Jesaja 41:9 - O Debleskro Lab 2024 (Sinte-Manouche)

⁹ Tou hal kova, koles vin lom dran i palstoune themma ap kay phoub. Foun doural dom tout gole oun penom ap toute: Miro boudepaskro hal tou, tout rodom vin, oun čivom tout gar ap i rig.

O Debleskro Drom 2021 (Sinte)

⁹ Tu hal kowa, koles win lom dran i palstune themma ap kai phub. Fun dural dom tut gole un penom ap tute: Miro budepaskro hal tu, tut rodom win, un tchiwom tut gar ap i rig.

Jesaja 41:9 Iomraidhean Croise

Debleskri gili 135:4

O baro Devel rodas peske o Yakobeskre menshen vin, ava, o Israel las lo, te vell lo leskro.

Debleskri gili 94:14

O baro Devel čivell peskre menshen gar pale, oun moukell gar len kokres.

Jesaja 11:11

Oun ap ko dives hadell o Devel peskro vast i douyto kopo, te ginell lo kolen vin, kay peskre menshendar pral ačan an i themma Assour oun Egiptia, Patros, Koush, Elam, Shinar, Hamat, oun an kol panyeskre themma.

Jesaja 14:1

O baro Devel krell peskro dji peskre menshenge pre. Oun pale rodell lo peske i Israelitaryen vin, oun moukell len an pengro them te djivell. Oun vi-themarya venna oun djivenna khetne lentsa.

Jesaja 41:2

Koon das i rayes gole, te vell lo foun kotar, kay o kham pre djal? Ko ray hi zorleder har i vavar, kay lo ninna djal. O Devel dell leste i vavar themma tel leskre herya, oun krell, te perenn lengre bare raya glan leste tele. Oun leskro rharo tradell len krik har patria. Oun glan leskro bogo hi le har phouss, hoy i dourho krik phourdell.

Jesaja 41:8

Tou, Israel, hal miro boudepaskro, tou hal o Yakob, koles mange vin rodom, tou veh o Abrahamestar, kay miro maal hi.

Jesaja 42:1

O baro Devel penell: Ake, miro boudepaskro; les hi miro vast. Me rikrau les, oun rodom les mange vin, oun hom barhtelo pral leste. Miro dourho čivom ap leste, te anell lo miro čačepen pash i menshende an i tsele themma.

Jesaja 44:1

Kanna shoun tou, Israel, miro boudepaskro, t'mer mire vi-rodede menshe, kolengro phouro dad o Yakob his.

Jesaja 45:4

Me krom tiro lab bares, ninna te prindjral man gar, oun dom tout gole tiro labeha. Kova krom o Yakobeske, kay mange koy hi, ava, o Israeleske, koles mange vin rodom.

Maleachi 1:2

“Me kamau t'men o djiyestar”, penell o baro Devel. T'mer penenn mange koy pre pale: “Har dikah mer kova, kay tou kameh men?” “Hi gar o Esau oun o Yakob phrala?” penell o baro Devel. “Oun me kamau o Yakobes,

Louka 13:29

Dran hako them venna i menshe pash o Debleste an o bolepen khetne, oun beshenn pen tele, te rhan le.

5. Mose 14:2

T'mer han o baro Debleskre menshe. Yob hi t'maro Devel. T'men rodas lo vin dran i tsele themma ap i phoub, te venn i natsyona, hoy leske hi.

Jakobo 2:5

Shounenn, mire kamle phrala! O Devel rodas kolen vin, kay hi čorvelo ap kay phoub, te venn le bravelo an o patsepen. Ko tsiro vella, kay djivenn le leha khetne an o bolepen oun lenn leskro bravlepen. Kova lenna kolla, kay kamenn les o djiyestar. Yaake penas les o Devel.

Debleskro tsiro 5:9

Oun yon givenn i nevi gili, oun penenn: Tou hal moldo, te less ko liil, oun te kress ko liil pre. Tou val maredo, oun playsral tiro rateha, te giness menshen tiro Debleske. Kolla venna dran hako them, haki natsyona, haki harmenatsyona oun hako rakepen.

1. Samuel 12:22

O baro Debleske his shoukar, te van t'mer leskre menshe. Oun yob das peskro vast koy pre oun moukell t'men gar.