Jesaja 2:9 - O Debleskro Lab 2024 (Sinte-Manouche)

⁹ Doleske vell hakeno tiknes kerdo, oun hakeno hounte ladjell pes. Ma biste koy doosh, hoy le ap pende anan!

O Debleskro Drom 2021 (Sinte)

⁹ Doleske well hakeno tiknes kerdo, un hakeno hunte ladjell pes. Ma biste koi doosh, hoi le ap pende anan!

Jesaja 2:9 Iomraidhean Croise

Nehemia 4:5

Kolla, kay mentsa čingepen rodan, penan yek ap o vavareste: “Mer kamah sik oun čorrhanes mank lende te vell, te dikenn le men gar, bis te mer mashkral lende vam. Palle dah len moulo. Yaake krah, te djal koy boudi gar bouder doureder.”

Debleskri gili 49:2

T'mer menshe an hake themma, shounenn mishto! T'mer lauter, kay ninna han, krenn t'mare kanda pre!

Debleskri gili 59:5

Ninna te krom me kek čilačepen, nashenn le kay, te denn le man moulo. Ste pre! Ab oun dik les touke kokres an!

Debleskri gili 62:9

Dikenn ap leste hako tsiro, t'mer, leskre menshe! Čorenn t'mare djia vin glan leste! Pash o Debleste nay khatrah men.

Jesaja 27:11

Oun lengre kashta venn trouk oun phagenn tele. Oun djouvya venn oun lenn len, te krenn le i yag. Kal menshe hayvan či. Doleske vell koles, kay len kras, kek dji lenge, oun hi lenge gar lačo.

Jesaja 5:15

Oun yaake vell o mensho tikno, oun hounte dikell dren, te hi lo či. Oun kolla, kay dikan tele ap i vavarende, hounte čivenn pengre yaka tele pherdi ladj.

Jesaja 5:16

O baro Devel, ko ray pral o bolepen oun i phoub sikrell peskri zoor, oun krell, hoy čačo hi. O čačo Devel sikrell, te hi lo kokres o Devel, kay rakrell o čačepen vin.

Jesaja 57:9

Tou djal lačo djeteha pash o debleste Molok, oun ap toute čival boud kouč djet, hoy mishto soungella. Tou bičral morshen an dour themma, bis an o moulengro them, te anenn le touke vavar deblen.

Jeremia 18:23

Tou baro Devel, djineh, hoy len mantsa glan hi, kay kamenn le man moulo te dell. Ma biste lenge lengro čilačepen! Ma le lengri doosh lendar krik! Mouk len glan toute khetne te phagell, te vell tiri rholi pral lende!

Markus 3:29

Koon pral o Debleskro Dourho djoungele laba rakrella, kolestar vell koy doosh gar krik lino. Leskri doosh ačella hako tsiro.

Remarja 3:23

Lauter kran o čilačepen oun van pale-čiddo glan o Debleste.

Kolossarja 2:18

Hi menshe, kay krenn pen bares, oun kamenna, te shounenn t'mer ap kava te kova, oun te sharenn t'mer o Debleskre bolepangre, har yon krenna. Ma shounenn ap lende! Ninna te penenn le t'menge, te dikan le i baro koova, hoy kek vavar dikas, ma patsenn lenge! Kova, hoy yon penenna, hi či moldo. Yon hi sharede, ninna te dell či, pral hoy yon nay sharans pen: Lauter hoy yon rakrenna vell dran lengro shero.

Kolossarja 2:23

Ninna te vals yaake, har te vans kol laba goseve laba, hi le či moldo. Kol menshe marenn pen tele o Debleske, yaake har yon kamenna, oun gar har o Devel kova kamella. Yon shounenn ap kava te kova, oun marenn pen tele. Oun yaake krenn le kova, hoy dran lende vella oun gar o Deblestar.

Josua 24:19

Kote penas o Yosua ap i tsele menshende: “Kova nay vals t'menge phares, o baro Debleske koy te vell. Kek vavar devel hi har yob hi. Oun yob kamell t'mendar, te mangenn les kokres an. Te djan t'mer leskro dromestar tele oun hadenn t'men pral leste, bistrell lo kova gar.