Jesaja 23:1 - O Debleskro Lab 2024 (Sinte-Manouche)

¹ Kate sikrell o Devel, hoy pral o foro Tirus vella: “T'mer ap i shiffe, kay venn khere dran Tarsis, rovenn! O foro Tirus hi khetne phagedo. Kek kheer ačas tardo.” Har van le pash o them Kittim, shounan le kova.

O Debleskro Drom 2021 (Sinte)

¹ Kate sikrell o Dewel, hoi pral o foro Tirus wella: “Tumer ap i shiffe, kai wenn khere dran Tarsis, rowenn! O foro Tirus hi khetne phagedo. Kek kheer atchas tardo.” Har wan le pash o them Kittim, shunan le kowa.

Jesaja 23:1 Iomraidhean Croise

1. Mose 10:4

I menshe, kay van pal o Yavan, hi o Elisha, o Tarsis, i Kitarya oun Rodanarya.

1. Rajengro liil 10:22

Oun o baro rayes his bare shiffe. Kolla djan khetne kol shiffe o rayestar Hiram ap o baro pani. Kalla van yek kopo an triin bersha, oun anan sonakay oun roup, kouč parno dand, oun affe oun raile čirkle.

1. Rajengro liil 22:48

An ko tsiro his kek Edomari o ray pral o them Edom. I pralstouno morsh, bičedo o rayestar dran Youda, his o ray pral o them.

1. Rajengro liil 5:1

Oun yaake his o Salomo o baro ray pral i tsele themma, hoy hi čiddo mank o pani Eufrat oun ko them, kay i Filistarya djivan, oun tele bis pash o them Egiptia. Pral kolende his les penepaske, oun yon playsran leske roup oun sonakay, yaake rah har yob djivas.

2. Familjakro liil 9:21

Oun o rayes his bare shiffe. Kolla djan khetne kol shiffe o rayestar Hiram ap o baro pani bis pash Tarsis. Kalla van yek kopo an triin bersha, oun anan sonakay oun roup, kouč parno dand, oun affe oun raile čirkle.

Debleskri gili 48:7

Lengri daar his yaake baro, te trissan le. Lengri traash his har i traash i djouvyatar, kay lell li i ternepen.

Jesaja 15:8

Troul o tselo them Moab trouyel vell ko ropen shounlo, oun djal bis Eglayim oun Beer-Elim.

Jesaja 2:16

i tsele bare shiffe an o baro pani, oun i tsele shoukar bere.

Jesaja 23:12

Oun yob penas ap i menshende an Sidon: T'menge djal har i terni čake, hoy zoryah an-tapedo vas. T'mer givenn oun stenn bouder gar i barhtyatar. Ninna te krenn t'men ap o drom oun djan an o them Kittim, vell t'men kote kek barht.

Jesaja 23:6

Oulerenn vergel pash o them Tarsis! Rovenn oun denn gole, t'mer kay pash o baro pani djivenn.

Jesaja 24:10

Tele phagedo oun khetne stakedo hi o foro, hako kheer hi tele pandlo, te nay vell kek dren.

Jesaja 60:9

Ap mande dikenn i menshe vergel o baro pani. Oun i shiffe, hoy venna dran Tarsis, oulerenna glan vin, te anenn le tire čaven, hoy dour krik his, khere. Oun lengro sonakay oun roup anenn le peha, te sharenn le tiro baro Debles. Yob kokres hi o Israeleskro čačo Devel, oun kova, kay kras tout raylo.

Jeremia 2:10

Djan pral o baro pani pash i panyeskre themma, kay kol Kitarya djivenn, oun dikenn t'men trouyel! Bičrenn morshen an o them Kedar oun lenn i menshen kote ninna an o yak! Krenn yon savo koova har t'mer kran?

Jeremia 25:15

O baro Devel, ko Devel pral o Israel, penas ap mande: Le ko khoro mool dran miro vast. Kava khoro hi pherdi miri rholi. De les i tsele natsyonenge te piyell, pash kolende me tout bičrau.

Jeremia 25:22

i bare raya an i forya Tirus oun Sidon; i bare raya an i themma vergel o baro pani;

Jeremia 47:4

Ko dives vas, kay nashrenn i tsele Filistarya pengro djipen. Kek ačell djido, kay nay vals kol foryenge Tirus oun Sidon ap i rig. O baro Devel marell kol Filistaryen, kolla kay ačan kolendar pral, kay van dran ko panyeskro them Kreta.

Ezekiel 26:1

An o 11. (deesh-te-yekto) bersh har hams an o pandepen, ap o ersto dives an o čon penas o baro Devel ap mande:

Ezekiel 26:2

Tou, mensho, kol menshe dran o foro Tirus san oun penenn pral o foro Yerusalem: Tele phagedo hi ko foro, kolestar boud parepangre vin djan an vavar themma parepaske. Kanna ham mer kolla, kay venn bravelo. O forestar Yerusalem ačas či har barra pral!

Ezekiel 27:30

Hi i bari gole, hoy le pral toute denn, oun o djiyestar troul toute rovenn. Ap lengre sherya vitsrenn le čik, oun čivenn pen an i yagakri čik.

Ezekiel 27:6

Tire lengste činle kashta his dran cipresstikro kasht, hoy dran o them Kittim lino vas. Dren čiddo an kol kashta his elefantikro dand. Dran o them Bashan vas aichtikro kasht. Kolestar činan le kol kashta, kolentsa o shiffo tserdedo vell.

Daniel 11:30

Kotar, kay o panyeskro them Kittim hi, venna shiffe oun djan yaake khatar leste, te taprell les i daar. Oun yob djal pale. Palle vell lo rhoyedo ap o Debleskre menshende oun lengro patsepen oun krell lenge čilačepen, oun čivell pes kolentsa khetne, kay o Debleskro drom moukan.

Jona 1:3

Oun o Yona stas pre oun kamas glan o baro Debleste an o foro Tarsis te nashell, oun vas tele an o foro Yafo. Oun har lo i shiffo hatsas, hoy kamas pash o foro Tarsis te oulerell, das lo love koy, oun stas dren, te nay oulerell lo lentsa pash o foro Tarsis, oun te vell lo glan o baro Debleskre yaka bouder gar diklo.

4. Mose 24:24

Oun shiffe venna dran o them Kittim oun anenn lourden, kay perenn an i themma Assour oun Eber. Pal halauter djal ninna Kittim paash.”

Louka 10:13

“Bibarhtelo venna t'mer menshe an o foro Betsayda! Bibarhtelo venna t'mer menshe an o foro Korazin! Te krals yek an i forya Tirus oun Sidon savo baro koova an o Debleskri zoor, har me pash t'mende krom, rivans i menshe kote i gono troul pende, oun beshans pen an i yagakri čik, te sikrenn le, kay lengro čilačepen khaytell len. Oun yon moukans pengro čilačo drom, oun djans ap o Debleskro drom.

Josua 19:29

Foun kotar djas o drom bis pash o foro Rama, oun doureder bis pash ko zorelo foro Tirus, palle bis pash o foro Hosa oun doureder bis pash o Baro Pani. An o them Asser his i forya Mahaleb, Aksib,