Jesaja 27:9 - O Debleskro Lab 2024 (Sinte-Manouche)

⁹ Yaake vell o Israelengri doosh krik lino. Oun ap kova sikrell pes, te hi lengri doosh krik lino: Te denn le i pre-čidde barra yaake khetne, kay mangan le i vavar deblen an, te ačell či har čik. Oun te moukenn le kek figure tardo, hoy sikrenn i debletsa Ashera, vitar kek boba, kay lake soungepaskro koova rhačedo vas.

O Debleskro Drom 2021 (Sinte)

⁹ Jaake well o Israelengri doosh krik lino. Un ap kowa sikrell pes, te hi lengri doosh krik lino: Te denn le i pre-tchidde barra jaake khetne, kai mangan le i wawar deblen an, te atchell tchi har tchik. Un te mukenn le kek figure tardo, hoi sikrenn i debletsa Ashera, witar kek boba, kai lake sungepaskro koowa chatchedo was.

Jesaja 27:9 Iomraidhean Croise

2. Rajengro liil 10:26

Oun lan kol figure vin, hoy i Ashera sikrenn, oun rhačran len pre.

2. Rajengro liil 23:14

Yob phagas kol bare barra paash, hoy le pengre deblenge pre-čivan, oun das kol figure tele, hoy sikran i Ashera. Oun kote, kay le tardo his, vitsras lo menshengre kokale pre.

2. Rajengro liil 25:9

Oun yob rhačras o baro Debleskro kheer tele, ninna ko kheer o baro rayestar oun kol vavar khera an o foro Yerusalem; ava, hako baro kheer rhačras lo tele.

2. Familjakro liil 14:5

Oun i menshe an o them Youda nay djivan an o lačepen kol thementsa troul lende. O baro Devel kras kova, te vas kek kourepen an kal bersha. Yaake moukas o Asa i forya zoreles te krell an o them Youda.

2. Familjakro liil 34:4

Oun glan leskre yaka moukas lo i rhačepangre tele te phagell, kay firhen ko debleske rhačedo van, kay kharell Baal. Oun kol boba, hoy koy pral tardo his, oun kay soungepaskro koova rhačedo vas, moukas lo trouyel te dell. Oun i figure, hoy sikrenn i debletsa Ashera, oun kol vavar figure, hoy le pengre vastentsa kran, kolen phagas lo an kotya, oun das len yaake khetne, te ačas či har čik pral. Kay čik vitsras lo pral ko handako, kay kolla paskedo his, kay rhačran firhen oun vavar koova kol rhorhene deblenge.

2. Familjakro liil 36:19

Kol lourde dran o them Babilonia rhačran o baro Debleskro kheer oun phagan o foreskre massurya tele. Oun i tsele turme rhačran le i yagatar vin. Oun yaake vas lengro tselo kouč koova rhačedo an i yag oun bouder či moldo.

Debleskri gili 119:67

Har djom tiro dromestar tele, dal tou man i phagi. Kanna rikrau tiro lab.

Debleskri gili 119:71

His mishto mange, te dal man i phagi, te shounap ap toute oun krau hoy tou mandar kameh.

2. Mose 34:13

Vitsrenn kol pre-čidde barra trouyel, kay marenn oun rhačrenn le firhen lengro debleske. Phagenn kol bare barra paash, hoy le leske pre-čivan! Oun denn kol figuren tele, hoy sikrenn i debletsa Ashera.

Gosewe laba 20:30

Ratle dava lenn o čilačepen krik. Oun dava djan koleske, kay dino vell, an o dji.

Jesaja 1:29

T'mer, kay mangan i bare rouka an, hounte ladjenn t'men koleske. Ava, t'mer venna lolo an o mouy dran ladj pral kol vavar deblen, hoy rodan vin oun mangan len an ap lengre shoukar platse.

Jesaja 17:8

Oun yon dikenn bouder gar ap kol moule deblen, hoy yon pengre vastentsa oun goushtentsa kran, – kol figuren, hoy sikrenn i debletsa Ashera, oun kol boba, kay lake soungepaskro koova rhačedo vell.

Jesaja 30:22

Palle dikenn t'mer ap t'mare roupene oun sonakangre figure har ap čomone, hoy pale-čiddo hi. Krik kolentsa penenn t'mer oun vitsrenn len krik har čik.

