Jesaja 3:2 - O Debleskro Lab 2024 (Sinte-Manouche)

² Ninna i zorele morshen, i kourepangren, i čačepangre morshen, o Debleskre rakepangren, i dourkepangren oun i phoureden lell lo lendar.

O Debleskro Drom 2021 (Sinte)

² Ninna i sorele murshen, i kurepangren, i tchatchepangre murshen, o Debleskre rakepangren, i durkepangren un i phureden lell lo lendar.

Jesaja 3:2 Iomraidhean Croise

1. Familjakro liil 9:1

Oun i tsele Israelitarya van pengro labeha dren činlo an familyengre lila. Kal lila hi khetne lino an o liil i bare rayendar pral Israel. Oun i menshe dran o them Youda moukan pengro Debles oun van doleske pandles anlo an o them Babilonia.

Debleskri gili 74:9

Kek sikepen hi bouder kay, hoy men sikrell, te hal tou pash mende. Kek Debleskro rakepaskro hi bouder kay. Oun kek djinella, har rah kova yaake ačell.

Jesaja 3:3

Ninna i pralstoune lourden, i an-dikle menshen, i rakepangren, i goseven, i dourkepangren oun kolen, kay i moulen poučenn, lell lo kolendar krik.

Ezekiel 17:12

Pen kol menshenge, kay moukenn pen či te penell: Hayvenn t'mer gar, hoy kova kamell te penell? O baro ray dran o them Babilonia vas an Yerusalem, oun las leskro baro rayes oun leskre pralstunen pandles, oun anas len pash peste an o foro Babilon.

Ezekiel 17:13

Oun yob las o rayeskre čavendar yekes, oun kras leha vin, te vell yob o ray pral o them Youda, oun moukas les i sovel te dell, te perell lo gar lestar tele. I pralstunen dran ko them las lo pandles an Babilonia,

Ezekiel 8:12

Oun o baro Devel penas ap mande: Tou mensho, dikal tou kava, hoy krenn i phoureder dran o kheer Israel čorrhanes – hakeno lendar glan peskri figura an lakri isema? Yon penenn penge: O baro Devel dikell men gar, oun djas peske dran kava them!

Ezekiel 9:5

Ap kol vavar morshende penas lo yaake, te shounom kova: Djan pal leste an o foro oun denn hakenes moulo. Dikenn kek kamlepah ap lende! Kek hounte khaytell t'men!

Amos 2:3

Me marau lengro baro rayes oun i lengre tsele pralstunen, penell o baro Devel.