Jesaja 23:13 - O Debleskro Lab 2024 (Sinte-Manouche)

¹³ Kolla, kay kova t'mentsa kran, hi gar i menshe dran Assour, na-a, kolla hi i menshe dran Babilonia. Yon kran, te vas tiro foro i moulo foro, kay divye firhe djivenna. Bare dromma kran le, hoy djan pral ap i foreskre massourya, te nay venn le an o foro dren, oun phagan i shoukar khera tele. O forestar ačas kek bar ap i vavar.

O Debleskro Drom 2021 (Sinte)

¹³ Kolla, kai kowa tumentsa kran, hi gar i menshe dran Assur, na-a, kolla hi i menshe dran Babilonia. Jon kran, te was tiro foro i mulo foro, kai diwje vieche djiwenna. Bare dromma kran le, hoi djan pral ap i foreskre massurja, te nai wenn le an o foro dren, un phagan i shukar khera tele. O forestar atchas kek bar ap i wawar.

Jesaja 23:13 Iomraidhean Croise

1. Mose 11:28

O Haran meras glan peskro dadeste an peskro dadeskro them Kaldea, an o foro Our.

1. Mose 11:31

Oun o Tera las peskro čaves Abram peha oun o Lot, ko čavo peskro čavestar Haran, oun i Saray, koy romni peskro čavestar Abram. Oun khetne moukan le ko foro Our, hoy an o them Kaldea čiddo hi, te djan le an o them Kanaan. Oun yon van pash o foro Haran oun ačan kote.

1. Mose 11:9

Doleske kharell ko foro Babel. Kote kras o baro Devel, kay yek i vavareskro rakepen bouder gar hayvella. Yaake kras yob, te ačan le koy bouder gar khetne oun hounte djan dran yek them an i vavar pral i tseli phoub.

1. Mose 2:14

Oun ko lab o triinto panyestar hi Tigris. Kova nashell ap koy rig o themestar Assour, kay o kham pre djala. Oun o starto pani hi o Eufrat.

2. Rajengro liil 17:24

Har i Israelitarya dran o them Samaria krik anlo van, moukas o baro ray pral o them Assour menshen dran vavar forya te vell, te djivenn le kote. Kolla van dran i forya Babilon, Kouta, Ava, Hamat oun Sefarvayim, oun djivan kanna an kol forya an o them Samaria. Oun yaake lan le kava them dren.

2. Rajengro liil 20:12

O baro ray pral o them Babilonia, o Merodak-Baladan, koleskro dad o Baladan hi, shounas, kay o Hiskiya nasselo his. Oun yob bičras leske i liil oun kouč koova.

2. Familjakro liil 33:11

Doleske moukas o baro Devel i pralstunen pengre lourdentsa dran o them Assour pral lende te vell; kolla tapran o Manasse i sasteha oun pandan les shellentsa dran lolo saster, oun anan les an o them Babilonia.

Hiob 1:17

Har ko boudepaskro gomme rakras, vas i vavar oun penas: “I Kaldearya van ap triin rigya oun peran pal tire khamele dren oun lan len penge krik, oun dan tire boudepangren o rhareha moulo. Oun me nay nashom, me kokres, te nay penap kova touke.”

Debleskri gili 72:9

Glan leste moukenn pen kolla tele te perell, kay an o moulo tato them djivenna. Oun kolla, kay les gar kamenna, hounte čivenn pen glan leste an i čik.

Jesaja 10:5

Havi bibarht vell ap i menshende an o them Assour! Har homs rhoyedo ap o Israel, his i Assirya har i kasht an miro vast, koleha i Israelitaryen dom.

Jesaja 10:7

O baro rayes pral o them Assour his kova gar doha. Oun yob las pes gomme boudeder glan, oun kamas i menshen an boud themma temerl dell, yaake boud har djala.

Jesaja 13:19

O Babilon his i shoukester foro mank i rayengre themma. Koleha sharenn pen i Kaldearya. O Devel krell kava foro paash, yaake har lo i forya Sodom oun Gomorra paash kras.

Jesaja 13:21

Divye firhe dran o moulo them djivenn koy. I khera venn pherde ratsyakre čirkle. Bare divye čirkle djivenn koy, oun divye bouzya khelenn koy.

Jesaja 18:6

Oun kolla lauter moukell lo čiddo i čirklenge, kay mass rhan ap i berge, oun i divye firhenge ap i phoub. Oun kol čirkle rhan kolendar o tselo niyal oun kol divye firhe o tselo vend.

Jesaja 43:14

O Israeleskro Devel hi o baro Devel, kay t'men dran o pandepen vin lell, oun penell: T'menge, kay an o them Babilonia han, bičrom yekes koy, te anell lo t'men, kay pandle han, vin. Oun kol Babilonarya, kay kanna i barhteli gole denn, rovenna palle.

Ezekiel 23:23

kol morsha dran o foro Babilon oun dran kol vavar forya an o them Babilonia, ninna kol morsha dran Pekod oun Shoa oun Koa, oun khetne lentsa kolla dran o them Assour. halauter shoukar terne morsha, pralstoune oun bare lourde, oun kourepangre oun raya, kay lauter ap pengre graya klissenn.

Ezekiel 29:18

Tou, mensho, shoun! O Neboukadnezar, ko ray pral o them Babilonia, moukas peskre lourden i phari boudi te krell, har lan le o foro Tirus dren: Ap lengre sherya his bouder kek balla, oun lengre phika his pre oun yek doukepen. Fothe yon ninna boudran, an o foro Tirus his leske oun leskre lourdenge kek playsepen.

Daniel 4:30

Oun gomme an ko tsiro, har lo koy pral tardo his, vas kava lab čačo. Oun yob vas pale-čiddo oun djivas bouder gar mank i menshende. Oun yob rhas khass har i groumya. Oun yob čivas pes vin tele. Oun o brishin peras ap leste tele oun kras les sapeno. Leskre balla van yaake lengsto har i phora bare čirklendar, oun leskre naya bango har i čirklengre tsebe.

Habakuk 1:6

Me krau te venn i Babilonarya zoreles, kol čilače oun sik kourepangre. Pral i tseli phoub venn le, de lenn le penge vavar themma dren hoy gar lengro his.

Bičepangre 7:4

Koy djas o Abraham dran ko them Kaldea, oun djivas an o foro Haran. Oun har leskro dad meras, anas o Devel les an ko them, kay t'mer kanna djivenna.