Jesaja 39:2 - O Debleskro Lab 2024 (Sinte-Manouche)

² Oun o Hiskiya his barhtelo pral i bičepangre, oun sikras lende peskro tselo bravlepen, roup, sonakay, soungepaskro koova, lačo djet, oun ko kheer, kay kol tsele kourepaskre koola dren hi, oun leskro tselo kouč koova. Či his an leskro kheer oun an leskro them, hoy lo lenge gar sikras.

O Debleskro Drom 2021 (Sinte)

² Un o Hiskija his bachtelo pral i bitchepangre, un sikras lende peskro tselo brawlepen, rup, sonakai, sungepaskro koowa, latcho djet, un ko kheer, kai kol tsele kurepaskre koola dren hi, un leskro tselo kutch koowa. Tchi his an leskro kheer un an leskro them, hoi lo lenge gar sikras.

Jesaja 39:2 Iomraidhean Croise

1. Rajengro liil 10:10

Oun yoy das o baro rayes Salomo 120 (sheel-te-biish) centnarya sonakay, oun boud lačo soungepaskro djet oun boud kouč barra. An kek tsiro bouder vas yaake boud lačo soungepaskro djet an o them, har kova, hoy i rayetsa dran Saba o rayeske Salomo anas.

1. Rajengro liil 10:15

Koy pashel vas kol love, hoy hounte playsran leske i bikepangre oun i parepangre, kay djan dren oun vin an o them, oun kol love, hoy dan leste i tsele bare raya dran o them Arabia oun vavar themeskre raya.

1. Rajengro liil 10:2

Oun yoy vas an o foro Yerusalem. Oun boud lakre boudepangre van lah. Lakre khamele hidjran lačo soungepaskro djet oun boud sonakay oun kouč barra. Oun har yoy pash o Salomo vas, poučas li lestar halauter, hoy lat ap o dji his.

1. Rajengro liil 10:25

Oun hakeno, kay vas, anas kouč koova pash leste, roupeno oun sonakaskro koova, ripya oun karmangre, soungepaskro djet, graya oun maultikre bourike. Kova his hako bersh yaake.

2. Rajengro liil 20:13

Oun o Hiskiya las len kamles pre, oun sikras lende peskro tselo bravlepen, roup, sonakay, soungepaskro koova, lačo djet, oun ko kheer, kay kol tsele kourepaskre koola dren hi, oun leskro tselo kouč koova. Či his an leskro kheer oun an leskro them, hoy lo lenge gar sikras.

2. Familjakro liil 32:25

Har o Hiskiya sasto vas, vas lo pre-phourdo oun das o baro Debleste ko lačepen gar pale, hoy kova ap leste kras. Doleske vas o baro Devel rhoyedo pral leste oun pral o them Youda oun pral o foro Yerusalem.

2. Familjakro liil 32:27

O Hiskiya his lačes an-diklo, oun les vas boud oun boudeder bravlepen. Oun yob kras peske khera, kay vas pre-hadedo leskro roup, sonakay, kouč barra, soungepaskro djet, shilte, oun vavar kouč koova.

2. Familjakro liil 32:31

An ko tsiro, kay bičran i pralstoune dran o them Babilonia bičepangren pash o Hiskiya, te poučenn le lestar, hoy an o them djas, har o Devel savo baro koova kras, hoy kek vavar nay krella, kote moukas les o Devel kokres, te dikell lo, hoy an leskro dji hi, oun hoy krals lo.

2. Familjakro liil 9:1

Oun koy rayetsa pral o them Saba shounas, har an-diklo o Salomo vas, oun vas pash leste an o foro Yerusalem, te poučell li lestar savo koova, hoy kek vavar djinell. Oun boud lakre boudepangre van lah. Lakre khamele hidjran lačo soungepaskro djet oun boud sonakay oun kouč barra. Oun har yoy pash o Salomo vas, poučas li lestar halauter, hoy lat ap o dji his.

2. Familjakro liil 9:9

Oun yoy das o baro rayes Salomo 120 (sheel-te-biish) centnarya sonakay, oun boud lačo soungepaskro djet oun boud kouč barra. An kek tsiro das yaake kouč soungepaskro djet har kova, hoy i rayetsa dran Saba o rayeske Salomo anas.

Hiob 31:25

Me stom gar i barhtyatar, te vas miro bravlepen baro, oun mange yaake boud khetne lom.

Gosewe laba 4:23

De yak ap kova, hoy patseh dour an tiro dji! Kolestar vell o djipen.

Sikepaskro 7:20

Kek mensho hi yaake an o čačepen tardo, te krell lo kokres lačo koova oun anell kek doosh ap peste.

Jeremia 17:9

Koon nay prindjrell o mensheskro dji? Či hi yaake čilačo oun rhorheno har o mensheskro dji.

2. Korintarja 12:7

O Devel kamella, te vap gar pre-phourdo pral ko baro bolepaskro koova, hoy moukas lo man te dikell. Doleske moukas o Devel čomone ap mande te vell, hoy doukrell man har i soubyengro kasht an miro mass. Kova hi har te dals man i bengeskro kourepaskro dava, te vap gar pre-phourdo.

1. Johanni 1:8

Mer te penah: “Men hi kek doosh an maro djipen”, yaake rhorhah men kokres, oun mer ham gar an o čačepen tardo.