Jesaja 28:2 - O Debleskro Lab 2024 (Sinte-Manouche)

² O baro Devel bičrell yekes, koles boud zoor oun penepaske hi. Oun kova vell har i baro divyo phourdepen, kay brishineskre barra dren hi, oun hoy lauter paash dell. Yob vitsrell halauter tel peste an i čik, yaake har i baro brishin, hoy lauter tel pani tassell.

O Debleskro Drom 2021 (Sinte)

² O baro Dewel bitchrell jekes, koles bud soor un penepaske hi. Un kowa well har i baro diwjo phurdepen, kai brishineskre barra dren hi, un hoi lauter paash dell. Job witsrell halauter tel peste an i tchik, jaake har i baro brishin, hoi lauter tel pani tassell.

Jesaja 28:2 Iomraidhean Croise

Hiob 22:16

Kolla meran, har his le gomme gar phouro – van krik thodo har i kheer i zorelo panyestar.

Jesaja 25:4

Čačepah, tou val o čorveleske har i zorelo kheer, kay yob pes nay khatrell. Te krenn le leske o djipen phares, nay vell lo pash toute. Tou hal har i kheer, kay nay khatrell yek pes, te dell baro brishin, oun te rhačell o kham tele. Kol pralstoune, kay zoryah ap mende djan, hi har i baro phourdepen, hoy phourdell an o vend,

Jesaja 27:1

Ap ko dives lell o baro Devel peskro baro zorelo rharo, hoy yaake mishto činell, oun dell o sapes moulo, hoy kharell Leviatan, ava, ko baro panyeskro sap, hoy ap o naashepen hi oun moukell pes gar te taprell.

Jesaja 29:6

vell o baro Devel, o ray pral o bolepen oun i phoub, oun lell t'men vin dran lengre vasta. Yob vella bari golyah oun moukell i phoub trissell. Oun o bolepen dell gole, oun i zorelo dourho phourdell pral i phoub, oun bari yag rhal troul peste.

Jesaja 30:28

Oun leskro dourho hi yaake zorelo har i pani, hoy zoryah nashell, oun hoy i mensheske bis pash i meen djala. Yob lell i natsyone oun vitsrell len trouyel, oun trissell len, bis te gar boud lendar pral ačenn. Oun yob čivell saster an lengre mouya, har te vans le graya, oun tradell len koleha kate te kote.

Jesaja 30:30

Palle moukell o baro Devel peskri bari zoreli gole te shounell, oun i menshe dikenna, har leskri moussi tele dell an i rholi. Kote hi yag, hoy troul peste rhal, oun baro zorelo brishin, oun i zorelo phourdepen oun brishineskre barra.

Jesaja 32:19

Ninna te denn brishineskre barra o veesh paash, oun o foro djal tele,

Jesaja 40:10

Dikenn, o baro Devel, maro ray, vell bari zoryah. Oun yob hi o ray pral halauter. Kolen, kay yob vin las dran o pandepen, hi pash leste. Ava, kolen, kay yob peske ginas, djan leske glan vin.

Jesaja 8:6

An i yaka kal menshendar hi o tikno pani Siloah či moldo, hoy nashell lokes an Yerusalem. Oun kol douy raya, o Rezin oun o Peka, venn lenge yaake zorelo glan, te trissenn le i daryatar.

Ezekiel 13:11

Pen kolenge, kay makenn parnepen koy pral: “Kay massouri perell khetne!” I zorelo brishin vell, oun brishineskre barra perenn, oun i zorelo dourho phourdell.

Ezekiel 38:9

Oun tou djah pre an o them, oun veh pral lende har i zorelo phourdepen, oun har i folka, hoy o tselo them tele čakrell, tou oun tire tsele lourde oun kol boud lourde dran vavar themma, kay touha djan.

Daniel 9:26

Oun pal kol efta kope 62 (shob-deesh-te-douy) bersha vell ko ray maredo, kay o Deblestar bičedo vas. Oun kek his ap leskri rig tardo. Oun palle venna lourde yek rayestar, kay gomme vella, oun denn o fores oun o Debleskro kheer paash. Oun yon djan tele har an i baro pani. Oun yaake rah har i phoub gomme koy hi, ačell kourepen oun marepen. Kova hi i vi-kerdo koova.

Nahum 1:8

I baro zorelo panyeha khossell lo o foro krik kolendar, kay hadan pen pral leste. Oun an i kali rat tradell lo len.

Josua 10:11

Oun har i Amorarya glan i Israelitarya nashan ap o drom, hoy djal tele pash Bet-Horon, kote moukas o baro Devel brishineskre barra dran o bolepen ap lende te perell ap o tselo drom bis pash Aseka, yaake te van le i barrendar moulo dino. Oun kol brishineskre barra maran boudeder lendar har i Israelitarya o rhareha moulo dan.

Debleskro tsiro 18:8

Doleske vell i tseli bari bibarht ap yek kopo pral ko foro: merepen, ropen, oun bok. Oun i yag rhačrella ko foro pre. Zorelo hi o Devel, maro ray, kay rakrell pral i menshen an o foro o čačepen vin, oun dell len i čači phagi.

Debleskro tsiro 8:7

Oun o glanstouno phourdas an peskri phourdepaskri. Koy das brishin, hoy his har barra, oun yag o rateha mashkral ap i phoub. Oun o triinto kotar i tseli phoubyatar rhačras, oun o triinto kotar i tsele roukendar rhačras, ninna o tselo zenlepen.