Jesaja 2:20 - O Debleskro Lab 2024 (Sinte-Manouche)

²⁰ Oun kol roupene oun sonakangre figure, hoy i menshe pen kran, te mangenn le len an, kolen vitsrenn le i kermusenge oun i fledertikre kermusenge koy.

O Debleskro Drom 2021 (Sinte)

²⁰ Un kol rupene un sonakangre figure, hoi i menshe pen kran, te mangenn le len an, kolen witsrenn le i kermusenge un i fledertikre kermusenge koi.

Jesaja 2:20 Iomraidhean Croise

1. Mose 35:4

Oun yon dan o Yakobeste pengre tsele deblen dran barra oun kashta, hoy yon an-mangan, oun i tsele kanengre, hoy an lengre kanda his. Oun o Yakob paskras len tel o baro rouk pash o foro Sichem.

Sikepaskro 3:6

Yek tsiro hi koy, te rodas čomone, oun yek tsiro, kay rodah bouder gar. Yek tsiro hi koy, kay rikrah čomone, oun yek tsiro, kay vitsrah les krik.

Jesaja 10:3

Hoy kamenn t'mer te krell ap ko dives, kay vell t'mari phagi pral t'mende? Ap ko dives, kay vell i bibarht foun doural pral t'mende? Pash koneste kamenn t'mer palle te nashell? Oun kay moukenn t'mer palle t'maro bravlepen?

Jesaja 17:8

Oun yon dikenn bouder gar ap kol moule deblen, hoy yon pengre vastentsa oun goushtentsa kran, – kol figuren, hoy sikrenn i debletsa Ashera, oun kol boba, kay lake soungepaskro koova rhačedo vell.

Jesaja 30:22

Palle dikenn t'mer ap t'mare roupene oun sonakangre figure har ap čomone, hoy pale-čiddo hi. Krik kolentsa penenn t'mer oun vitsrenn len krik har čik.

Jesaja 31:7

T'mer kran t'men roupene oun sonakangre figure, hoy an-mangan. Kova his i bari doosh. O dives vell, kay vitsrell hakeno t'mendar kal figure krik, hoy lo peskre vastentsa kras.

Jesaja 40:19

I figura, nay vell li har o Devel? I boudepaskro krell lat dran saster, oun i vavar čivell sonakay troul late, oun krell roupene verklia oun pandell len ap late pre.

Jesaja 46:1

O rhorheno devel Bel phagas khetne, oun o rhorheno devel Nebo peras. Lengre figure, hoy t'mer trouyel hidjran, van kanna i firhenge ap lengro doumo pandlo. Yon hounte hidjrenn len oun venn khino tel ko pharo hidjepen.

Jesaja 46:6

Kol menshe, kay krenn pen i rhorheno devel, lenn sonakay dran lengri possita, oun čivenn roup ap i vaga, te playsrenn le koles, kay hayvell mishto te boudrell an sonakay oun roup, te krell lo kolestar i devel lenge. Glan koleste vitsrenn yon pen tele ap i phoub, oun mangenn les an.

Ezekiel 14:6

Doleske pen ap o kheer Israel: Kava penell o baro Devel, maro ray: Djan tele t'maro čilačo dromestar, oun moukenn t'mare rhorhene deblen, hoy yaake djoungelo an mire yaka hi!

Ezekiel 36:25

Me vitsrau djoudjo pani ap t'mende, te venn djoudjo halauterestar, hoy kras t'men pale-čiddo. Ko tselo čilačepen, hoy ap t'mende anan, har mangan i rhorhene deblen an, thovau t'mendar tele.

Ezekiel 7:19

Lengro roup vitsrenn le ap o drom, oun lengro sonakay hi lenge har čik. Lengro roup oun lengro sonakay nay lell len gar dran o merepen vin, ap ko dives, kay i rholi o baro Deblestar pral lende vell. Lengro roup oun sonakay vas či-moldo. Yon nay rhan les gar, oun nay krenn gar pengro per lestar pherdo. Lengro bravlepen his kova, hoy anas len yaake dour, te peran le o baro Debleskro dromestar tele.

Hosea 14:8

Oun me hom lenge har i rouk, kay leskre moussya pral lende rikrell, oun tel koleste yon beshdo hi. Oun lenge vell djob pale bares. Oun yon venn har i drakengro rouk, koles boud boud drake hi. Lačes vell pral lende rakedo, har pral koy mool dran o Libanon.

3. Mose 11:19

oun o storko; oun hake mačengre čirkle; oun o vesheskro bashno oun i čirklengre kermuse.

Zefanja 2:11

Kanna krell o baro Devel lenge bari daar, te krell lo i rhorhene deblen ap i tseli phoub paash. Oun an hake themma vitsrenn pen i menshe glan leste tele, hakeno an peskro them.

Louka 23:30

Ap ko tsiro penenn le ap i berge: Perenn pral mende!