Jesaja 21:5 - O Debleskro Lab 2024 (Sinte-Manouche)

⁵ O rhapen hi ap i rhapaskri čiddo, oun i stakepangre hi ap i phoub čiddo, yon rhan oun piyenn. Koy dell yek gole: “Stenn pre, t'mer pralstoune! lenn t'mare shilte an o vast!”

O Debleskro Drom 2021 (Sinte)

⁵ O chapen hi ap i chapaskri tchiddo, un i stakepangre hi ap i phub tchiddo, jon chan un pijenn. Koi dell jek gole: “Stenn pre, tumer pralstune! lenn tumare shilte an o wast!”

Jesaja 21:5 Iomraidhean Croise

2. Samuel 1:21

T'mer berge Gilboa: Kek sapanepen oun kek brishin te vell ap t'mende! Kek djob te vell baro ap t'mari phoub! Kol shilte mare čače morshendar hi kote čiddo. Ava, o Sauleskro shilto hi bouder gar dren maklo o djeteha.

Jesaja 13:2

Ap i bari nangi berga čivenn i sikepen pre! Denn zoreles i lourden khetne gole! Sikrenn len i vastentsa, te djan le dren an o foreskre voudya, kay i raya djivenn.

Jeremia 46:3

[O baro Devel moukas o Yeremia te shounell, har i egiptikre pralstoune gole denn:] Lenn t'mare shilte an o vast! Djan an o kourepen!

Jeremia 51:11

I Babilonarya kran o baro Debleskro kheer paash. Doleske las pes o baro Devel glan, te phagell lo o foro Babilon tele. Yob das i rayende dran o them Media boud zoor an lende, te djan le ap o foro Babilon pre. Činenn t'mare fayle! Lenn t'mare sasterne bečeskre patria an o vast!

Jeremia 51:39

Len hi bari bok – oun me krau lenge i rhapen, oun krau, te piyenn le pen mates, oun lenge hi halauter sapaske. Palle sovenn le dren hako tsireske, oun stenn bouder gar pre. Kova penell o baro Devel.

Jeremia 51:57

O baro Devel penell: Me krau len mato, kol pralstunen an Babilon, kol goseve morshen, themeskre rayen, pralstoune lourden, oun kol vavar lourden an Babilon, te perenn le an i sopen, kolestar yon bouder gar pre stenn. Kova penell o baro ray, koleskro lab hi: baro Devel, ko ray pral o bolepen oun i phoub.

1. Korintarja 15:32

An o foro Efesus kourom man me menshentsa, kay yaake hi har divye firhe. Te patsoms me gar, kay i moule pre stenna, kroms me kova gar. Te stenna i moule gar pre, hi kol vavaren čačo, te penenn le: “Rhas oun piyas! Taysar nay ham moulo!”