Jesaja 34:3 - O Debleskro Lab 2024 (Sinte-Manouche)

³ Oun kolla, kay temerl dino van, ačenn čiddo oun venn gar paskedo. Oun o khand lendar djal pre, oun ko rat lendar nashell i berge tele har pani.

O Debleskro Drom 2021 (Sinte)

³ Un kolla, kai temerl dino wan, atchenn tchiddo un wenn gar paskedo. Un o khand lendar djal pre, un ko rat lendar nashell i berge tele har pani.

Jesaja 34:3 Iomraidhean Croise

Jesaja 10:4

Te han gar mank kolende, kay moulo dino van, ačell t'menge či pral, har te čivenn t'men glan tele kolentsa, kay pandle van. Oun pral kova lauter moukell o Debleskri rholi t'mendar gar tele, oun leskro vast ačell pre hadedo, te dell lo t'men i phagi.

Jesaja 34:7

Ninna divye gourma merenn lentsa, terne gourma khetne kol zorele phourentsa. Oun lengro them vell pherdo rat, oun thulepen čakrell lengri phoub.

Jesaja 66:24

Oun yon djan vin, te dikenn le penge kol moule menshen an, kay mantsa phagan. Kolengro kirmo merell gar, oun lengri yag djal gar vin. Oun yon hi čadepaske halauterenge, kay dikenn le.

Jeremia 22:19

Yob vell gar paskedo, yob vell krik tserdedo har i mouli bourika, oun vin vitsedo glan i voudya o forestar Yerusalem.

Jeremia 25:33

Ap ko dives marell o baro Devel menshen ap i tseli phoub yek rigyatar ap i vavar. Oun i moule menshe hi koy čiddo, oun kek rovell pral lende, hadell len pre oun paskrell len. Yon ačenn čiddo har foul ap i phoub.

Ezekiel 14:19

Te bičroms i pharo nasslepen an ko them, oun moukoms an miri tati rholi menshen oun firhen te merell,

Ezekiel 32:4

Oun me vitsrau tout ap i phoub, oun moukau tout kote čiddo ap o them. Oun krau, te beshenn pen i tsele čirkle ap toute tele. Oun i tsele divye firhen krau čalo tiro masseha.

Ezekiel 35:6

Doleske dau man sovel pash miro djipen, me o baro Devel, t'maro ray: Tou lal rateskri doosh ap toute, doleske vess tou ninna maredo. Me moukau tout te marell, oun tou nay nasheh touke gar.

Ezekiel 38:22

Oun me dau les peskri phagi: I pharo nasslepen oun marepen vell ap leste. Oun zorelo brishin, brishineskre barra, oun yag oun shvefla moukau ap lende tele te vell, ap leste oun ap leskre lourdende, oun ap kol boud lourdende dran vavar themma, kay leha djan.

Ezekiel 39:11

An ko dives dau i platsa an o them Israel, kay vell o Gog paskedo. Koya hi koy tala, hoy kharell Abarim, oun hi pash o baro pani ap koy rig, kay o kham pre djala. Kote vell yob peskre boud lourdentsa paskedo. Doleske nay djan kolla, kay ap i raysa hi, bouder gar vergel. Koy tala vell kharedo Tala Hamon Gog.

Ezekiel 39:4

Ap i berge Israel veh tou moulo dino, tou oun tire tsele lourde, ninna kol lourde dran vavar themma, kay touha van. Oun me dau t'men i divye firhenge oun hake čirklenge, kay mass rhan, te rhal.

Joel 2:20

Oun me tradau kol boud lourden krik t'mendar, kay venn koy rigyatar, kay norden hi. Kolla lendar, kay djan glanstounes, tradau an o Moulo Baro Pani, oun kolla, kay venn palstounes, tradau an o Mashkralstouno Baro Pani; oun i tsele vavar lourden tradau an i divyo tato them. Kote merenn le. Oun lengri khand djal pre. Yaake lenn le pengri phagi ko boud čilačepaske, hoy le kran.

Amos 4:10

Me bičrom savo pharo nasslepen ap t'mende, har bičrom ap o them Egiptia. Me marom t'mare terne morshen an o kourepen, oun moukom t'mare grayen pandles krik te anell. O khand kol moule lourdendar ap lengri platsa moukom an t'mare naka te djal. Ninna palle van t'mer gar pale pash mande, penell o baro Devel.

Debleskro tsiro 14:20

Vin glan o foro van kol drake an koy bari piri stakedo. Oun o rat nashas koy vin, yaake boud, te djas o rat o grayenge pash lengre mouya, oun nashas triin-sheel (300) kilometarya dour.