Jesaja 4:1 - O Debleskro Lab 2024 (Sinte-Manouche)

¹ Ap ko tsiro taprenn efta djouvya yek morshes oun penenn: Mer kamah kokres maro rhapen oun mare ripya te ginell. Romedine men, te vell i ladj mendar krik lino!

O Debleskro Drom 2021 (Sinte)

¹ Ap ko tsiro taprenn efta djuwja jek murshes un penenn: Mer kamah kokres maro chapen un mare ripja te ginell. Romedine men, te well i ladj mendar krik lino!

Jesaja 4:1 Iomraidhean Croise

1. Mose 30:23

Yoy vas an vavar koova oun anas i čaves ap i phoub oun penas: “O Devel las miri ladj mandar krik.”

2. Samuel 6:23

Oun i Mikal, o Sauleskri čay, kolat his kek ternepen an peskro tselo djipen.

Jesaja 10:20

I tsiro vella, kay ačan bouder gar boud menshe pral an Israel. Kolla, kay hi gomme djido o Yakobeskre čavendar, rikrenn pen palle bouder gar ap kolende, hoy len dava dan. Na-a, kolla rikrenn pen palle ap o baro Debleste, kay o Israeleskro Devel hi, oun moukenn lestar gar bouder tele.

Jesaja 13:12

Me krau, te ačenn gar boud menshe djido. Tou hounte rodess boudeder, te hatsess yek menshes, har te rodeh pal lačo sonakay. Ava, hi phareder te hatsess menshen har te hatsess o sonakay dran Ofir.

Jesaja 17:7

Ap ko dives dikenn i menshe ap koleste, kay len kras. Kova hi o Israeleskro Devel.

Jesaja 2:11

Hakeno, kay dikell tele ap o vavareste, hounte dikell tele glan peste i ladjatar. Oun i pre-phourde menshe venn phagedo. Ap ko dives hi kokres o baro Devel baro.

Jesaja 2:17

Palle vell lenge kova krik lino, koleha i menshe phourdan pen pre. Oun lengro sharepen ačell gar. Ap ko dives hi kokres o baro Devel o Devel pral halauter.

Jesaja 3:6

Palle taprell yek peskro phrales an peskro dadeskro kheer oun penell ap leste: “Tout hi i baya ap toute, tou vess maro pralstouno an kava pharo tsiro.”

Jesaja 54:4

Ma dare! Tou veh gar vi-ladjedo koy tardo! Moukau kekes, te sal lo pral toute. Doleske ma ladj tout! Tou bistreh koy ladj, hoy ap toute his, har terno hals. Oun ko tsiro, har tiro rom meras, vell touke bouder gar an o shero.

Jeremia 15:8

Koy hi boudeder djouvya, kolengre romma meran, har barra pash o baro pani. I daya shounan, kay meran lengre čave mashkral o dives. Koy vas i bari traash oun daar pral lende.

Louka 1:25

“O Devel dikas lačes ap mande oun kras, te vell man i ternepen ap ko tsiro, har yob kamas, oun las miri ladj mandar krik.”

Louka 21:22

An kol divessa vell o Debleskri rholi ap i menshende tele. Palle vell lauter čačo, hoy an o Debleskro lab činlo hi.

2. Tessalonikarja 3:12

Kolenge penah mer an o lab maro rayestar, o Yezous Kristestar, te boudrenn le, te nay ginenn le penge, hoy len hounte vell djipaske.

1. Samuel 1:6

Oun i Peninna, koy vavar romni, rodas, har te doukrell li lat, oun kras lat i labentsa tele, doleske, kay nashte lell li kek čave.