Jesaja 26:4 - O Debleskro Lab 2024 (Sinte-Manouche)

⁴ Doleske, rikrenn t'men ap o baro Debleste hako tsiro, O baro Devel, maro ray, hi har i baro zorelo bar, pash leste nay khatrah men hako tsireske.

O Debleskro Drom 2021 (Sinte)

⁴ Doleske, rikrenn tumen ap o baro Debleste hako tsiro, O baro Dewel, maro rai, hi har i baro sorelo bar, pash leste nai khatrah men hako tsireske.

Jesaja 26:4 Iomraidhean Croise

2. Familjakro liil 20:20

Oun yon stan sik taysarlake pre, oun djan vin an o moulo them Tekoa. Har yon vin djan, djas o Yosafat glan lende, oun penas: Morshale dran Youda oun Yerusalem, shounenn, hoy t'menge penau: Patsenn o baro Debleske, kay t'maro Devel hi, oun t'mer ačenn zorelo, patsenn, hoy leskre rakepangre t'menge penan, palle vell lauter mishto t'menge.

2. Familjakro liil 32:8

O baro ray dran Assour rikrell pes ap i menshengri zoor. Pash mende hi o baro Devel, kay maro Devel hi. Yob vell menge ap i rig oun kourell pes menge.” Oun i menshe rikran pen ap kol laba, hoy lengro baro ray, o Hiskiya, lenge penas.

Hiob 9:19

Te djoms ap leste zoryah, yob hi o zorleder! Te kamoms les glan i čačepangre te anell, penals lo: Kones kameh te bičrell, te anell lo man koy?

Debleskri gili 125:1

I gili te givell ap o drom an Yerusalem. Kolla, hoy ap o baro Debleste patsenna, hi har i berga Sion, hoy zoreles tardo hi, oun ačell hake tsirenge.

Debleskri gili 18:2

Oun yob penas: Baro Devel, miro tselo djiyestar kamau tout. Tou kreh man zoreles.

Debleskri gili 46:1

I gili yekestar, kay hi dran i familya Korah. Kay gili hi o rayeske pral i gipangre, te givell lo lat har koy gili terne ča.

Debleskri gili 55:22

Leskro rakepen hi goudlo har gvin. An leskro dji kamell le o kourepen. Leskre laba hi har djet, oun činenn har rhare.

Debleskri gili 62:11

Ma patsenn, te lenn bravlepen, te djan ap yekeste i zoryah pre! Ma patsenn, te krell t'men kova bravelo, hoy čoran! Ninna te venn bravleder oun bravleder, ma čivenn t'mare djia pre!

Debleskri gili 62:8

Miro Deblestar vell, te vap vin lino dran o čilačepen, oun te vap an-diklo. Lestar vell miri zoor, pash miro Debleste khatrau man.

Debleskri gili 62:9

Dikenn ap leste hako tsiro, t'mer, leskre menshe! Čorenn t'mare djia vin glan leste! Pash o Debleste nay khatrah men.

Debleskri gili 66:7

Yob hi o baro ray hako tsireske. Leskri zoor pral i menshenge hi baro. Hake themma lell yob an o yak, te nay hadenn pen kolla gar, kay lestar tele peran.

Debleskri gili 93:1

O baro Devel hi o baro ray. Raylepen oun zoor hi troul leste har i ripen. Yob kras i phoub yaake te hi li zoreles tardo.

Jesaja 12:2

O Devel lell man dran i bibarht vin. Me rikrau ap leste, oun darau gar. Peskri zoryah vas o baro Devel ap miri rig. Miri gilyah sharau les dran o dji. Yob las man vin.

Jesaja 17:10

Israel, tou bistral tiro Debles, kova, kay tout vin las dran i čilače vasta. Tou bistral koles, kay his touke har i baro zorelo bar, pal koleste nay khatral tout. Oun kral touke pre-čidde barra, kay mangeh vavar deblen an. Ninna te čival kote shoukar drakengre rouka an i phoub,

Jesaja 30:29

T'mer, o Debleskre menshe, givenna gilya, har pash i baro rhapen an i rat, kay sharenn o Debles oun givenn leske. T'mer venn yaake barhtelo, har te djans bashepah pre ap i berga o baro Deblestar, kay ap o Israeleskri rig hi.

