Jesaja 24:16 - O Debleskro Lab 2024 (Sinte-Manouche)

¹⁶ Dran themma, kay dour mendar krik hi, shounah o gipen: “Sharedo vell o Devel, kay o čačepaskro hi.” Me penom mange: Mange hi ropaske! Mange hi ropaske! Har djoungelo djal mange? Phoukepangre phoukrenn, ava, phoukepangre phoukrenn, oun moukenn gar tele pengro phoukepah.

O Debleskro Drom 2021 (Sinte)

¹⁶ Dran themma, kai dur mendar krik hi, shunah o gipen: “Sharedo well o Dewel, kai o tchatchepaskro hi.” Me penom mange: Mange hi ropaske! Mange hi ropaske! Har djungelo djal mange? Phukepangre phukrenn, awa, phukepangre phukrenn, un mukenn gar tele pengro phukepah.

Jesaja 24:16 Iomraidhean Croise

Debleskri gili 106:15

Kote das lo len, hoy yon mangan, oun das len yaake boud, te vas lenge kova dran o nak vin.

Debleskri gili 119:158

Me nay dikau kol phoukepangren gar glan i yaka, kay rikrenn pen gar ap tire laba.

Debleskri gili 2:8

Te mangeh mandar i tsele themma, dau me len toute. Ava, i tseli phoub dau me toute, te vell li tiro.

Debleskri gili 58:10

Lenge djal har i soubyengre bourra: I baro dourho tserdell len dran i phoub vin. Yaake phourdell o Devel len krik an peskri bari rholi.

Debleskri gili 65:8

Tou peneh ap o divyo pani: “Mouk tele”, oun ap o pani, hoy dour pre djal: “Čip tout”, oun ap koy divyi gole, hoy i menshe an vavar themma krenna: “Ač kanna!”

Debleskri gili 67:7

I phoub moukas lačo rhapen bares te vell; o Devel, maro Devel das men barht.

Debleskri gili 98:3

Yob bistras gar peskro lačepen o khereske Israel, oun rikrell peskro lab, hoy das lo lende. I tseli phoub dikas, har las lo len vin dran o čilačepen.

2. Mose 15:11

Kek hi yaake har tou, o baro Devel. Kek hi yaake har tou mank lauterende, kay kharenn pen Devel! Tou hal o čačo Devel, oun kek vavar hi yaake zorelo har tou! Tou kral dareno koova, hoy kek vavar nay krella.

Jesaja 10:16

Doleske bičrell o baro Devel, ko ray pral o bolepen oun i phoub, i nasslepen ap i pesse menshende an o them Assour, hoy rhal len pre. Oun i yag rhačrell lengro bravlepen pre.

Jesaja 11:12

Oun yob čivell i sikepen pre, te sikrell lo kol menshen an i vavar themma, te anell lo kolen khetne, kay dran Israel oun Youda vin tradedo his. Kolen anell lo pale dran hake rigya i phoubyatar.

Jesaja 17:4

An ko tsiro hi o themes Israel bouder kek raylepen, kote, kay bravlepen his, hi kanna čorvlepen.

Jesaja 21:2

Havo pharo koova vas mange siklo! O phoukepaskro phoukrella, oun o randepaskro randella. T'mer lourde dran i themma Elam oun Media, krenn t'men ap o drom, oun čivenn t'men pre troul lo foro Babilon. O baro Devel krell, te hounte rovell bouder kek pral kova, hoy i Babilonarya kran.

Jesaja 26:15

Baro Devel, tou moukal tire menshen boud te vell, mer vam i bari natsyona. Oun maro them kral bareder oun bourhleder. Yaake sikral tiro barepen oun tiri zoor.

Jesaja 28:5

Ap ko dives hi o baro Devel, ko ray pral o bolepen oun i phoub, har i shoukar rayeskri stadi oun shereskro sonakay kolenge, kay pral ačan leskre menshendar.

Jesaja 33:1

Djungeles djal touke, kay tou lauter khetne dal, oun kokres val gar khetne dino. Djungeles djal touke, tou phoukepaskro, ap koleste kek phoukras. Pal kova, kay dal halauter khetne, veh tou ninna khetne dino. Pal kova, kay phoukral ap hakeneste, phoukrenn le ap toute ninna.

Jesaja 42:10

Givenn o baro Debleske i nevi gili! Sharenn les ap i tseli phoub bis an i palstoune themma! Sharenn les, t'mer, kay ap o baro pani oulerenn, oun t'mer lauter, kay an o baro pani djivenn! Ninna t'mer, kay an o panyeskre themma djivenn, sharenn les!

