Jesaja 3:14 - O Debleskro Lab 2024 (Sinte-Manouche)

¹⁴ Ap i phourende oun rayende pral peskre menshende penell yob: T'mer rhan i tsele drake, hoy ap miro drakengro them bares van, An t'mare khera hi kova, hoy t'mer i čorvelenge randan!

O Debleskro Drom 2021 (Sinte)

¹⁴ Ap i phurende un rajende pral peskre menshende penell job: Tumer chan i tsele drake, hoi ap miro drakengro them bares wan, An tumare khera hi kowa, hoi tumer i tchorwelenge randan!

Jesaja 3:14 Iomraidhean Croise

Hiob 22:4

Čingrell o Devel touha, oun dell tout i phagi doleske, kay djiveh leha!

Hiob 24:14

Glan te djal o kham pre, stell o marepaskro pre oun marell o čorveles, koles či hi. Oun rati djal o marepaskro trouyel, te čorell lo.

Hiob 24:9

Čilače menshe lenn zoryah i čorveli dake o ternepen dran i moussya krik, koleskro dad meras. Oun yon penenn ap late: Me dau les touke pale, te playsral mange tiri siyaan.

Hiob 34:23

O Devel hounte čivell kek tsiro dren, te anell lo i menshes glan peste, te rakrell lo o čačepen pral leste vin.

Debleskri gili 10:9

Čorrhanes khatedo har i levo an i bourra, yaake lourell yob ap o čorveleste, oun taprell les an peskri netsa oun tserdell les krik.

Debleskri gili 14:4

“Djinenn kol čilače gar, hoy yon krenna”, penell o baro Devel, – “kolla, kay rhan mire menshen har i kotar maro? Oun ap mande denn le gar gole.”

Debleskri gili 143:2

De man, tiro boudepaskres, kek phagi; glan toute hi kek mensho an o čačepen tardo.

Gosewe laba 30:14

Hi menshe koy, kolengre danda doukrenn har rhare oun činenn har čourya. Oun yon rhan i čorvelen an o them, oun kolen, kay lenge kek ap i rig vell.

Jesaja 10:1

Havi bibarht vell ap kolende, kay krenn čačepangre laba vin, hoy denn i menshen gar lengro čačepen, oun činenn laba pre, hoy krenn lenge o djipen phares.

Jesaja 10:2

An i čorvelengro koova rakrenn le kek čačepen vin. Oun kolenge, kay gar an-dikle hi mank mire menshende, lenn le kova krik, hoy lenge pal o čačepen hi. Yon lenn kova krik, hoy i djouvyen hi, kolengre romma meran, oun čorenn i čaven vin, kolen kek dad bouder hi.

Jesaja 11:4

Na-a, yob dell i čorvelende pengro čačepen, oun vell kolenge ap i rig, kay gar an-dikle hi, te lenn yon pengro čačepen. Penell lo i zorelo lab, palle lenn i marepangre pengri phagi. Les hi i zoor, te penell ap o čilačeste: “Tou hounte meress!”

Jesaja 14:30

I čorvelen mire menshendar hi doha te rhal. Oun kolen, kay či hi, nay čivenn pen tele kek daryah. T'men, Filistarya, moukau i bokatar te merell. Oun hoy t'mendar pral ačell, dau moulo.

Jesaja 26:6

Khetne stakedo vell ko foro kolendar, kay čorvelo oun tikno hi.

Jesaja 29:19

Oun o baro Devel krell kolen pale barhtelo, kay van tele rikedo. Oun i čorvele givenn i barhtyatar pral o Israeleskro Debleste.

Jesaja 30:12

Doleske penell o Israeleskro Devel, kay kokres o čačo Devel hi: T'mer kamenn či kolestar te djinell, hoy penom. Oun rikrenn t'men ap kolende, kay rikrenn i vavaren tele, oun kamenn rhorhepah doureder te vell.

Jesaja 5:7

O kheer Israel hi o drakengro them o baro Deblestar, ko rayestar pral o bolepen oun i phoub. Oun i morsha an o them Youda hi kol drakengre rouka, hoy yob an i phoub čivas oun pral kolende yob barhtelo his. Ap lende dikas lo, te anenn le o lačepen glan. Oun hoy vas, his čilačepen. Yon te dans hakenes peskro čačepen, oun kran, hoy his či har čilačepen.

