Jesaja 42:16 - O Debleskro Lab 2024 (Sinte-Manouche)

¹⁶ Mire menshen, kay hi har korele, sikrau i drom, kolestar yon či djinenn. Oun anau len ap dromma, kolendar yon či shounan. Yon djivenn har an kali rat, oun me lau o tamlepen glan lende krik. Oun kol barra, hoy ap lengro drom čiddo hi, lau krik. Kava krau lenge, oun moukau len gar.

O Debleskro Drom 2021 (Sinte)

¹⁶ Mire menshen, kai hi har korele, sikrau i drom, kolestar jon tchi djinenn. Un anau len ap dromma, kolendar jon tchi shunan. Jon djiwenn har an kali rat, un me lau o tamlepen glan lende krik. Un kol barra, hoi ap lengro drom tchiddo hi, lau krik. Kawa krau lenge, un mukau len gar.

Jesaja 42:16 Iomraidhean Croise

Debleskri gili 94:14

O baro Devel čivell peskre menshen gar pale, oun moukell gar len kokres.

Sikepaskro 1:15

Tou nay kreh gar čačo, hoy bango hi. Oun hoy gar koy hi, nay vell gar ginlo.

Sikepaskro 7:13

Dik, hoy o Devel halauter kras! Kek nay krell vavarčandes, hoy yob bango kras!

Jesaja 26:7

Tou kreh kolenge, kay o čačepen krenn, o drom, oun leh krik, hoy lenge an o drom čiddo hi.

Jesaja 29:18

Ap ko dives shounenn kolla, kay nay shounenn gar, i laba dran i liil. Oun i korele nay dikenn oun djivenn bouder gar an o kalepen oun an i rat.

Jesaja 29:24

Oun kolla, hoy či hayvan, hayvenn palle, hoy mishto oun gar mishto hi. Oun kolla, kay moukenn pen či te penell, lenn kova an, hoy lenge siklo vell.

Jesaja 30:18

Doleske dikell o baro Devel ap ko dives, kay nay vell lo t'menge pale lačes, oun te nay krell lo peskro dji t'menge pre. O baro Devel hi i Devel, kay hako tsiro o čačepen krell. Barhtelo hi hakeno, kay ap leste dikell.

Jesaja 30:21

Te kamenn ap i čači oder ap i servi rig leskro dromestar tele te djal, palle shounenn t'mare kanda i rakepen, hoy pal t'mende rakrell: Kava hi o drom, kova djan!

Jesaja 32:3

Palle nay dikenn halauter pale mishto. Oun kolla, kay nay shounenn, krenn pengre kanda pre.

Jesaja 35:5

Palle nay dikenn i korele, oun kolla, kay nay shounan gar, shounenn.

Jesaja 35:8

Oun kote hi palle i drom, hoy kharell Debleskro drom. Kek, kay pale-čiddo glan o Debleste hi, nay djal ap leste. Kokres o Debleskre menshe djan ap leste. Kek, kay djal ap ko drom, nashrell pes, vitar kek, kay gar boud hayvell.

Jesaja 40:4

Krenn, te vell haki berga tikneder! Oun hadenn ko them, hoy mank i berge čiddo hi! O bango drom te vell bouder gar bango! Oun o djoungelo drom te vell mishto kerdo.

Jesaja 41:17

Kolla, kay čorvele hi, oun kolen gar doha hi djipaske, rodenn pal pani, oun dell kek. Oun len hi bari troush. Me, o baro Devel, shounau ap lende, me, o Israeleskro Devel, moukau len gar.

Jesaja 41:3

Yob lell len palla, oun kek taprell les nay, yaake sik nashell lo.

Jesaja 45:2

Me djau glan toute, oun krau tiro drom čačo. Me dau kol sasterne voudya dren, oun phagau ko saster, hoy rikrell kol voudya pandles.

Jesaja 45:7

Me hom kova, kay krell, te vell dives oun rati. Me hom kova, kay dell barht oun bibarht. Me, o baro Devel, krau kova lauter.

Jesaja 48:17

O baro Devel, kova, kay tout, Israel, vin las dran o pandepen, yob, o čačo Devel, hi o Israeleskro Devel oun penell: Me, o baro Devel, hom tiro Devel, kova, kay toute sikrell, hoy touke mishto hi, oun ap havo drom tou hounte djas.

Jesaja 52:12

Kava kopo hounte nashenn gar sik kotar vin, vitar gar yaake har vans ap o naashepen. O baro Devel djal t'menge glan vin, oun dell pal t'mende yak, yob, o Devel pral o Israel.

Jesaja 54:13

O baro Devel sikrell peskro drom tire tsele čavende, oun lenge djal mishto.

Jesaja 58:10

Tou dess tiro maro koles, kay bokell, oun dess koles, kay les gar doha djipaske hi, lauter, hoy les hounte vell. Palle djal touke o kham pre an o kalepen, kay tou djiveh. Oun tiri rati vell har o mashkral-dives.

Jesaja 62:12

Oun yon venn kharedo Debleskre menshe oun vi-ginle o baro Deblestar. Oun tout denn le gole o foro, hoy o Devel kamell oun o foro, hoy bouder gar mouklo hi.

Ezekiel 14:23

Te dikenn t'mer, har le djivenn, oun hoy le krenn, hayvenn t'mer, hoske me kova yaake o foreha Yerusalem hounte krom. Oun t'mari douk koy pral vell krik lino dran t'mare djia. Kova penau me, o baro Devel, t'maro ray.

Hosea 2:14

Me krau lakre drakengre rouka paash, ninna lakre faygetikre rouka, kolendar yoy penas: “Kolentsa playsran man mire pirne.” Me krau i divyo veesh dran lende. Oun kol roukengre, hoy pral ačenn, rhan i divye firhe.

Hosea 2:6

Lakre čave hi i loubyengre čave. Lenge krau miro dji gar pre.

Amos 5:8

O baro Devel kras o bolepangre momlia, kol momlia, hoy sikrenn: o vend vell oun i niyal vell. Dran i rat krell yob o dives, oun dran o dives i rat. Dran o baro pani lell yob o pani oun čorell les ap i phoub. Yob kharell Baro Devel.

Louka 3:5

Krenn, te vell haki berga tikneder! Oun hadenn ko them, hoy mank i berge čiddo hi! O bango drom te vell bouder gar bango! Oun o djoungelo drom te vell mishto kerdo.

Bičepangre 26:18

Tou kress lenge i yaka pre, te venn yon dran o tamlepen pash i momeli, te less len dran o bengeskro vast vin, oun te aness len pash o Debleste. Te patsenn le ap mande, palle lell o Devel lengri doosh lendar krik. Oun yon venn o Debleskre čave, oun djivenn leha an o bolepen khetne lauterentsa, kay Debleskre čave hi.

Efesarja 5:8

Glan ko tsiro, har t'mer patslo van, djan t'mer ap o čilačo drom. Kova his har te djans an i rati. Kanna hi kova vavarčandes. Maro ray Yezous djivell an t'mare djia, oun anas t'men ap peskro drom. Yob hi i bari momeli t'menge. Djan kanna ap leskro drom, kay hi bouder kek tamlepen!

Hebrearja 13:5

Ma nashenn i love palla! Kova, hoy tout hi, kova mouk touke doha te vell! O Devel penas: Me bistrau tout gar, oun moukau tout kek tsireske!

Josua 3:4

Ko morhton sikrell t'men o drom, hoy hounte djan. Bis kanna djan t'mer ko drom gomme gar. Rikrenn t'men i kotar pal ko morhton! Moukenn yaake yek kilometari mank leste oun t'mende!”

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.