Jesaja 4:4

Kova vella, te thovell o Devel i čik tele i menshendar, kay djivenn an Sion, oun lell koy phari doosh krik dran Yerusalem. Te krell lo kova, hi kova har i yag, hoy rhačell ko tselo djoungelo koova krik.

Jesaja 40:2

“Rakrenn i menshenge an Yerusalem an o dji, oun penenn lenge: Ko tsiro hi trouyel, kay hounte boudran tel douka oun dava. T'mari tseli doosh hi playsedo. O baro Devel das t'men i phagi, hoy his yaake baro, har te lans douy kope i phagi t'maro tselo čilačepaske.”

Jesaja 48:10

Dik, yaake har roup an i yag čiddo vell, te venn i djoungele barra vin, yaake moukom t'men an phare tsirya te vell, te venn djoudjo mange.

Ezekiel 11:18

Te venn le kote khere, vitsrenn le kol tsele rhorhene deblen oun djoungele figuren vin dran o them.

Ezekiel 20:38

Kolen, kay mantsa phagan oun mandar tele peran, čivau ap i rig. Ninna te lau len vin dran kol themma, kay le vi-themarya his, vell kek lendar an o them Israel. Palle dikenn oun hayvenn t'mer, te hom me o baro Devel.

Ezekiel 6:4

Kol rhačepangre, kay firhe rhačedo venn, ninna kol boba, kay soungepaskro koova rhačedo vell, venn khetne phagedo. Oun kolla, kay t'mendar moulo dino venn, vitsrau glan t'mare rhorhene deblen ap i phoub. Oun i kokale kol moule Israelendar vitsrau troul kol rhačepangre, kay mangan kol rhorhene deblen an.

Daniel 11:35

Oun mank kol goseve hi save, kay venn maredo, te venn boud vavar zoreles an o patsepen, oun lengre djia djoudjo kerdo o Debleske. Kova djal yaake yek tsireske, bis ko dives vella, kay o tsiro kay phoubyake trouyel hi.

Hosea 14:8

Oun me hom lenge har i rouk, kay leskre moussya pral lende rikrell, oun tel koleste yon beshdo hi. Oun lenge vell djob pale bares. Oun yon venn har i drakengro rouk, koles boud boud drake hi. Lačes vell pral lende rakedo, har pral koy mool dran o Libanon.

3. Mose 26:30

Me krau kol moulne platse paash, kay t'mer t'mare deblenge firhen rhačrenna. Oun kol boba, kay t'mer lenge soungepaskro koova rhačrenn, phagau khetne. T'mare moulen vitsrau ap kol paash-dine figuren, oun t'mendar kamau bouder či te djinell.

Micha 5:11

Oun o tselo bengeskro koova lau t'mendar krik, kek dravepangre ačenn pash t'mende.

Zakarie 13:2

O baro Devel, ko ray pral o bolepen oun i phoub, penell: An ko tsiro krau, te mangenn i menshe an o them Youda bouder kek rhorhene deblen an. Oun kolengre laba venn bistedo. Ninna kol rakepangre, kay penenn, te hi le Debleskre rakepangre oun hi kova gar, oun yon rakrenn, hoy i vavar dourho lenge penell, kolen tradau vin dran o them.

Remarja 11:27

Ap ko tsiro, kay lau lengro čilačepen lendar krik, penell o Devel, hi kova kerdo, hoy me lenge penom, oun miro vast pre dom.

1. Korintarja 11:32

Te lah mer i phagi o Deblestar, palle krell yob kova, te djas mer gar khetne i vavar menshentsa nashedo.

5. Mose 12:3

Vitsrenn kol pre-čidde barra trouyel, kay maran le oun rhačran le firhen pengro debleske. Phagenn kol bare barra paash, hoy le leske pre-čivan! Oun rhačrenn kol kashta, hoy sikrenn i debletsa Ashera. Oun denn lengre figuren an kotya! Či te ačell lendar pral.

Hebrearja 12:6

Kones o Devel o djiyestar kamella, kova lell ninna lestar i phagi. Oun koon vell leskro čavo, koles dell lo ninna dava.