Jesaja 26:11 - O Debleskro Lab 2024 (Sinte-Manouche)

¹¹ Baro Devel, tiro vast hadal dour pre, te dess len trad. Oun yon kamenn gar te dikell. Mouk len dren te dikell, havo kamlepen tout tire menshenge hi, te ladjenn le pen. Rhače len pre an tiri yagakri rholi, kolen kay kamenn tout gar.

O Debleskro Drom 2021 (Sinte)

¹¹ Baro Dewel, tiro wast hadal dur pre, te dess len trad. Un jon kamenn gar te dikell. Muk len dren te dikell, hawo kamlepen tut tire menshenge hi, te ladjenn le pen. Chatche len pre an tiri jagakri choli, kolen kai kamenn tut gar.

Jesaja 26:11 Iomraidhean Croise

Hiob 34:27

Kova krell lo doleske, kay djan yon leskro dromestar tele, oun dan gar yak ap kova, hoy yob lendar kamas.

Debleskri gili 10:12

Ste pre, baro Devel! Mo Devel, hade tiro vast! Ma biste i čorvelen!

Debleskri gili 21:8

O baro ray patsell ap o baro Debleste, ko Debleste pral halauter. Oun dran o Debleskro lačepen nay ačell o baro ray zoreles tardo.

Debleskri gili 28:5

Yon dikenn gar ap kova, hoy o baro Devel krell, vitar gar ap kova, hoy yob peskre vastentsa kras. Doleske vitsrell lo len ap i phoub, te nay stenn le bouder gar pre.

Debleskri gili 78:63

I terne morshen rhas i yag. Oun i terne ča nay hatsan bouder kek romes.

Debleskri gili 86:17

Sike mande, te hal tou mantsa lačes, baro Devel! Palle hounte ladjenn pen kolla, kay kamenn mange čilačepen, te dikenn le, kay tou ap miri rig hal, oun mire sva tele khosseh.

2. Mose 9:14

Te shouneh tou kava kopo pale gar, palle kamau me i djoungleder bibarht pral toute oun tire pralstunende oun pral tire tsele menshende te bičrell, te dikess oun hayvess, te hi kek ap kay phoub yaake har me.

Jesaja 1:31

Oun ko morsh, hoy zorelo his har i rouk, vell har moulo kasht. Oun ko zorelo koova, hoy lo kras, vell har i yag, hoy ko moulo kasht pre rhačell. Yaake djal lauter an i yag pre, oun kek nay krell koy yag vin.

Jesaja 10:16

Doleske bičrell o baro Devel, ko ray pral o bolepen oun i phoub, i nasslepen ap i pesse menshende an o them Assour, hoy rhal len pre. Oun i yag rhačrell lengro bravlepen pre.

Jesaja 10:17

Oun ko Devel, kay o Israeleskri momeli hi, vell i yag, ava, lengro Devel vell i yagakri čip, oun rhačrell i soubyengre bourra oun o soubyengro zenlepen pre ap yek dives.

Jesaja 11:13

Palle zilverenn i menshe an Efrayim bouder gar ap kolende an Youda. Oun kolla dran Youda krenn kolenge dran Efrayim bouder kek čilačepen.

Jesaja 18:3

Denn yak, t'mer menshe, kay ap i phoub djivenn, te rikrell yek o themeskri plarhta pre pral ap i berge, palle denn yak! Oun te phourdell yek an i phourdepaskri, palle shounenn koy!

Jesaja 37:32

Ava, dran o foro Yerusalem venna pale menshe, kay kolendar venna, kay djido ačan. Oun ap i berga Sion djivenn kolla, kay vin lino van dran o merepen. Yob, o baro Devel, ko ray pral o bolepen oun i phoub, hi, kay kova krell.

Jesaja 42:13

O baro Devel djal vin an o kourepen har i zorelo morsh; oun kourell pes har i kourepaskro, koleskro dji pherdo hi, te djal lo an o marepen. Zoreles dell lo o kourepaskri gole, oun kek daryah djal lo vin ap kolende, kay kourenn pen leha.

