Jesaja 30:9 - O Debleskro Lab 2024 (Sinte-Manouche)

⁹ Kal menshe peran mandar tele. Har čave hi le, kay rakrenn rhorhepen, oun kamenn gar mire laba te shounell.

O Debleskro Drom 2021 (Sinte)

⁹ Kal menshe peran mandar tele. Har tchawe hi le, kai rakrenn chochepen, un kamenn gar mire laba te shunell.

Jesaja 30:9 Iomraidhean Croise

2. Familjakro liil 33:10

Ninna te das o baro Devel o Manasse trad oun i menshen an leskro them, dan yon gar garda koy pre.

Debleskri gili 78:8

yaake te venn le gar har pengre phoure, kay o Debleskro dromestar tele peran, oun kaman gar te shounell. Kolengre djia his gar zorelo, oun yon his gar pengro tselo djiyeha pash o Debleste.

Debleskri gili 81:12

Mire menshe shounan gar ap mande. O Israel kamas man gar.

Gosewe laba 28:9

Kova, kay kamell či o Debleskro dromestar te djinell, oun palle mangell lo čomone o baro Deblestar, koleskro mangepen hi djoungelo glan o Debleskre yaka.

Jesaja 1:10

T'mer raya dran Sodom, shounenn o lab o baro Deblestar! T'mer menshe dran Gomorra, shounenn, hoy kamell maro Devel t'menge te penell!

Jesaja 1:2

Tou, o bolepen, oun tou, i phoub, shounenn, hoy me, o baro Devel, penau: Me tserdom čaven bares. Oun har yon baro van, phagan le mantsa.

Jesaja 1:4

T'menge djal djoungelo, t'mer čilače menshe, kay anan yaake boud doosh ap t'mende! T'mer han bede, čave, kay molenn či! T'mer moukan o baro Debles, kamenn či bouder te djinell o Israeleskro Deblestar, kay kokres o Devel hi, oun sikran leske t'maro doumo.

Jesaja 10:5

Havi bibarht vell ap i menshende an o them Assour! Har homs rhoyedo ap o Israel, his i Assirya har i kasht an miro vast, koleha i Israelitaryen dom.

Jesaja 10:6

Me bičrom len pash kol menshende, kay kamenn mandar či te djinell, oun ap kolende rhoyedo hom, te djan le ap lende pre, oun randenn len vin oun čorenn len vin, oun stakrenn len khetne har i čik ap o drom.

Jesaja 24:5

I menshe ap i phoub moukan o Debleskro drom, oun rikran pen gar ap leskre laba, oun djivan gar yaake, har lo lentsa vin kras, oun hoy hako tsireske čačo hi. Yaake kran le i phoub pale-čiddo.

Jesaja 28:15

T'mer penan: “Mer kram vin o merepah oun o moulengro themeha, te vas menge či. Ninna te venn i lourde dran vavar themma har i baro zorelo pani pral mende, venn le gar zorleder har mer.” T'mer patsenn, te nay khatrenn t'men pal t'mare rhorhene laba oun pal ko rhorhepen, hoy kran.

Jesaja 30:1

O baro Devel penell: Djungeles djal mire čavenge, kay mandar tele peran, oun kay penge kova glan lan, te krenn le hoy gar mandar vin djas. Yon čivenn pen vavarentsa khetne, har me kova gar kamau. Oun yaake anenn pale te pale le doosh ap pende.

Jesaja 48:4

Me djinau, te hi t'men barrengre djia, oun t'mare menya hi zorelo har dran saster, oun t'mare sherya har dran lolo saster.

Jesaja 5:24

Doleske merenn le tele har o zenlepen, koleskre draba nasselo hi, oun koleskri blouma tele perell, oun har o khass, pral koleste i yag djal oun les pre rhačrell. Yon kaman gar te djal o drom o baro Deblestar, kay hi o ray pral o bolepen oun i phoub. Oun i labendar lengro lačo Deblestar kaman le či te djinell.

Jesaja 63:8

Yob penas: Čačepah, mire menshe hi le, menshe kek rhorhepah. Doleske vas lo, te lell lo len vin

Jesaja 65:2

Me rikrom o tselo dives mire vasta vin kol menshenge, kay kaman gar ap mande te shounell, oun djan i drom, hoy gar mishto hi, oun djivenn pal pengro shero.

Jeremia 35:14

Kol laba, hoy penas o Yonadab, koleskro dad o Rekab his, peskre menshenge, kay pal leste venna, rikrenn yon dren bis ap kava dives, oun piyenn kek mool, yaake har lengro dad lenge penas. Me moukom t'menge pale te pale mire laba te penell, oun t'mer shounenn gar, hoy me penau.

Jeremia 7:13

T'mer kran ninna lauter savo koova, penell o baro Devel. Oun me rakrom pale te pale t'mentsa, oun t'mer kaman gar te shounell. Oun me dom t'men gole, oun t'mer penan koy pre či.

Jeremia 7:28

Doleske pen ap lende: t'mer han kal menshe, kay shounan gar ap lengro baro Debleste. Oun t'mer moukenn t'men či te penell. O čačepen hi moulo. Kek rakrell bouder pral o čačepen.

Jeremia 9:3

Hakeno mou dell pes garda peskro malestar, oun ninna peskro phralestar! Yek phraal dell kol vavar phrales pral i kanda. Oun i maal rakrell djoungeles pral o vavareste.

Ezekiel 24:3

Pen mire menshenge, kay moukenn pen či mandar te penell, save laba, hoy sikrenn lenge, har kova lenge vella! Pen lenge: Kava penell o baro Devel, maro ray: Čip i piri pral i yag, oun čip ninna pani dren!

Hosea 4:2

Kova, hoy pash t'mende hatslo vell hi koshepen, rhorhepen, čorepen, menshe venn moulo dino, oun boud morsha rhorhenn pengre romyen, oun boud djouvya pengre romen. Oun yon marenn yekes pal o vavares.

Zefanja 3:2

Te dell yek kol menshen kote trad, shounenn le gar, oun moukenn penge či te penell. Ap o baro Debleste rikran le pen gar, pengro Deblestar kamenn le či te djinell.

Bičepangre 7:51

Oun o Stefano penas doureder ap lende: “T'mer kamenn či te hayvell. T'maro dji hi har bar. T'mare kandentsa shounenn či, oun kamenn gar ap o Debleskro Dourho te shounell. Yaake kran t'mare phoure. Yaake krenn ninna t'mer.

5. Mose 32:20

Oun yob penas peske: Me rikrau man pale lendar, kamau te dikell, har lentsa doureder djal, kolentsa, kay pal pengro shero djan, oun či bouder mandar kamenn te djinell.

Debleskro tsiro 21:8

Kol vavar djan an i bari yag, hoy zoreles rhačella oun khandella. Kote merenn le o douyto kopo. Yon hi kolla, kay i daryatar gar mantsa djan, kolla, kay phoukran ap pengro patsepen, kolla, kay djoungelo koova kran, kolla, kay maran vavaren, kolla, kay loubran pen trouyel, kolla, kay bengeskro koova kran, kolla, kay mangan vavar koova an har o Debles, oun i tsele rhorhene.

Debleskro tsiro 22:15

Vin hi kolla, kay moukan o Debleskro drom, kolla, kay kran bengeskro koova, kolla, kay loubran trouyel, kolla, kay maran vavaren, kolla, kay mangan vavar koova an har o Debles, oun hakeno, kay kamell oun krell o rhorhepen.