Jesaja 26:14 - O Debleskro Lab 2024 (Sinte-Manouche)

¹⁴ I moule venn bouder gar djido, oun stenn bouder gar pre. Kolen, kay pral mende i raya his, dal tou lengri phagi: Yon hi bouder gar koy. Oun i menshe bistran len.

O Debleskro Drom 2021 (Sinte)

¹⁴ I mule wenn buder gar djido, un stenn buder gar pre. Kolen, kai pral mende i raja his, dal tu lengri phagi: Jon hi buder gar koi. Un i menshe bistran len.

Jesaja 26:14 Iomraidhean Croise

Hiob 18:17

Kek ap i tseli phoub djinell gomme, koon yob his. Pash hakeneste vell lo bistedo.

Hiob 24:20

Saves bistrell ninna leskri day. I kirme rhan pen čales ap leste. Kekeske vell lo bouder an o shero. Yaake phagell o čilačepen khetne har kasht.

Hiob 7:9

Yaake har i folka ap yek kopo bouder gar koy hi, yaake hi o mensho, kay merell. Yob vell bouder gar pale dran o moulengro them.

Debleskri gili 106:28

Pal i tsiro vitsran pen i Israelitarya glan kol vavarengro debleste Baal tele ap i berga Peor, oun rhan ko mass kol firhendar, hoy van maredo i moulenge.

Debleskri gili 109:13

Kre, te merenn kolla vin, kay pal leste venna. Leskre čavengre čaven venn kek čave bouder, yaake te vell lengro lab bistedo.

Debleskri gili 135:17

Kanda hi len oun shounenn gar. Len hi kek dourho an lengro mouy.

Debleskri gili 36:12

Mouk i pre-phourden gar te stakrenn le man tele. Kre te nay tradenn man i čilače gar dran miro kheer vin.

Debleskri gili 59:5

Ninna te krom me kek čilačepen, nashenn le kay, te denn le man moulo. Ste pre! Ab oun dik les touke kokres an!

Debleskri gili 9:6

Tou dal trad kol menshen an vavar themma, oun maral kolen, kay kaman toutar či te djinell. Lengre laba hi bistedo kanna oun hako tsireske.

2. Mose 14:30

Yaake las o baro Devel i Israelitaryen ap kava dives vin dran o vast i Egiptarendar. Oun i Israelitarya dikan i moule Egiptaryen pash o baro pani čiddo.

Gosewe laba 10:7

Lače menshe venn gar bistedo. Kova, hoy le kran, hi o Debleskro lačepen. I čilače venn bistedo.

Sikepaskro 9:5

I djide djinenna, kay hounte merenn le, i moule djinenn či. Koleske, hoy le kran, vell len vitar bouder či. Bistedo hi le.

Jesaja 10:3

Hoy kamenn t'mer te krell ap ko dives, kay vell t'mari phagi pral t'mende? Ap ko dives, kay vell i bibarht foun doural pral t'mende? Pash koneste kamenn t'mer palle te nashell? Oun kay moukenn t'mer palle t'maro bravlepen?

Jesaja 26:19

Baro Devel, mouk tire moulen djides te vell! Mouk len pre te stell! T'mer, kay van paskedo, stenn pre dran o sopen oun denn gole i barhtyatar! Tou, baro Devel, hal har brishin, hoy dell djipen ap i phoub. Doleske dell i phoub i moulen pale vin.

Jesaja 29:6

vell o baro Devel, o ray pral o bolepen oun i phoub, oun lell t'men vin dran lengre vasta. Yob vella bari golyah oun moukell i phoub trissell. Oun o bolepen dell gole, oun i zorelo dourho phourdell pral i phoub, oun bari yag rhal troul peste.

Jesaja 37:19

Oun kolengre debla vitsran le an i yag. Kolla his kek čače debla, van kerdo i menshengre vastentsa dran kasht oun bar. Doleske van le khetne dino.

Jesaja 8:19

Nay vell, te penenn i menshe t'menge: “Poučenn kolen, kay i moulentsa rakrenn, oun poučenn i dravepangren, kolla, kay rakrenn lokes glan pende.” Ap kolende penenn: “Hounte poučenn gar i menshe pengro debles? Poučenn le i moulen i djidenge?”

Mateo 2:20

oun penas ap leste: “Ste pre! Le o čaves oun leskri dat, oun dja pale an o them Israel! Kolla hi moulo, kay kaman o čaves te marell.”

5. Mose 4:28

Oun kote mangenn t'mer kol deblen dran kasht oun bar an, hoy menshengre vastentsa kerdo van. Oun kol debla nay dikenn oun shounenn, nay rhan oun soungenn gar.

Debleskro tsiro 20:5

Yon hi kolla, kay glanstounes i moulendar pre stan. Oun kol vavar moule venn gar djido, yaake rah har ko zero bersh gar trouyel djan.