Jesaja 27:8 - O Debleskro Lab 2024 (Sinte-Manouche)

⁸ Na-a, yob das len lengri phagi, har yob len pestar krik bičras. Dran lengro them van le krik tradedo har i zorelo dourheha, hoy kotar phourdell, kay o kham pre djal.

O Debleskro Drom 2021 (Sinte)

⁸ Na-a, job das len lengri phagi, har job len pestar krik bitchras. Dran lengro them wan le krik tradedo har i sorelo ducheha, hoi kotar phurdell, kai o kham pre djal.

Jesaja 27:8 Iomraidhean Croise

Hiob 23:6

Čingrals lo mantsa an peskri bari zoor? Na-a, yob shounals mishto ap mire laba.

Debleskri gili 103:14

Yob djinell, kay menshe ham; te ham dran čik kerdo, bistrell lo gar.

Debleskri gili 103:9

Yob čingrell gar hako tsireske, oun ačell gar hako tsireske rhoyedo.

Debleskri gili 38:1

I gili o Davidestar, te bistrell les o Devel gar.

Debleskri gili 6:1

I gili o rayeske pral i gipangre, te givell pash o bashepen ap i bashepaskri orhta doryentsa. O David kras kay gili.

Debleskri gili 76:10

har o Devel pre stas, te rakrell lo o čačepen vin, oun te vell lo halauterenge ap i rig, kay tikno rikedo van ap kay phoub.

Debleskri gili 78:38

Yob kras lenge peskro dji pre, oun maras len gar. Na-a, yob las lendar i doosh tele. Boud kope rikras yob peskri rholi pale, oun moukas gar peskri tseli rholi ap lende te vell.

Jesaja 1:5

Han gomme gar doha dino? Hoske rikrenn t'mare djia pandlo oun djan doureder ap t'maro čilačo drom? T'maro tselo shero hi pherdo doukepen, oun t'maro tselo dji hi nasselo.

Jesaja 10:12

An ko tsiro, kay kras o baro Devel, maro ray, lauter, hoy yob peske glan las, te krell lo ap i berga Sion oun an Yerusalem, lell lo peske o baro rayes o themestar Assour glan, koleskro dji yaake pre-phourdo hi, oun koleskre yaka tele dikenn ap i vavarende.

Jesaja 50:1

Kava penell o baro Devel: Kay hi ko liil, hoy me hounte činoms, kay dren tardo hi, te moukom me t'mari dat? Koon hi kova, pash koleste man siyaan vals oun t'men leske bikroms. Dran t'mari doosh han bikedo. T'mer peran miro dromestar tele. Doleske hi t'mari day mouklo.

Jesaja 54:7

I tikno tsireske moukom tout. Kanna krau miro dji bares pre touke oun lau tout pale pash mande.

Jesaja 57:16

Kamau gar hako tsiro pral i menshende te čingrell oun man rhoyrell. te merenn le gar lauter glan mande, kol menshe, kolen me krom.

Jesaja 64:5

Kanna vam halauter glan toute har yek, kay pale-čiddo hi. Ninna o čačo koova, hoy kram, hi har i ratli baya ap mende. Mer halauter vam har moule patria. Mari doosh hidjrell men krik, har i dourho moule patria krik phourdell.

Jeremia 10:24

Baro Devel, de man i phagi an o čačepen, oun gar an tiri rholi, te maress man gar!

Jeremia 30:11

Me, o baro Devel, hom pash t'mende, te vap ap t'mari rig. Kol natsyone, mank kolende tradom t'men, kolla hounte djan tele. T'mer djan gar tele. T'mende dau i phagi har t'menge mishto hi. Kek daventsa nay moukau t'men gar. Vals gar mishto, te dap t'men kek phagi.

Jeremia 4:11

An ko tsiro vell kol menshenge an Yerusalem penlo: I zorelo tatepen vell dran kol berge dran o moulo tato them pash t'mende. Kova hi kek phourdepen, hoy phourdell o phouss oun o čik krik,

Jeremia 4:27

O baro Devel penas: Ninna te vell kay tseli phoub har i moulo them, kamau gar lauter paash te krell.

Jeremia 46:28

Doleske, ma traash, Yakob, miro boudepaskro, penell o baro Devel. Me hom pash toute. Kol tsele natsyone, kay me tout tradom, moukau gar te djivell. Tout moukau te djivell. Dava hounte dap tout, har touke mishto hi. Kek daventsa nay moukau tout gar.

Ropaskre gilja 3:31

O baro Devel moukell men gar hako tsireske.

Ropaskre gilja 3:32

Ninna te doukell lo yekes, vell lo leske pale kamles. Yaake baro hi leskro lačepen.

Ezekiel 19:12

Koy vas i rhoyedo vast, oun tserdas les vin dran i phoub, oun vitsras les tele. Oun i tato dourho, hoy vas foun kotar, kay o kham pre djal, moukas leskre drake trouk te vell. Leskre zorele kashta van tele phagedo, te meran le tele oun van an i yag rhačedo.

Hosea 13:15

Ninna te hi o Efrayim mank peskre phralende har i zenelo rouk, hoy hidjrell lače roukengre, bičrell o baro Devel i tato dourho, hoy vell kotar, kay o kham pre djal. Dran o moulo tato them vell lo, oun krell, te venn i tsele panya trouk. Oun yob lell leskro tselo bravlepen lestar krik, – ko tselo kouč koova.

Hosea 4:1

T'mer Israelitarya, shounenn, hoy o baro Devel t'menge penell! O baro Devel hounte čingrell t'mentsa, kay djivenn an o them Israel. T'mer rikrenn gar khetne, han gar kamles yek o vavareha oun prindjrenn o Debles gar.

1. Korintarja 10:13

Della savo koova, hoy kamell t'men o Debleskro dromestar tele te anell. Dikenn, savo koova vas ninna ap vavar menshende. Te vell pharo koova ap t'mende, dell o Devel t'men koy zoor, te nay hidjrenn kova. Yob hatsell i drom, te venn pale kote vin.

1. Petro 1:6

Doleske avenn barhtelo, ninna te hounte djan i tikno tsiro ap i drom, kay vell boud pharo koova ap t'mende.