Jesaja 30:4 - O Debleskro Lab 2024 (Sinte-Manouche)

⁴ T'mare pralstoune djan an o foro Soan, oun t'mare bičepangre van an o foro Hanes.

O Debleskro Drom 2021 (Sinte)

⁴ Tumare pralstune djan an o foro Zoan, un tumare bitchepangre wan an o foro Hanes.

Jesaja 30:4 Iomraidhean Croise

2. Rajengro liil 17:4

Pal i tsiro bičras o Hoshea bičepangre pash o baro rayeste pral o them Egiptia, – leskro lab his So – te krell lo pes koleha khetne. Oun o Hoshea bičras bouder kek roup oun sonakay o baro rayeste pral o them Assour. Har kova kava koova shounas, moukas lo les te taprell oun vitsras les an o stilepen.

Debleskri gili 78:12

Glan lengre phourende kras yob baro zorelo koova an o them Egiptia, pash o foro Soan.

Jesaja 19:11

I pralstoune dran o foro Soan hi dinele, i goseve rakepangre o baro rayestar Farao penan leske narvelo koova. Har nay penenn le leske: Mer ham i čave goseve morshendar, mare phoure his bare raya an o phouro tsiro?

Jesaja 57:9

Tou djal lačo djeteha pash o debleste Molok, oun ap toute čival boud kouč djet, hoy mishto soungella. Tou bičral morshen an dour themma, bis an o moulengro them, te anenn le touke vavar deblen.

Jeremia 43:7

Oun yon djan an o them Egiptia. Oun yaake shounan le gar ap kova, hoy o baro Devel lenge penas. Oun yon van an o foro Tapanes.

Jeremia 49:14

O baro Devel bičras peskro bičepaskres pash i menshende an vavar themma. Oun me shounom, har yob penas: Avenn khetne! Mer djas an o kourepen, oun kouras men i menshentsa an o them Edom!

Ezekiel 30:14

Oun me krau, te vell ko kotar them, hoy kharell Patros, i moulo them. An o foro Soan čivau yag, te rhačrell lo tele. Oun i menshenge an o foro Theben dau lengri phagi.

Ezekiel 30:18

An o foro Tapanes vell ko dives kalo, kay phagau kote koy zoor, hoy o themes Egiptia pral vavar themma hi. Leskre boud zorele lourde, ap kolende i Egiptarya yaake barhtelo oun pre-phourdo his, venn krik lino. Kale volke čakrenn o foro. Oun i menshe dran i gaba trouyel venn an o pandepen anlo.

Hosea 7:16

Yon rissrenn pash i debleste, koles kek zoor hi. Yon hi har i bango bogo, koleha kek faylo kote djal, kay te djal lo. Lengre pralstoune hi bare mouyengre. Doleske venn le maredo o rhareha. Palle san i Egiptarya pral lende.

Obadja 1:1

Kova hi, hoy o Obadya dikas. Kava penell o baro Devel, maro ray, pral o them Edom: O baro Devel bičras peskro bičepaskres pash i menshende an vavar themma. Oun mer shounam, har yob penas: Stenn pre! Mer djas an o kourepen oun kouras men i menshentsa an o them Edom!

4. Mose 13:22

Oun yon djan an o them Negev, oun van bis pash o foro Hebron. Kote djivas o Ahiman oun o Sheshay oun o Talmay, kolengro dad o Anak his. O foro Hebron vas nevo kerdo efta bersha glan o foro Soan an o them Egiptia.