Jesaja 32:2

Oun hakeno lendar hi har i kheer, kay yek nay khatrell pes glan i baro phourdepen, oun glan i baro zorelo brishin. Ava, yon hi har i panya an i moulo them, oun har i baro bar pal koleste yek pes khatrell, te rhačell o kham tele an i tato them.

Jesaja 44:8

Ma darenn, mire menshe! Ma trashenn! Moukom me kova t'men gar te shounell oun penom les t'menge gar glan i rah tsiro? Oun t'mer shounan oun dikan les. Dell i vavar debles har man kokres? Dell i vavar zorelo debles, koles gar prindjrau?

Jesaja 45:17

O Israel vell vin lino o baro Deblestar dran o čilačepen hako tsireske. Kek ladj oun kek praasepen vell ap leste – an kek tsiro.

Jesaja 45:24

oun penell mandar: “Kokres an o baro Debleste hi čačepen oun zoor.” Kolla, kay čingran ap mande, venna vi-ladjedo glan mande tardo.

Jesaja 50:10

Kova t'mendar, kay krell, hoy o baro Devel kamell, oun shounell ap leskro boudepaskro, kova nay djinell: Ninna te djivell lo an i kali rat oun dikell kek momeli glan peste, hi lo an o baro Debleskro vast. Oun kova krell leske halauter mishto.

Jesaja 51:5

O tsiro, kay miro čačepen vell, hi gar dour. Oun ko dives vell sik, kay lau t'men vin dran o čilačepen. Oun me vau o čačepaskro ray pral i vavar themma. I menshe, kay djivenn pash o baro pani, dikenn ap mande, te lap o kourepen krik.

Jesaja 63:1

Koon hi kova, kay vell dran o them Edom dran o foro Bozra, rido an lole koola? Koon hi kova, kay hi yaake rayles rido, oun kay nashell rayles an peskri bari zoor. Kova hom me, o baro Devel, kay rakrell an o čačepen: Man hi i zoor, te lap t'men dran o merepen vin.

Daniel 3:17

Maro Devel, koles mer an-mangah, te kamell yob, palle nay lell lo men vin dran i bobeskri yag oun dran tiro vast.

Daniel 3:28

Oun o Neboukadnezar penas: “Sharedo vell o Devel, koles o Shadrak oun o Meshak oun o Abed-Nego an-mangenn. Yob bičras peskro bolepaskres oun las peskre boudepangren dran o merepen vin. Kolla rikran ap leste, oun shounan gar ap miro lab, oun dan pengro djipen an o merepen. Yon kaman kek vavar debles an-mangenn har pengro Debles kokres.

Mateo 28:18

Oun o Yezous djas pash lende oun penas ap lende: “O baro Devel das man i zoor pral o bolepen oun pral i phoub.

Mateo 6:13

Ma mouk men tiro dromestar tele te djal! Le men dran o bengeskro vast vin!

5. Mose 32:15

O Yeshourun djivas i shoukar djipen, his čalo oun bravelo. Har vas lo pesso, phourdas lo pes pre. Oun moukas o Debles, kay les kras, oun vitsras les ap i rig. Leskro zorelo rikepaskro his leske či moldo.

5. Mose 32:4

Yob hi maro zorelo rikepaskro. Lauter, hoy yob krell, hi mishto. Leskre tsele dromma hi čačo. Maro Devel rikrell peskro lab; an leste hi kek čilačepen. Rhorhepen djinell lo gar.

5. Mose 33:27

Hako tsiro his lo koy. Pash leste nay khatreh tout. Hako tsiro rikrell lo peskre moussya pral toute. Yob tradas kolen glan toute vin, kay kouran pen touha, oun penas touke: Mare len!

Filiparja 4:13

O Yezous Kristo dell man i zoor, te djivap yaake te yaake.

1. Samuel 2:2

Kek hi yaake baro oun čačo har o baro Devel. Dell kek vavar Devel har yob. Ap kekeste nay rikrah men har ap maro Debleste.