Jesaja 3:1 - O Debleskro Lab 2024 (Sinte-Manouche)

¹ O baro Devel, ko ray pral o bolepen oun i phoub, lell dran o foro Yerusalem oun dran o them Youda lauter krik, ap koleste i menshe pen rikran oun hoy len zoor das. O tselo maro oun o tselo pani lell lo lendar krik.

O Debleskro Drom 2021 (Sinte)

¹ O baro Dewel, ko rai pral o bolepen un i phub, lell dran o foro Jerusalem un dran o them Juda lauter krik, ap koleste i menshe pen rikran un hoi len soor das. O tselo maro un o tselo pani lell lo lendar krik.

Jesaja 3:1 Iomraidhean Croise

2. Rajengro liil 25:3

Ap o enyato dives an o starto čon vas i bok bares an o foro, oun i menshen his bouder či te rhal.

Debleskri gili 105:16

Oun yob moukas i bari bok an o them te vell, te das bouder kek maro.

Jesaja 1:24

Doleske penell o baro Devel, ko ray pral o bolepen oun i phoub, kay hi o Israeleskro zorelo Devel: Dikenn t'men glan! Me dau t'men pale, hoy ap mande kran, t'men, kay kamenn man gar. Miri bari rholi vell pral t'mende, kay krenn lauter vavarčandes, har me kamau.

Jesaja 2:22

Moukenn tele i menshendar! Lengro djipen hi yaake tikno har i dourho. Hoy hi le moldo?

Jesaja 3:16

Oun o baro Devel penas: Dikenn, har pre-phourde yon hi, kol djouvya an o foro Yerusalem! Lengre sherya hidjrenn le pre, vitsrenn pengre yakentsa trouyel, te dikenn len hakeno. Yon khelenn pash o naashepen. Lengre pire hadenn le yaake, te bashrenn kol verklia, hoy le troul pengre pire čivan.

Jesaja 36:12

O pralstouno penas: “Bičras man miro ray kokres pash tiro rayeste oun pash toute koy, te rakrap kal laba? Na-a, ninna pash i morshende, kay ap i massouri tarde hi, bičras lo man, te rhan le t'mentsa khetne pengro foul oun piyenn pengro mutepen.”

Jesaja 5:13

Doleske penell o baro Devel: Mire menshe hayvan či. Doleske venn le pandles krik lino, oun i bravele mank lende merenn i bokatar, oun kol boud menshe merenn i troushatar.

Jesaja 51:22

Kava penell o baro Devel, kay tiro ray oun tiro Devel hi, kova, kay lell o koova leskre menshendar an peskro vast: Dik, me lau ko khoro, hoy tout mates kras, dran tiro vast vin. Tou hounte piyess bouder gar dran o khoro, hoy pherdi miri rholi his.

Jesaja 9:20

I menshe dran o kheer Manasse perenn ap kolende dran o kheer Efrayim, oun kolla dran Efrayim ap kolende dran Manasse. Oun kol douy khetne djan ap i menshende dran Youda. Oun pral kova lauter moukell o Debleskri rholi lendar gar tele, oun leskro vast ačell pre hadedo, te dell lo len i phagi.

Jeremia 37:21

Kote moukas o baro ray Sedekya te penell, te rikrenn le o Yeremia ap koy platsa stildo, kay rikran pen i lourde pre. Oun yob moukas leske hako dives i maro te anell, kotar kay o maro peklo vas, yaake rah bis te his bouder kek maro an o foro. Yaake ačas o Yeremia ap koy platsa stildo.

Jeremia 38:9

Miro baro ray, kova hoy kal morsha ko morsheha Yeremia kran, hi i baro čilačo koova. Yon vitsran o Debleskro rakepaskres an koy brounna. Kote hounte merell lo i bokatar. Kate an i foro hi bouder kek maro.

Jeremia 52:3

Kova halauter kras o baro Debles yaake rhoyedo pral i menshende an o foro Yerusalem oun an o them Youda, te tradas lo len pestar krik. Oun o Sedekya phagas o baro rayeha pral o them Babilonia, oun kras bouder gar, hoy kova kamas.

Jeremia 52:6

Ap o enyato dives an o starto čon vas i bok bares an o foro, oun i menshen his bouder či te rhal.

Ropaskre gilja 5:4

Maro pani hounte playsras mare loventsa, oun maro kasht hounte playsras ninna.

Ezekiel 14:13

Tou, mensho, djiness, te phagenn i menshe an yek them mantsa, oun rikrenn bouder gar ap mande, dau me len i phagi. Oun krau, te hi len bouder gar doha maro. Oun bičrau i bok an o them, te merenn i menshe oun i firhe i bokatar.

3. Mose 26:26

T'men vell bouder gar doha djob, te pekenn maro. Deesh djouvya nay pekenn pengro maro an yek bob. O maro vell ap i vaga čiddo, oun hakeno lell i kotar. Oun t'mer rhan oun venn gar čalo.

Amos 4:6

Me hom kova, kay bičras i bok an t'mare tsele forya. Ninna te his t'men gar doha rhapen an o tselo them, van t'mer gar pale pash mande, penell o baro Devel.

Micha 4:9

Hoske deh kanna savi bari gole? Hi kek baro ray pash toute? Oun kol morsha, kay sikran tout, hoy te kress, nashan le penge? Hoske hi tout save douka har i djouvel, kay lell i ternepen?