Jesaja 33:2 - O Debleskro Lab 2024 (Sinte-Manouche)

² Baro Devel, ab lačes menge! Ap toute dikah. De men zoor hako dives! An ko pharo tsiro le men vin dran i bibarht!

O Debleskro Drom 2021 (Sinte)

² Baro Dewel, ab latches menge! Ap tute dikah. De men soor hako diwes! An ko pharo tsiro le men win dran i bibacht!

Jesaja 33:2 Iomraidhean Croise

Debleskri gili 123:2

Yaake har i boudepaskro ap o vast peskro rayestar dikella, oun i boudepaskretsa ap i vasta peskri ranyatar dikella, yaake dikah mer ap maro baro Debleste, bis te krell lo menge peskro dji pre.

Debleskri gili 143:8

Ap i tsalla mouk man tiro lačepen te shounell. Me dikau ap toute. Sike man havo drom me hounte djap. Miro dji nashell pal toute.

Debleskri gili 25:3

Kek, kay pes ap toute rikrell, hounte ladjell pes. Kolla, kay phoukrenn ap toute čičeske, hounte ladjenn pen.

Debleskri gili 27:1

I gili o Davidestar. O baro Devel hi mange i momeli, oun yob hi kova, hoy man vin lella dran i vasta čilače menshendar. Kekestar hounte darap man. O baro Devel rikrell man an o djipen. Kekestar hounte trashap me.

Debleskri gili 33:22

Dik, har mer dikah ap toute, baro Devel, yaake mouk tiro lačepen pral mende te vell!

Debleskri gili 37:39

O baro Devel vell ap i rig kolendar, kay ap leste rikrenna. An i pharo tsiro dell lo len zoor.

Debleskri gili 46:1

I gili yekestar, kay hi dran i familya Korah. Kay gili hi o rayeske pral i gipangre, te givell lo lat har koy gili terne ča.

Debleskri gili 46:5

Lačo djoudjo pani nashella an o Debleskro foro, kay o Devel pral halauter djivell oun leskro kheer hi, Ko pani krell ko fores barhtelo.

Debleskri gili 50:15

Oun de gole ap mande ap ko dives, kay hal an i bibarht! Palle lau tout vin, oun tou sharess man.”

Debleskri gili 60:11

Koon anell man an ko zorelo foro? Koon anell man an o them Edom?

Debleskri gili 62:1

I gili o rayeske pral i gipangre, o Yedoutoun. Kay gili kras o David.

Debleskri gili 62:5

T'menge djal an o shero trouyel, har nay krenn te perap khetne. O rhorhepen hi t'menge shoukar. T'mare mouyentsa rakrenn t'mer i barht vin pral yekeste, oun an t'mare djia rakrenn i bibarht pral leste.

Debleskri gili 62:8

Miro Deblestar vell, te vap vin lino dran o čilačepen, oun te vap an-diklo. Lestar vell miri zoor, pash miro Debleste khatrau man.

Debleskri gili 90:15

I rah tsiro hams tele rikedo. De men kanna yaake boud barhtele bersha, har hams an i bibarht.

Debleskri gili 91:15

Yob dell ap mande gole. Doleske shounau me ap leste, oun hom pash leste, te djal leske gar mishto. Me lau les vin dran i bibarht oun krau les bares.

2. Mose 14:27

Kote hadas o Mose peskro vast pral o baro pani. Oun har o kham pre djas, vas o pani pale oun peras ap kol Egiptarya, kay ap o naashepen his. Yaake tradas len o baro Devel mashkral an o baro pani.

Jesaja 17:10

Israel, tou bistral tiro Debles, kova, kay tout vin las dran i čilače vasta. Tou bistral koles, kay his touke har i baro zorelo bar, pal koleste nay khatral tout. Oun kral touke pre-čidde barra, kay mangeh vavar deblen an. Ninna te čival kote shoukar drakengre rouka an i phoub,

Jesaja 25:4

Čačepah, tou val o čorveleske har i zorelo kheer, kay yob pes nay khatrell. Te krenn le leske o djipen phares, nay vell lo pash toute. Tou hal har i kheer, kay nay khatrell yek pes, te dell baro brishin, oun te rhačell o kham tele. Kol pralstoune, kay zoryah ap mende djan, hi har i baro phourdepen, hoy phourdell an o vend,

Jesaja 25:9

Ap ko dives penell hakeno: Dik, kova hi maro Devel! Ap koleste rikram men, te vell lo ap mari rig. Yob hi maro baro Devel, ap koleste men rikram! Givas i barhtyatar: Yob las men vin dran o merepen.

Jesaja 26:16

Baro Devel, an o pharo tsiro rodan tire menshe tout. Har dal len i phagi, dan le darenes ap toute gole.

Jesaja 26:8

Baro Devel, mer dikah ap toute, te peness tou o čačepen vin. Lauter an mende rodell tout, oun kamell, te vell tiro lab sharedo.

Jesaja 37:3

Oun yon hounte penan leske: “Kava penell o Hiskiya: Kava dives hi i dives pherdi traash, phagi oun ladj. Hi yaake har penlo vell: O ternepen kamell ap kay phoub te vell, oun i dat hi kek zoor, te anell li les vin.

Jesaja 40:10

Dikenn, o baro Devel, maro ray, vell bari zoryah. Oun yob hi o ray pral halauter. Kolen, kay yob vin las dran o pandepen, hi pash leste. Ava, kolen, kay yob peske ginas, djan leske glan vin.

Jesaja 51:5

O tsiro, kay miro čačepen vell, hi gar dour. Oun ko dives vell sik, kay lau t'men vin dran o čilačepen. Oun me vau o čačepaskro ray pral i vavar themma. I menshe, kay djivenn pash o baro pani, dikenn ap mande, te lap o kourepen krik.

Jesaja 59:16

Oun bare yakentsa dikell lo, te hi kek morsh koy, kay koy djal, te vell lo kolenge ap i rig, kay tele rikedo hi. Kote vas lo kokres peskri zoryah, oun peskro čačepen vas leske pash o vast.

Jesaja 8:17

Me kamau ap o baro Debleste te dikell. Miro dji djal leske palla, ninna te khatras lo peskre yaka o Yakobeskre menshendar.

Jeremia 14:8

Ap toute dikenn i Israelitarya, te vess ap lengri rig, oun leh len vin dran kay bibarht. Hoske kreh tou, har te vals i vi-themari an maro them, oun har yek, kay ačell yek rati oun djal palle doureder?

Ropaskre gilja 3:23

Haki tsalla hi menge leskro kamlepen oun lačepen neves koy. Kova hi yaake čačo, har o kham pre djal!

Hosea 14:2

Tou Israel, dja pale pash o baro Debleste, ko tiro Devel hi! Koy doosh, hoy ap toute anal, moukas tout an i bibarht te perell.