Jesaja 24:2 - O Debleskro Lab 2024 (Sinte-Manouche)

² i rashaya oun i vavar menshe, o ray oun o boudepaskro, i rayetsa oun i boudepaskretsa, o bikepaskro oun o ginepaskro, kova, kay peske love patsell oun kova, kay love vin patsell, koles, kay siyaan hi oun kova, pash koleste yekes siyaan hi.

O Debleskro Drom 2021 (Sinte)

² i rashaja un i wawar menshe, o rai un o budepaskro, i rajetsa un i budepaskretsa, o bikepaskro un o ginepaskro, kowa, kai peske lowe patsell un kowa, kai lowe win patsell, koles, kai sijaan hi un kowa, pash koleste jekes sijaan hi.

Jesaja 24:2 Iomraidhean Croise

1. Mose 41:50

Glan ko tsiro, kay i bok pral o them vas, van o Yosefeske douy morsh čave boldo. Lengri day his i Asnat, kolakro dad o rashay Potifera an o foro On his.

2. Familjakro liil 36:20

Oun kolen, kay gar o rhareha maredo van, anas lo pandles an o them Babilonia. Oun yon hounte boudran leske oun leskre čavenge, bis ko tsiro vas, kay i Persarya i bare raya van.

Jesaja 2:9

Doleske vell hakeno tiknes kerdo, oun hakeno hounte ladjell pes. Ma biste koy doosh, hoy le ap pende anan!

Jesaja 24:3

I tseli phoub vell nango oun či ačell pral ap late. Ava, vi-randedo oun vin čoredo vell li. Kova rakras o baro Devel.

Jesaja 28:7

Ninna i rashaya oun o Debleskre rakepangre hi mato i molyatar, oun perenn yek rigyatar ap i vavar o zorelo pipastar, hoy le piyan. Yaake boud mool oun zorelo pipen piyan le, te nay ačenn le bouder gar tardo. Te rakrenn le o Debleskro lab vin, hi le mato koy pashel. Te krenn le o čačepen vin, perenn le yek rigyatar ap i vavar.

Jesaja 5:15

Oun yaake vell o mensho tikno, oun hounte dikell dren, te hi lo či. Oun kolla, kay dikan tele ap i vavarende, hounte čivenn pengre yaka tele pherdi ladj.

Jeremia 41:2

Oun o Ismael stas khetne peskre deesh morshentsa pre, kay pash leste his, oun dan o Gedalya o rhareha moulo, koles o baro ray dran o them Babilonia pral o them čivas.

Jeremia 42:18

Doleske penell o baro Devel, ko ray pral o bolepen oun i phoub, kay o Israeleskro Devel hi: Te djan t'mer an o them Egiptia, vell miri zoreli rholi yaake pral t'mende har vas li pral i menshende an o foro Yerusalem. An o them Egiptia han har praasede menshe. Pral kolende denn le i vasta khetne pral o shero. Yon san pral t'mende. Oun te kamenn le yekes te praasell, penenn le: Mou djal touke har i Israelenge an o them Egiptia! Oun kava them, kay kanna han, dikenn t'mer bouder gar.

Ropaskre gilja 4:13

Kova vas pral o foro koy doshake, hoy o Debleskre rakepangre oun i rashaya ap pende anan. Yon moukan kote save menshen te marell, kay kek čilačepen kran.

Ropaskre gilja 4:16

O baro Devel kamell len bouder gar te dikell. Yob hi kova, kay tradas len kate te kote. Ap kol rashayende dikas bouder kek pre, oun i phourentsa djan le gar kamles trouyel.

Ropaskre gilja 4:6

Koy doosh, hoy mire menshe ap pende anan, hi bareder har koy doosh, hoy anan i menshe an o foro Sodom pral pende. Kolengro foro djas sik tele, oun kek vast vas lenge ap i rig.

Hosea 4:9

Doleske djal i rashayenge yaake har kol vavar Israelenge: Me dau t'men lauteren i phagi, oun dau t'men pale pal kova, hoy t'mer kran.