Jesaja 44:18

Kolla, kay mangenn i figuren an, hayvenn či, kek gosvepen hi an lende, lengre yaka hi pandlo, te nay dikenn le či. Oun lengro dji hayvell či.

Jesaja 44:9

Kolla, kay deblengre figure kran, hi či moldo, oun kol shoukar figure hi ninna čičeske. Oun kolla, kay mangenn len an, dikenn oun hayvenn či, hoy lengro devel krals.

Jesaja 5:24

Doleske merenn le tele har o zenlepen, koleskre draba nasselo hi, oun koleskri blouma tele perell, oun har o khass, pral koleste i yag djal oun les pre rhačrell. Yon kaman gar te djal o drom o baro Deblestar, kay hi o ray pral o bolepen oun i phoub. Oun i labendar lengro lačo Deblestar kaman le či te djinell.

Jesaja 59:17

Oun yaake har rivell i lourdo i sasterno gad an, yaake rivell yob o čačepen an. Oun yaake har i lourdo i sasterni stadi ap peskro shero čivell, yaake čivell yob o kourepaskri barht ap peste. Leskri rholi hi har i plaashka ap leste, te dell lo kolende pengri phagi, kay i vavarenge čilačepen kran.

Jesaja 60:14

Oun i čave kolendar, kay rikran tout tele, venn pash toute, oun čivenn pen glan toute tele. Oun kolla, kay praasan tout, vitsrenn pen glan tire herya an i čik. Oun yon kharenn tout foro o baro Deblestar, oun Sion, o foro o Israeleskro Deblestar.

Jesaja 63:15

Dik dran o bolepen tele, oun dik tele dran tiro raylo kheer! Kay hi tiro kamlepen, hoy menge rhačell? Kay hi tiri zoor? Hi tout bouder kek dji oun kek lačepen menge?

Jesaja 66:15

Dik, o baro Devel vell an i yag, oun leskre vourdya hi har i zorelo phourdepen. Yob dell len lengro čilačepen pale i bari rholyah, oun leskro čingepen hi har yag, kay rhačrell.

Jesaja 66:24

Oun yon djan vin, te dikenn le penge kol moule menshen an, kay mantsa phagan. Kolengro kirmo merell gar, oun lengri yag djal gar vin. Oun yon hi čadepaske halauterenge, kay dikenn le.

Jesaja 66:5

Shounenn, hoy o baro Devel penell, t'mer, kay glan leskro lab darenna. T'mer rikrenn pash mande, doleske rhoyrenn pen t'mare phrala pral t'mende, oun čivenn t'men pale, oun praasenn t'men oun penenn: Mou sikrell o baro Devel peskro barepen oun peskri zoor, te dikas mer, har yob t'men barhteles krell! Kolla hounte ladjenn pen palle.

Jesaja 9:18

I rholi o baro Deblestar, ko rayestar pral o bolepen oun i phoub, hi har i yag: O them rhačell, oun i menshe rhačrenn ninna. Oun kek rovas o vavareske, oun hakeno dikas kokres ap peste.

Jesaja 9:19

Oun lengri bok hi yaake baro, te taprenn le pal rhapen ap hake rigya, oun rhan hako tikno kotar, oun venn gar čalo. Hakeno krell o djipen o vavarestar paash.

Jesaja 9:7

O baro Devel rakras o čačepen vin pral o kheer Yakob. Oun leskri rholi peras ap i Israelende.

Jeremia 44:28

Kokres i vast pherdo lendar vell gar maredo o rhareha an Egiptia, oun vell pale an o them Youda. Yaake hayvenn halauter, kay pral ačan dran o them Youda, oun kay an o them Egiptia djan, te djivenn le kote, havo rakepen čačo vas, miro rakepen oder lengro rakepen.