Jesaja 48:8

An kek tsiro shounan t'mer, hoy penom, vitar gar kaman kova te djinell. Oun i rah tsiro his t'mare kanda pandlo mire labenge. Čačepah, me djinom t'maro phoukepen. Oun yaake rah har ap i phoub han, venn t'mer kharedo: Kolla, kay kamenn či o Deblestar te djinell.

Jesaja 52:10

Glan i yaka i menshendar an i tsele themma sikrell o baro Devel peskri zoor, kolah yob peskre menshen vin lell dran o pandepen. Ap i tseli phoub dikenn le, har maro Devel peskre menshen khere anell.

Jesaja 6:5

Oun me penom: “Kanna hounte merap! Me hom i morsh, dran koleskro mouy savo rakepen djas, te nay vau me gar glan o Debleste. Oun me djivau mank menshende, dran kolengre mouya ninna savo rakepen djal. Oun mire yakentsa dikom o baro rayes, les, o baro Debles, kay hi o ray pral o bolepen oun i phoub.”

Jesaja 60:21

Tire menshe hi halauter an o čačepen tardo. Oun kava them hi lenge hako tsireske. Yon hi har i tikne rouka, hoy čivom an i phoub, oun hoy bares van. Mire vastentsa krom len, te sikrap miro raylepen.

Jeremia 12:1

Baro Devel, kamoms gar te penap, kay tou doosh ap toute anal. Djinau, tou hal an tiro čačepen. Ninna te hi yaake, kamau te poučap toutar, har nay hayvap tiro čačepen. Hoske djal kolenge mishto, kay djivenn i čilačo djipen? Hoske hi kolen, kay toutar krik djan, halauter, hoy len hounte vell?

Jeremia 12:6

Ninna tire phrala oun i menshe dran tiro dadeskro kheer moukan tout te perell, oun dan čilačes gole pal toute har kol vavar. Dik tout glan lendar, ninna te rakrenn yon kamlo touha.

Jeremia 3:20

Čačepah, har i romni, kay rhorhras peskro romes i vavar morsheha, yaake rhorhras man o kheer Israel. Me, o baro Devel, penau kova.

Jeremia 5:11

Yon sikran mange o doumo, penell o baro Devel, kol menshe an Israel oun kol menshe an Youda.

Ropaskre gilja 1:2

An i rati roveh, oun tire sva nashenn touke i čamya tele. Kek tire tsele pirnendar vell, oun penell touke i kamlo lab. Tire tsele mala moukan tout, oun van čilačes ap toute.

Hosea 5:7

Yon phagan mantsa, o baro Debleha, oun anan čave ap i phoub, kay man gar prindjrenn. Doleske venn le halauter krik lino an kol divessa, kay vell o nevo čon diklo, – yon khetne pengro themeha.

Hosea 6:7

Yaake sik har van le an o them dren pash o foro Adam, rikran le pen bouder gar ap kova, hoy me, o baro Devel lentsa vin krom, oun moukan man.

3. Mose 26:39

Kolla, kay pral ačenn t'mendar, lendar merell yek pal o vavar an kol themma kolendar, kay len pandles krik anan. Kova djal lenge doleske, kay moukan le o baro Debleskro drom, yon oun ninna lengre phoure.

Micha 5:4

Oun yob anell lenge i lačo tsiro. Te venn i lourde dran o them Assour an maro them, oun phagenn an mare khera dren, čivah mer zorele pralstunen oun rayen pre, te rikrenn le len pale.

Habakuk 1:13

Tire yaka hi yaake djoudjo, te nay dikeh kek čilačepen. Tou nay dikeh gar har i menshe doukedo venna. Hoske kreh tou či, te dikeh kol rhorhene phoukepangren, oun peneh kek lab, te rhal o čilačo koles pre, kay hi lačeder oun čačeder har yob?

Habakuk 1:3

Hoske moukeh tou man savo čilačepen te dikell? Hoske dikeh tou, har i menshe doukedo venna, oun kreh či? Kay dikau, dikau čorepen oun djoungelo koova, kourepen oun čingepen.

Markus 13:27

Palle bičrell lo i bolepangren pral i tseli phoub, te anenn le dran hako them kolen khetne, kay len o Devel peske vin rodas.

Bičepangre 13:47

Kova penas menge o Devel: Me krom, te venn t'mer i momeli kol menshenge, kay hi gar bibolde. Penenn lenge, te lau me len dran o čilačepen oun dran o merepen vin!”

Debleskro tsiro 15:3

Oun yon givan koy gili, hoy o Debleskro boudepaskro, o Mose, givas. Yon givan lat o terno bakreske, oun penan: Baro oun shoukar hi halauter, hoy tou kral, maro ray, tou zorelo Devel! Mishto oun čačo hi tire dromma, baro ray pral i tsele themma!