Jesaja 58:4

Ap ko dives, kay rhan mange či, čingrenn t'men oun kourenn t'men, oun denn i čilačo vasteha dren. An kava tsiro, kay rhan mange či oun krenn savo čilačo koova, nay venn t'mer gar shounlo an o bolepen.

Jeremia 12:10

Boud raya dran vavar themma van, oun kran miro drakengro them paash, oun stakran miro kotar phoub khetne. Dran miro shoukar kotar them kran yon i moulo them.

Jeremia 5:27

oun kolen čirklengre khera pherde čirkle hi. Yaake hi lengre khera pherdo čoredo koova. Doleske van yon baro oun bravelo.

Ezekiel 18:12

oun rikrell i čorvelen zoryah tele, ninna kolen, kolen gar doha djipaske hi, oun lell zoryah peske, hoy gar leskro hi. Te patsas lo love vin, dell lo kova gar pale, hoy das les ko čorvelo ko tsireske, kay les siyaan pash leste hi. Oun yob mangell i rhorhene deblen an, oun krell, hoy glan o Debleske yaka djoungeles hi.

Ezekiel 20:35

Oun anau t'men an o moulo tato them mashkral kol vavar natsyone. Oun kote krau me o čačepen pral t'mende vin, yaake te dikas mer menge an i yaka.

Ezekiel 20:36

Yaake har t'mare phourende lengri phagi dom, har his le an o moulo tato them pash o them Egiptia, yaake dau t'mende ninna t'mari phagi, penell o baro Devel, t'maro ray.

3. Mose 25:14

Te bikreh i kotar phoub ap i vavar Israelitari, oder te gineh lestar i kotar phoub, palle dess les gar pal o kand!

3. Mose 25:17

Kek te dell o vavares pal o kand! Rikrenn t'menge t'maro Debles glan i yaka pash halauter, hoy krenn! Me, o baro Devel, hom t'maro Devel.

Amos 2:7

Yon stakrenn i čorvelen an i čik, oun i tiknen dran o drom. Doleske lenn le pengri phagi, oun khaytenn man gar. I morsh oun peskro dad djan dren pash i emligi djouvyate. Yaake anenn le ladj ap mande.

Amos 4:1

Shounenn kava lab, t'mer romya i pralstunendar pral o foro Samaria! T'mer han har i thoulle groumya ap i berge Bashan. T'mer krenn i čorvelenge čilačepen, rikrenn i tiknen tele, oun penenn ap t'mare romende: Anenn menge mool, te piyas mer!

Micha 2:1

Havi bibarht vell pral kolende, kay hi čiddo ap pengro čiben, oun an lengro shero djal čilačo koova trouyel, hoy kamenn le te krell. Yaake sik har o kham pre djal, krenn le, hoy le pen glan lan. Len hi i zoor, te krenn le, hoy le kamenn.

Micha 2:2

Kamenn le yekeskro kotar phoub, randenn le les, oun lenn penge khera vavar menshendar, har yon kamenna. Čilači zoryah djan le ap yekeste, oun lenn penge leskro kheer oun kova, hoy les peskro dadestar vas.

Micha 6:10

An i khera i čilačendar hi bravlepen, hoy kolla rhorhepah khetne anan. Te bikrenn oun ginenn le čomone, lenn le i piri, hoy tikneder hi har li hounte vals. Savo koova hi djoungeles glan mande.

Mateo 21:33

Oun o Yezous penas lenge laba, kay i khatedo čačepen dren hi: “Shounenn, hoy me t'menge kanna penau. His i ray. Koles his i kotar them. Kote čivas lo drakengre rouka an i phoub. Troul ko kotar them čivas lo barra. Oun kote kras lo ninna i platsa an i phoub, kay nay stakrenn le ap i drake, te vell i mool vin. Mashkral kol rouka kras lo i kheer, kay kova beshdo hi, kay dell garda ap i drake. Palle patsas o ray ko kotar them ap i harhende, te boudrenn le kote leske. Oun yob djas peske an i vavar them.

Jakobo 2:6

Har hi kova pash t'mende? I čorvele hi t'menge či moldo. I bravele hi t'menge boudeder moldo. Oun yon hi kolla, kay rikrenn t'men tele, oun anenn čilačo koova ap t'mende oun anenn t'men glan i čačepangre.