Jeremia 5:3

Baro Devel, tire yaka dikenn ap i djipen an o čačepen. Tou dal len i phagi. – Yon hayvenn kova gar. Tou kral len paash moulo. – Oun yon ačan, har yon hi. Yon djan pal pengro shero. oun kamenn gar pengro čilačo drom te moukell.

Micha 5:9

O baro Devel penell: An ko tsiro lau t'mare grayen krik, oun tire vourdya dau khetne.

Micha 7:10

Kolla, kay rikrenn man tele oun poučenn mandar kay hi tiro baro Devel, yon hounte dikenn kova, oun hounte ladjenn. Oun mire yaka dikenn, har le khetne stakedo venna, har čik ap i drom.

Micha 7:16

te dikenn kolla an i vavar themma, hoy menge kreh, oun hounte ladjenn pen an pengri tseli zoor. Lenge ačell o rakepen krik, oun yon kamenn bouder či te shounell.

Mateo 25:41

Oun palle penell yob kolenge, kay ap leskri servi rig tardo hi: T'mer han tel o Debleskro praasepen tardo! Djan t'menge! Djan an koy yag, hoy rhačella hako tsiro, oun hoy hi o bengeske oun leskre kourepangre kerdo!

Louka 16:23

Har yob kanna an o moulengro them his, van bare douka ap leste. Oun yob dikas pre, oun dikas o Abrahames doural, oun o Lazaro his pash leste beshdo.

Bičepangre 28:27

Kol menshengre djia hi har bar, oun lengre kandentsa shounenn yon či. Lengre yaka hi pandlo, te nay dikenn yon či. Yon kamenn pengre yakentsa či te dikell, oun pengre kandentsa či te shounell. Oun pengro djiyeha kamenn le či te hayvell. Yon kamenn gar pengro phouro djipen te moukell, oun ap miro drom te djal. Doleske nay lau len gar dran o čilačepen vin. ”

2. Tessalonikarja 1:8

oun i yag hi troul lende. Palle vell o Debleskri rholi pral kolende, kay kaman lestar či te djinell, kolla kay shounan gar ap o lačo lab maro rayestar, o Yezousestar, oun kaman gar ap leskro drom te djal.

Hebrearja 10:27

Na-a, yob hounte trashell ko dives, kay vell o Debleskri rholi pral i phoub oun i zoreli yag pral kolende, kay kaman lestar či te djinell.

1. Petro 3:16

Rakrenn lentsa lačepah, oun krenn t'men gar bares pral lende! Rakrenn dran i djoudjo dji, te vell i ladj ap kolende, kay rakrenn djoungeles pral t'maro djipen o Yezous Kristeha!

Debleskro tsiro 19:20

Oun ko firho vas tapedo, ninna leskro rhorheno rakepaskro. Ko rakepaskro kras boud baro koova, oun anas kolen ap o bengeskro drom, kay o firheskro lab ap pende lan, oun ko firhes an-mangan, hoy i menshendar kerdo vas. Oun djides van kol douy an i bari yag vitsedo, hoy zoreles rhačella oun khandella.

Debleskro tsiro 3:9

Shounenn, hoy me kol bengeskre menshentsa krau, kay rhorhenn oun penenn pendar, te hi le o Debleskre menshe, oun yon hi kek Debleskre menshe. Me krau, te venn le pash t'mende, te vitsrenn le pen glan t'mende ap i phoub, oun te hayvenn le, te kamau t'men o tselo djiyestar.

1. Samuel 6:9

Palle sikrell pes, havi rigyatar koy bari bibarht pral mende vas: Te djan le pre an lengro them, ap o drom an Bet-Shemesh, palle his o baro Devel, kay savi bari bibarht ap mende anas. Te djan le ap i vavar rig, palle hayvah, te his gar leskro vast, hoy men das, oun kava tselo koova čičeske ap mende vas, oun kek bičras les.”