Jesaja 4:3 - O Debleskro Lab 2024 (Sinte-Manouche)

³ Oun kolla, kay djides ačan an Yerusalem, oun pral ačan ap i berga Sion, kolla venn kharedo Debleskre menshe. Lengre laba hi činlo an o liil, kay kolla o djipaske an o foro Yerusalem dren činlo hi.

O Debleskro Drom 2021 (Sinte)

³ Un kolla, kai djides atchan an Jerusalem, un pral atchan ap i berga Zion, kolla wenn kharedo ‘Debleskre menshe’. Lengre laba hi tchinlo an o liil, kai kolla o djipaske an o foro Jerusalem dren tchinlo hi.

Jesaja 4:3 Iomraidhean Croise

Debleskri gili 69:28

Čin haki doosh lendar an i liil; yaake te moukess len tou gar an tiro čačepen te vell.

Debleskri gili 87:6

An o liil, kay i menshe dran hake themma dren činlo venn, činell o baro Devel pal hako lab: Kava hi kate khere.

Jesaja 1:27

T'mer menshe an Sion, te djivenn pale pal o čačepen, oun djan pale ap o Debleskro drom, playsrom t'menge, te venn vin lino dran o pandepen.

Jesaja 28:5

Ap ko dives hi o baro Devel, ko ray pral o bolepen oun i phoub, har i shoukar rayeskri stadi oun shereskro sonakay kolenge, kay pral ačan leskre menshendar.

Jesaja 35:8

Oun kote hi palle i drom, hoy kharell Debleskro drom. Kek, kay pale-čiddo glan o Debleste hi, nay djal ap leste. Kokres o Debleskre menshe djan ap leste. Kek, kay djal ap ko drom, nashrell pes, vitar kek, kay gar boud hayvell.

Jesaja 46:3

T'mer dran o kheer Yakob, t'mer, kay pral ačan dran o kheer Israel, shounenn ap mande, t'mer, kolen rikrom yaake rah har ap i phoub han. Ava, yaake rah har boldo van, hidjrom t'men.

Jesaja 52:1

Ste pre! Ste pre, Sion! Ab pale zoreles! Čip tire kouč rayengre ripya ap toute, Yerusalem, tou Debleskro foro! Čačepah, kek tsiro vell kanna bouder, kay djal yek an toute dren, hoy gar činlo vas ap peskro mass, vitar gar yek, kay glan mande pale-čiddo hi.

Jesaja 6:13

Ninna te ačell o deshto kotar gomme koy, djal lenge har i tikne kashta, kay venn dran i tele-dino rouk. I yag rhačrell len pre. Ko telstouno kotar o roukestar ačell. Oun dran leste vell nevo djipen, hoy hi o Debleske koy.

Jesaja 60:21

Tire menshe hi halauter an o čačepen tardo. Oun kava them hi lenge hako tsireske. Yon hi har i tikne rouka, hoy čivom an i phoub, oun hoy bares van. Mire vastentsa krom len, te sikrap miro raylepen.

Jesaja 62:12

Oun yon venn kharedo Debleskre menshe oun vi-ginle o baro Deblestar. Oun tout denn le gole o foro, hoy o Devel kamell oun o foro, hoy bouder gar mouklo hi.

Ezekiel 13:9

Miro vast vell pral kol rakepangre, kay penenn glan-vi, hoy gar čačo hi, oun kay dourkrenn rhorhepen, te dap len i phagi. An o tsillo, kay mire menshe khetne venn, nay venn yon gar dren. Oun an o liil, kay i laba i menshendar dran Israel dren činlo hi, venn lengre laba gar dren činlo. Oun an o them Israel venn le gar palpale. Palle dikenn oun hayvenn t'mer, te hom me o baro Devel, t'maro ray.

Ezekiel 43:12

Glan halauter hounte vell dre-rikedo, te hi koy tseli platsa pral ap i berga, kay miro kheer tardo hi, kokres mange koy. Ninna halauter, hoy koy trouyel hi, hi mange.

Obadja 1:17

Ap i berga Sion djivenn kolla, kay vin lino van dran o merepen. Oun i berga hi pale o baro Debleske kokres. O Yakobeskre čave lenn o them pale penge, hoy lenge randedo vas.

