Jesaja 24:8 - O Debleskro Lab 2024 (Sinte-Manouche)

⁸ I bashepangre denn bouder gar ap i pauke. O gipen oun o khelepen vell bouder gar shounlo. Kek bashrell bouder ap i doryengre bashepangre.

O Debleskro Drom 2021 (Sinte)

⁸ I bashepangre denn buder gar ap i pauke. O gipen un o khelepen well buder gar shunlo. Kek bashrell buder ap i dorjengre bashepangre.

Jesaja 24:8 Iomraidhean Croise

Hiob 3:7

Kek djouvel te vell vavarčandes an koy rat, Kek te dell gole i barhtyatar an koy rat!

Hiob 30:31

Miri doryengri bashepaskri bashrell kokres ropaskre gilya. Oun o bashepen ap miri tikni phourdepaskri hi har o ropen pral yekeste, kay meras.

Debleskri gili 137:2

Mare harfe čivam kote ap kol rouka.

Jesaja 16:10

O gipen oun o sapen vell bouder gar shounlo tel i rouka an i baar. An o drakengro them dell bouder kek gole i barhtyatar. Kek mool vell kerdo. Kek gipen vell shounlo.

Jesaja 5:12

Yon moukenn penge mishto te djal oun krenn bashepen ap doryengre bashepangre oun phourdepangre oun vavar bashepangre. Oun mool hi ninna pashel. Ap kova, hoy o baro Devel krell, dikenn le gar. Kolestar kamenn le či te djinell.

Jesaja 5:14

O moulengro them bokell pal lende oun kras peskro mouy dour pre, oun peskri meen yaake dour har djal, oun rhal i bravelen oun kol vavaren, kay i barhtyatar gole dan oun khelan.

Jeremia 16:9

O baro Devel, ko ray pral o bolepen oun i phoub, kay ninna o Israeleskro Devel hi, penell: Me moukau o tsiro te vell, kay khelell oun givell kek bouder i barhtyatar an o them Youda. I barhteli gole o pirnestar oun leskri pirnyatar shounenn bouder gar. Kova vell glan t'mare yaka oun yaake rah har djivenna.

Jeremia 25:10

Me krau, te dell bouder kek barhtelo gipen. Oun koy barhteli gole o pirnestar oun i pirnyatar shounenn bouder gar. Vitar gar shounenn t'mer, har i djouvya djob tiknes krenna mank douy barra. Oun kek momeli rhačell an t'mare khera.

Jeremia 7:34

Oun o them Youda vell i moulo them. An lengre forya oun ap kol dromma an Yerusalem givell oun sal kek bouder i barhtyatar. Oun koy barhteli gole o pirnestar oun i pirnyatar shounah mer bouder gar.”

Ropaskre gilja 5:14

I pralstoune hi bouder gar beshdo an o foreskro voudar. Oun i terne morsha bashrenn bouder gar ap i doryengre bashepangre.

Ezekiel 26:13

Me krau, te vell bouder kek gipen an toute shounlo, vitar kek doryengro bashepen.

Ezekiel 28:13

Tout his i shoukar djipen, har te djivals an o Debleskri bar Eden. Ap toute his hake kouč barra: Rubin, Topas, Diamant, Krisolit, Onyx, Yaspis, Safiro, Karfunkel oun Smaragdo. Kol barra his an shoukar kerdo sonakay dren pandlo, oun touke koy, te less len ap ko dives, kay boldo val.

Hosea 2:11

Doleske kamau miro djob oun mire drake pale te lell an ko tsiro, kay le baro van, oun dren anlo vans. Ninna lau latar mire bakrengre balla, oun miro layntikre thaba lakre ripyenge.

Amos 6:7

Doleske venn t'mer i glanstoune kolendar, kay venn pandles krik anlo. T'maro shoukar djipen oun pipaskro tsiro hi trouyel.

Debleskro tsiro 18:22

Kek bashepen oun kek gipen shounenn le bouder kote. Kek boudepaskro boudrella bouder koy. Kek djob hi bouder koy, te vell dran leste yarro kerdo.