Jesaja 30:3 - O Debleskro Lab 2024 (Sinte-Manouche)

³ Kova djal t'menge gar mishto. O Farao nay rikrell gar peskre vasta pral t'mende. O them Egiptia nay vell gar t'maro khatepen. T'mer hounte djan khere i ladjah.

O Debleskro Drom 2021 (Sinte)

³ Kowa djal tumenge gar mishto. O Farao nai rikrell gar peskre wasta pral tumende. O them Egiptia nai well gar tumaro khatepen. Tumer hunte djan khere i ladjah.

Jesaja 30:3 Iomraidhean Croise

2. Rajengro liil 18:21

Patseh, te vell o them Egiptia touke ap i rig? Kova vals, har te lals tou i shilftikro khass an o vast, te rikress tout zoreles ap leste. Ko shilftikro khass phagals oun dals tout an o vast čourye. Yaake hi o Farao, ko ray pral o them Egiptia lauterenge, kay leske patsenna.

Debleskri gili 108:12

Koon nay krell kova, har tou kokres, mo Devel, kay moukal men? Djah tou gar vin mare lourdentsa an o kourepen?

Gosewe laba 25:19

Te hi tout i kalo dives oun dikeh ap i maleste, te vell lo ap tiri rig, oun yob hi kek morsh o labestar, palle hi kova, har te dandals ap i tele phagedo dand, oun har te nashals ap yek heri.

Jesaja 20:5

Palle lenn kolla bari daar oun traash, kay patsan, te venn i lourde dran Etiopia lenge ap i rig, oun kay sharan pen, te denn i Egiptarya yak ap lende.

Jesaja 20:6

Palle penenn kolla, kay pash o baro pani djivenn: Hi kolla kal menshe, pash kolende nasham, te lenn le men vin dran i vasta o baro rayestar pral Assour? Koon nay lell men kanna gomme koy vin?

Jesaja 36:6

Patseh, te vell o them Egiptia touke ap i rig? Kova vals, har te lals tou i shilftikro khass an o vast, te rikress tout zoreles ap leste. Ko shilftikro khass phagals oun dals tout an o vast čourye. Yaake hi o Farao, ko ray pral o them Egiptia, lauterenge, kay leske patsenna.

Jeremia 2:36

Har sik djal tou kay te koy, te rodess touke menshen, kay krenn pen touha khetne? O them Egiptia nay vell tout gar feteder ap i rig har o them Assour.

Jeremia 42:18

Doleske penell o baro Devel, ko ray pral o bolepen oun i phoub, kay o Israeleskro Devel hi: Te djan t'mer an o them Egiptia, vell miri zoreli rholi yaake pral t'mende har vas li pral i menshende an o foro Yerusalem. An o them Egiptia han har praasede menshe. Pral kolende denn le i vasta khetne pral o shero. Yon san pral t'mende. Oun te kamenn le yekes te praasell, penenn le: Mou djal touke har i Israelenge an o them Egiptia! Oun kava them, kay kanna han, dikenn t'mer bouder gar.

Jeremia 42:22

Doleske shounenn oun djinenn: Mank t'mende hi save, kay venn maredo o rhareha, vavar merenn i bokatar oun o djoungelo nasslepah kote, kay djan koy, te djivenn kote.

Jeremia 46:25

O baro Devel, ko ray pral o bolepen oun i phoub, kay o Israeleskro Devel hi, yob penell: Me anau i phagi ap ko debleste Amon an o foro No, ninna ap o baro rayeste pral o them Egiptia, oun ap o tselo them Egiptia peskre deblentsa oun rayentsa. Ava, o Farao oun halauter, kay patsenn, te vell lo lenge ap i rig, kolla lenn pengri phagi.

Ezekiel 29:7

Te tapran le pengre vastentsa ap toute, phagal oun dal lenge an i rig čourye. Oun te rikran le pen ap toute, phagal, oun yon doukran pengro doumo.

Hosea 10:6

Ava, ko terno gouroum vell an o them Assour anlo, oun kote vell lo o baro rayeste, o Yareb, dino. Havi ladj o Efrayimeske! Havi ladj vell ap i Israelitarya, kay patsan, te hi le yaake gosevo!

Remarja 10:11

An o Debleskro lab hi činlo: Kova, kay ap leste patsella, kova hounte ladjell pes gar glan mande.

Remarja 5:5

Oun kava patsepen moukell yekes gar nashedo te djal. O Devel kamell men o tselo djiyeha. Kova sikras men o Debleskro Dourho, hoy o Devel an mende das.