Zakarie 14:2

Me lau i lourden dran i tsele themma khetne, te kourenn le pen o foreha Yerusalem. Yon lenn o fores dren, čorenn i khera vin, oun taprenn zoryah i djouvyenge an. Kol menshendar an o foro vell i paash pandles krik anlo. Kolla, kay pral ačan, ačenn nay an o foro.

Maleachi 3:16

Koy rakran kolla mank pende, kay djivenn o baro Debleha. Oun o baro Devel das yak ap lengre laba oun shounas, hoy le penenn, oun moukas len an i liil dren te činell, te venn le gar bistedo. An kava liil hi kolla dren tardo, kay djivan leha, oun hadan leskro lab.

Louka 10:20

Avenn gar barhtelo, te shounenn i benga ap t'mende! Avenn barhtelo, kay t'maro lab an o bolepen dren činlo hi!”

Bičepangre 13:48

Har kolla, kay hi kek bibolde, kova shounan, van le barhtelo, oun sharan o Debleskro lab. Oun lauter kolla van patslo, kay o Deblestar vin rodedo van, te lenn yon ko djipen, hoy gar pre-herella.

Remarja 11:4

Hoy penas o Devel leske? Yob penas: Efta zerya morsha ačan mange pral. Kolla čivan pen gar tele ap i čanga glan o Baal.

Remarja 11:5

Yaake djal ninna kanna an kava tsiro. Hi menshe koy, kay o Debleske pral ačan. Kolen rodas o Devel vin dran peskro kamlepen.

Efesarja 1:4

Har o bolepen oun i phoub gar koy his, rodas lo men vin, te djas ap o Yezouseskro drom. Yob rodas men vin, te dell lo men i djoudjo dji, te hatsell lo kek doosh ap mende. Yaake boud kamas lo men,

Filiparja 4:3

Me mangau ninna tout, miro lačo males, ab lenge ap i rig! Har sikrom i menshenge o Yezouseskro drom, boudran le khetne mantsa oun o phraleha, o Klemens, oun kol vavarentsa, kolengre laba hi činlo an o Debleskro liil, kay halauter dren činlo hi, kay lenn o Debleskro djipen.

Kolossarja 3:12

T'mer han kanna o Debleskre menshe, kolen yob peske vin rodas. Yob kamell t'men o djiyestar. Doleske hounte vell t'men i baro dji o vavareske, te vell hakeno lačo ap o vavareste, te krell pes kek bareder har o vavar, te rakrell hakeno lačes o vavareha, te dell kek o vavares sik pre,

Hebrearja 12:14

Krenn lauter, te vell t'men kek čingepen i vavar menshentsa! Čivrenn o tselo čilačepen dran t'mende vin! Kek mensho dikell o Debles, te moukell lo o čilačepen an peste te djivell.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.

Debleskro tsiro 13:8

Lauter, hoy ap i phoub djivenna, sharenn ko firhes, – lauter kolla, kolengre laba gar činlo hi an o djipaskro liil. Kolla, kay lengre laba dren činlo hi an kava liil, hi yaake rah dren činlo, har i phoub koy hi. Kava liil hi o terno bakres, hoy maredo vas.

Debleskro tsiro 17:8

Ko firho his djido, oun djivell kanna bouder gar, oun vell dran o telstunepen pale pre. Oun palle djal lo hako tsireske nashedo. I tsele menshe krenn bare yaka, te dikenn le, te vell ko firho pale, hoy djido his, oun kanna bouder gar djivella. Yon hi kolla, kolengre laba gar dren činlo van an o djipaskro liil, har i phoub gomme gar koy his.

Debleskro tsiro 21:27

Oun či vell kote dren, hoy an o Debleskre yaka pale-čiddo hi, vitar kek mensho, kay djoungelo koova krella oun rhorhella. Kolla venna an ko foro dren, kolengre laba an o terno bakreskro liil dren činlo hi. Kote hi kolla dren činlo, kay lenna o djipen, hoy gar pre-herella.

Debleskro tsiro 3:5

Kova, kay zoreles an o patsepen ačas, oun gar pre das, kova lella parne ripya. Oun leskro lab lau me gar vin dran o liil, kay i djide dren činlo hi. Ninna penau glan miro dadeste oun glan leskre bolepangre, kay yob hi miro.