella, hounte lell boud douka ap peste, oun hounte vell maredo. Oun yob hi o ersto mensho, koles o Devel i moulendar djido kras. Oun yob sikrell i biboldende oun kolende, kay kek bibolde hi, i bari momeli, hoy anell len dran o čilačepen oun o merepen vin.

2. Korintarja 1:20

Lauter, hoy moukas o Devel glan i rah tsiro menge te penell, kova kras o Yezous Kristo menge. Dran kova penah mer Amen, te vell o Devel sharedo.

Hebrearja 12:24

Kote hi ninna o Yezous, maro rakepaskro, kay kras menge o nevo drom, te djivas khetne o Debleha. Yob meras menge, oun leskro rat las mari doosh mendar. O Yezouseskro rat hi feteder har o Abeleskro rat. Har o Abel maredo vas, das leskro rat gole pal i phagi pral o Kayn. O Yezouseskro rat lell mari doosh mendar.

Hebrearja 13:20

O Devel kras i drom, te nay vah pash leste. Yob kras o Yezouses, maro rayes, i moulendar djido. Kova ratas peskro rat menge, te nay vah pash o Debleste, oun djivah hako tsiro leha khetne. O Yezous vas maro baro bakrengro. Kova dell yak ap mende, har i bakrengro dell yak ap peskre bakre.

Hebrearja 7:2

Oun o Abraham das les o deshto kotar lauterestar, hoy las yob an o kourepen. Ko lab Melkisedek kharella Čačo Ray. Oun yob his ninna o ray pral o foro Salem. O lab Salem kharella Barht.

Hebrearja 7:26

O Yezous hi o baro rashay, kay hounte vell men. Yob hi lačo glan o Debleskre yaka. Kek čilačepen, vitar kek doosh hi ap leste. Na-a, yob hi gar yaake har mer čilače menshe ham, kay ham pale-čiddo glan o Debleste. Oun o Devel kras les bareder har hako vavar an o bolepen.

Hebrearja 8:6

Maro baro rashay hi o Yezous. Koleste das o Devel i feteder boudi har kol rashayende ap i phoub. Yob hi ninna maro rakepaskro, kay kras menge i nevo drom, kay nay vah pash o Debleste. Kava nevo drom hi feteder har o phouro drom, hoy o Mose sikras. Ap kava nevo drom djivah nay čačepah o Debleha khetne, yaake har yob kova menge penas.

Hebrearja 9:15

Har o Yezous Kristo meras, las lo i doosh kol menshendar krik, kay djan ap o phouro drom, oun kras lenge i nevo drom, kay nay venn le pash o Debleste, te djivenn lauter kolla, kay o Devel peske gole das, leha khetne hako tsiro, oun te lenn le ko shoukar bravlepen pash leste an o bolepen, yaake har yob penas.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.