Jesaja 22:2 - O Debleskro Lab 2024 (Sinte-Manouche)

² O foro hi pherdi gole oun pherde barhtele menshe, kay divyes trouyel nashenn. Kek t'mare lourdendar, kay moules ap o drom čiddo hi, vas moulo dino o rhareha. Yon meran gar an o kourepen.

O Debleskro Drom 2021 (Sinte)

² O foro hi pherdi gole un pherde bachtele menshe, kai diwjes trujel nashenn. Kek tumare lurdendar, kai mules ap o drom tchiddo hi, was mulo dino o chareha. Jon meran gar an o kurepen.

Jesaja 22:2 Iomraidhean Croise

Jesaja 10:4

Te han gar mank kolende, kay moulo dino van, ačell t'menge či pral, har te čivenn t'men glan tele kolentsa, kay pandle van. Oun pral kova lauter moukell o Debleskri rholi t'mendar gar tele, oun leskro vast ačell pre hadedo, te dell lo t'men i phagi.

Jesaja 23:7

Hi kava t'maro foro, kay sapen oun khelepen dren his, ko foro, hoy an i phoure tsirya kerdo vas? Kolengre parepangre an dour themma djan oun kote pen tele moukan?

Jesaja 32:13

Ap i harhetikri phoub mire menshendar venn soubyengre bourra oun soubyengro zenlepen baro. Rovenn ninna troul i khera, kay pherdo sapen his an ko barhtelo foro.

Jesaja 32:14

An o rayeskro kheer vell kek bouder. Mouklo vell o foro, kay yaake boud menshe trouyel nashenn. I zorele barrengre khera oun o turmo, kay pral an o foro tardo hi, perenn khetne. Oun mank lende djivenn divye bourike i rah tsireske, oun bakre oun groumya rhan kote.

Jesaja 37:33

Doleske penell o baro Devel pral o baro rayeste dran o them Assour: Na-a, yob vell gar an kava foro, oun dell kek faylo karye an kava foro dren. Glan kava foro nay čivell lo kek lourden, kay rikrenn pengre shilte pre. Oun kek phoub moukell lo pre te čivrell, te nay djal lo koy pral an o foro dren.

Jesaja 37:36

Oun an koy rati vas o baro Debleskro bolepaskro kote, kay i lourde dran o them Assour sovan, oun maras 185.000 (sheel-orhta-deesh-te panč zerya) morsha lendar. Oun har le taysarlakro pre stan, his kote lauter moule čiddo.

Jeremia 14:18

Djau me vin ap o them, dikau me menshen, kay peran an o kourepen. Vau me an o foro, hi koy menshe čiddo, kay meran i bokatar. Ninna Debleskre rakepangre oun rashaya nashenn trouyel an o them, oun djinenn gar, hoy te krenn.

Jeremia 38:2

Kova penell o baro Devel: Kova, kay ačell an kava foro, kova vell o rhareha, i bokatar oun i nasslepastar maredo. Oun kova kay djal vin pash i Babilonarya, kova ačell djido, ninna te ačell leske či har peskro djipen.

Jeremia 52:6

Ap o enyato dives an o starto čon vas i bok bares an o foro, oun i menshen his bouder či te rhal.

Ropaskre gilja 1:1

Yerusalem, har mouklo hal koy čiddo, tou, kay hals pherde menshe! An-diklo hals pash i tsele themma. Kanna hal kokres har i romni, kolakro rom meras. I rayetsa hals pral vavar themma. Kanna hounte boudress i vavarenge.

Ropaskre gilja 2:20

Baro Devel, mouk tire yaka ap mende te dikell! Dik, koneha yaake trouyel djal! Hounte rhan i djouvya pengre čave, kolen yon ap i moussya hidjrenn? Hounte venn i rashaya oun tire rakepangre an tiro kheer moulo dino?

Ezekiel 22:5

Kolla, kay dour hi, oun kolla kay gar dour t'mendar djivenn, san pral t'mende. T'maro foro vell kharedo pale-čiddo foro. Kek rikrell pes ap čačepaskre laba.

Zefanja 2:15

Yaake djala ko foreske, hoy hi yaake pre-phourdo, oun koleskre menshe patsenn, te djal lenge kek čilačepen, oun an pengro dji penenn: “Dell kek foro har maro foro!” Har mouklo vell ko foro! Divye firhe djivenna koy! Hakeno, kay nashell koy trouyel, sal pral leste, oun dell peskre vasta pral o shero khetne.