Jesaja 22:11 - O Debleskro Lab 2024 (Sinte-Manouche)

¹¹ Oun mashkral kol douy massourya kran t'mer i panyeskro kheer o panyeske dran o Phouro Pani. Ap o Debleste, kay kova lauter kras, dikan t'mer gar, oun ap koleste, koles kova glan i rah tsiro an peskro dji his, rikran t'men gar.

O Debleskro Drom 2021 (Sinte)

¹¹ Un mashkral kol dui massurja kran tumer i panjeskro kheer o panjeske dran o Phuro Pani. Ap o Debleste, kai kowa lauter kras, dikan tumer gar, un ap koleste, koles kowa glan i rah tsiro an peskro dji his, rikran tumen gar.

Jesaja 22:11 Iomraidhean Croise

2. Rajengro liil 20:20

Ko tselo vavar, hoy pral o Hiskiya penepaske hi, oun leskro baro koova, hoy lo kras, hi činlo an o familyakro liil kol bare rayendar pral o them Youda. Kote hi ninna činlo, har lo ko tikno pani dren pandas oun ko panyeskro drom kras, te nay vell ko pani an o foro dren.

2. Rajengro liil 25:4

Kote phagan i Babilonarya an o foro dren. Oun an koy rati nashan i tsele kourepangre vin dran ko voudar mashkral kol douy massurya, hoy hi pash o rayeskro baar, ninna te his i Babilonarya troul o foro čiddo. Koy nashas o Sedekya peskre lourdentsa an o telstouno them, kay o pani Yordan nashell.

2. Familjakro liil 6:6

Kanna rodom mange Yerusalem vin, te vap kote an-mangedo. Oun me rodom mange o Davides vin, te vell yob o ray pral mire menshende Israel.

Nehemia 3:16

Pal koleste boudras o Nehemya, koleskro dad o Azbouk his. O Nehemya his o pralstouno pral o paash ko themestar troul o foro Bet-Zur. Yob kras i massouri bis pash o Davideskro moulengro kheer oun bis pash ko tikno pani, hoy kerdo vas, oun bis pash o kheer, kay i lourde djivan.

Jesaja 17:7

Ap ko dives dikenn i menshe ap koleste, kay len kras. Kova hi o Israeleskro Devel.

Jesaja 31:1

Djungeles djal kolenge, kay djan tele pash i Egiptaryen, te mangenn le lendar, te venn yon lenge ap i rig; oun patsenn, kay kolengre graya oun boud kourepaskre vourdya oun kol zorele klissepangre len vin lenn dran i čilače vasta. Oun ap o Israeleskro Debleste, kay kokres o Devel hi, dikenn le gar. Ava, pal o baro Debleste poučenn le gar!

Jesaja 37:26

Shoun oun mouk touke te penell: Kova vas yaake har me kamom. Glan i rah tsiro his yaake an miro shero. Kanna moukom te djal, kay tou val, oun zorele forya paash dal. Oun kokres lengre barra pral ačan.

Jesaja 7:3

Oun o baro Devel penas ap o Yesaya: Dja vin, dja pash o Ahas, tou oun tiro čavo Shear-Yashoub. Tou hatseh les kote, kay o panyeskro drom gar doureder djal, pash ko pralstouno pani, ap ko drom pash koy platsa, kay kolla boudrenn, kay plarhte krenna.

Jesaja 8:17

Me kamau ap o baro Debleste te dikell. Miro dji djal leske palla, ninna te khatras lo peskre yaka o Yakobeskre menshendar.

Jeremia 39:4

Har o Sedekya, ko ray pral o them Youda, oun leskre lourde kova dikan, nashan le penge rati dran o foro vin, ap ko drom, hoy djal an o rayeskri baar. Kote his i voudar mashkral kol douy massurya. Dran ko voudar nashan le penge ap koy rig, kay o telstouno them o panyestar Yordan hi.

Micha 7:7

Me kamau te dikap ap o baro Debleste, oun rikrau man ap leste, te vell lo ap miri rig. Miro Devel shounell miri gole.