Jesaja 26:21 - O Debleskro Lab 2024 (Sinte-Manouche)

²¹ O baro Devel vell dran peskro kheer vin, te anell lo o čilačepen pale ap i sherya kolendar, kay o čilačepen kran. Palle vell o rat kolendar diklo, kay maredo van. Oun i phoub khatrell len bouder gar.

O Debleskro Drom 2021 (Sinte)

²¹ O baro Dewel well dran peskro kheer win, te anell lo o tchilatchepen pale ap i sherja kolendar, kai o tchilatchepen kran. Palle well o rat kolendar diklo, kai maredo wan. Un i phub khatrell len buder gar.

Jesaja 26:21 Iomraidhean Croise

Hiob 16:18

Me hom har i morsh, kay vas maredo. I phoub te khatrell gar miro rat, te vell leskri gole hako tsiro shounlo.

Hiob 20:27

O bolepen rakrell vin, havi doosh yob ap peste anas, oun i phoub hadell pes oun penell: Tou hal čilačo.

Jesaja 10:3

Hoy kamenn t'mer te krell ap ko dives, kay vell t'mari phagi pral t'mende? Ap ko dives, kay vell i bibarht foun doural pral t'mende? Pash koneste kamenn t'mer palle te nashell? Oun kay moukenn t'mer palle t'maro bravlepen?

Jesaja 13:11

O baro Devel penell: Me anau bibarht ap i phoub, oun moukau o tselo čilačepen, hoy i čilače kran, ap lende pale te vell. I pre-phourden hi bouder či, koleha nay sharenn le pen. Oun me krau kol pre-phourden tikno, kay rikran pengri zoryah kolen tele, kay len kek zoor hi.

Jesaja 18:4

O baro Devel penas ap mande: Foun pral dran miro kheer lau an i yak, hoy djala ap i phoub, oun ačau pokones har o tatepen mashkral o dives, oun har i sapeni folka an o tato tsiro, kay o djob dren anlo vell.

Jesaja 22:14

Ap mande penas o baro Devel, ko ray pral o bolepen oun i phoub: “Kaya doosh vell lendar gar krik lino yaake rah har djivenn le.”

Jesaja 29:6

vell o baro Devel, o ray pral o bolepen oun i phoub, oun lell t'men vin dran lengre vasta. Yob vella bari golyah oun moukell i phoub trissell. Oun o bolepen dell gole, oun i zorelo dourho phourdell pral i phoub, oun bari yag rhal troul peste.

Jesaja 65:6

Dikenn, kova lauter hi pre činlo an i liil glan mande. Oun me rikrau gar miro mouy, bis te dom len ko tselo čilačepen pale, hakeneske ap peskro shero:

Jesaja 65:7

Ko čilačo koova, hoy yon kran, oun ko čilačo koova, hoy lengre phoure kran, penell o baro Devel. Yon rhačran ap i berge vavar deblenge soungepaskro koova, oun koleha anan le ladj ap mande. Yaake dau me kova ap lengre sherya pale, kova lauter, hoy kran le ninna an i phoure tsirya.

Jesaja 66:6

Shounenn i divyi gole dran o foro, i kourepaskri gole dran o Debleskro kheer! Shounenn, o baro Devel rakrell i phagi vin pral kolende, kay rhoyran les!

Ezekiel 8:6

Oun o baro Devel penas ap mande: Tou, mensho, dikeh tou, hoy le krenn? Baro djoungelo koova hi, hoy o kheer Israel kate krell, te djap mange dran miro kheer vin. Oun tou dikess gomme bareder djounglepen.

Louka 11:40

T'mer hayvan či! O Devel, kay kras o tselo menshes, kras ninna leskro dji.

Louka 11:50

Doleske vell i tseli bibarht ap kal menshende, kay kanna djivenna. Yon oun lengre phoure maran i Debleskre rakepangren, yaake rah har i phoub tardo hi.

Debleskro tsiro 16:6

Yon maran tire menshen, ninna tire rakepangren, oun moukan lengro rat te nashell. Oun kanna hounte piyenn le o rat. Kova hi lengri phagi.”

Debleskro tsiro 18:24

Ninna nashas an o foro o rat, hoy ratan kol Debleskre rakepangre oun o Debleskre menshe, kay kote maredo van, ava, o rat kolendar lauter, kay ap i phoub maredo van.”