Jesaja 3:9 - O Debleskro Lab 2024 (Sinte-Manouche)

⁹ O čilačepen dikell dran lende vin. Oun yon anenn doosh ap pende oun kolah sharenn le pen ninna gomme, yaake har kol menshe an o foro Sodom ninna kran. I bibarht vell ap lende, koya anenn yon kokres pengro djoungelo djipah pral pende!

O Debleskro Drom 2021 (Sinte)

⁹ O tchilatchepen dikell dran lende win. Un jon anenn doosh ap pende un kolah sharenn le pen ninna gomme, jaake har kol menshe an o foro Sodom ninna kran. I bibacht well ap lende, koja anenn jon kokres pengro djungelo djipah pral pende!

Jesaja 3:9 Iomraidhean Croise

1. Mose 13:13

Kol menshe an Sodom his čilačo oun djivan an baro čilačepen glan o baro Debleste.

1. Mose 19:34

Oun o vavar dives, koy penas i phoureder čay ap o terneder čate: “Shoun, me čivom man taysar rati pash miro dadeste. Kay rati dah les pale mool te piyell. Koy čiveh tout tou pash leste, te vell men čave maro dadestar, te meras gar vin.”

1. Mose 4:5

Ap o Kayn dikas yob gar lačes, vitar gar ap kova, hoy yob rhačras o Debleske. Koy las o Kayn i bari rholi oun dikas rhoyedo tele ap i phoub.

2. Rajengro liil 9:30

Har o Yehou an o foro Yesreel vas, oun i Isebel kova shounas, kras yoy peskre yaka shoukar oun peskre balla ap o shero rayles, oun dikas dran i vorhni vin.

Debleskri gili 10:4

O čilačo rikrell o nak pral oun penell peske: O Devel poučell gar palla. Lauter, hoy leske an o shero trouyel djala, hi: Dell kek Devel.

Gosewe laba 15:32

Koon gar shounell, te vell lo trad dino, činell pes an peskro mass. Koon moukell pes čomone te penell, kova vell gosveder.

Gosewe laba 30:13

Hi menshe koy, kay patsenn pendar, har lačo yon hi, oun dikenn tele ap hako vavareste.

Gosewe laba 8:36

Kova, kay gar pash mande vell, krell peskro djipen paash. Hakeno, kay kamell či mandar te djinell, hi ap o drom, hoy anell an o merepen.

Jesaja 1:10

T'mer raya dran Sodom, shounenn o lab o baro Deblestar! T'mer menshe dran Gomorra, shounenn, hoy kamell maro Devel t'menge te penell!

Jesaja 3:16

Oun o baro Devel penas: Dikenn, har pre-phourde yon hi, kol djouvya an o foro Yerusalem! Lengre sherya hidjrenn le pre, vitsrenn pengre yakentsa trouyel, te dikenn len hakeno. Yon khelenn pash o naashepen. Lengre pire hadenn le yaake, te bashrenn kol verklia, hoy le troul pengre pire čivan.

Jesaja 57:20

I čilače hi har i divyo baro pani, hoy rikrell pes nay gar pale, oun vell pale te pale oun hadell khandli phoub oun čik pre.

Jesaja 59:12

Baro Devel, boud kope peram toutar tele. Mari doosh, hoy mer ap mende lam, sikrell har čilačo ham. Ko čilačepen, hoy kram, hi glan mare yaka, oun mer djinah, havo djounglepen ap toute kram:

Jeremia 2:19

Dran tiro čilačepen vell kova ap toute. Tou shounal gar. Doleske leh tou savi phagi. Tou hounte djiness oun hayvess, havo pharo koova oun douka ap koleste venna, kay djal peskro baro Deblestar krik, oun kamell lestar bouder či te djinell. Kova penell o baro Devel, ko ray pral o bolepen oun i phoub.

Jeremia 3:3

Doleske dell kek brishin an o vend, vitar gar an o niyal. Tou dikeh vin har i loubni oun kameh tout gar te ladjell.

Jeremia 6:15

Yon hounte ladjans pen ko djoungelo koveha, hoy yon kran. Kova krenn le gar. Yon ladjenn gar. Yon djinenn gar, hoy ladj hi. Doleske venn yon maredo khetne kol vavarentsa. Te vau me, oun dau len i phagi, ačell kek lendar djido, penell o baro Devel.

Jeremia 8:12

Yon hounte ladjans koleske hoy yon kran, koveha man rhoyran. Kova krenn le gar. Yon ladjenn gar. Hoy ladj hi, djinenn le gar. Doleske venn yon maredo khetne kol vavarentsa. Te vau me, oun dau len i phagi, hounte perenn le, penell o baro Devel.

Ropaskre gilja 5:16

Mer nashram maro raylepen. Mari doosh, hoy anam ap mende, anas men an i bibarht!

Ezekiel 16:30

Har rhačell miri rholi pral toute, te kral tou kova lauter, penell o baro Devel, maro ray. Tou val i bari vi-ladjedi loubni.

Ezekiel 16:49

Koy doosh tiri phenyatar Sodom his kaya: Yoy his pre-phourdo. Lat his boudeder har doha rhapen oun djivas pengre čentsa i shoukar djipen. Kol čorvelenge oun kolenge, kay tele rikede van, van le gar ap i rig.

Ezekiel 23:16

Har li kol bilte dikas, rhačas li ap kol morshende, oun bičras morshen pash lende an o them Babilonia, te venn le pash late.

Daniel 7:20

Oun ninna kamom te djinell, hoy kol deesh shinga ap leskro shero kamenn te penell, oun ko vavar shing, hoy vin vas, oun glan koleste kol triin vavar shinga vin peran. Oun kava shing his bareder har kol vavar. Oun les his yaka oun i mouy, hoy baro koova rakras.

Hosea 13:9

Israel, mange sikral o doumo, kay me kokres kova hom, kay nay lell tout dran o merepen vin. Yaake aneh bibarht pral toute.

Hosea 5:5

Lengre pre-phourde djia sikrenn, har boud doosh ap lende hi. Dran lengri doosh perenn i Israelitarya an i bibarht. Ninna i menshe dran o them Youda perenn lentsa khetne.

Remarja 6:23

Kova, kay krell o čilačepen, lell peskri phagi. Koy phagi hi o merepen. Kova, kay patsell ap o Yezous Kristeste, maro rayeste, koles dell o Devel čičeske o djipen, hoy gar pre-herella.

Debleskro tsiro 11:8

Oun kal moule morsha hi ap o drom čiddo an ko baro foro, kay ninna lengro ray ap o troushel maredo vas. Kava foro hi har o foro Sodom oun har o them Egiptia.

1. Samuel 15:32

Oun o Samuel penas: “Anenn o Agag, ko rayes pral o Amalek, kay pash mande!” Oun o Agag djas daryah koy, oun penas: “Čačepah, har phares hi mange te hounte merap.”